ҚАЙРАТ НҰРТАС "ШОҚЫНДЫ" МА?
Көпшіліктің көзайымына айналған әнші Қайрат Нұртас өзінің Instagram парақшасында шоқыну мерекесі кезінде суға түскен видеосын жариялады. Аязда суға түсуге екінің бірінің батылы жетпесі анық. Бәлкім Қайрат осы арқылы өзінің батылдығын көрсетпек болған шығар.
Алайда Қайраттың бұл әрекеті біреулердің көңілінен шықса, енді біреулер кейіс танытқан. Қолдаушылар «Қайраттың жай суға түскісі келген болар» десе, екінші тарап «суға түскісі келсе, басқа уақыт жоқ па, дәл орыстың шоқыну мерекесінде суға түсе ме» деп сын садағына алған.
Базбіреулер аязда суға түсудің денсаулыққа қауіп екенін айтып, Қайрат үшін алаңдаушылық білдіріп жатыр.
Десе де, Қайраттың қандай мақсатпен суға түскені Аллаға және өзіне аян.
