Талай жұлдыздарды балшыққа батырған халық, қаласа, балшықта жатқан адамды жұлдыз қылып алады...

Ұлттық университеттің Халықаралық қатынастар (МО) факультетін бітірген бір келіншек күйеуімен шығыса алмай жүр. Халық көтерілсе шара қолданатын билік, доллар көтерілгенде мыңқ етпейді. Өтірік айтқан адам марапатталып, шындықты айтқан адам жазаланады.

Өнерлілер өнерімен ақша жасап жатса, ақшалылар ақшасымен өнер жасап әлек. Көшеде отырған қайыршыға шіріген байлар емес, айлығы шайлығына жетпейтіндер орташалар бес-он тиын тастайды. Кешегі кеңестік кезеңде халық үшін еңбек еткен адамдар халық жауы аталса, бүгін билік үшін бәріне даярлар халық қалаулысы аталуда.

Мына суретте екі кішкентайым балмұздақ алыңдар деп берген ақшасының жартысына жем сатып алып, кептерлерге шашып жүр. Шын мәнінде кептерлерге жем табу оңай ғой... Бізге қиын. Құдай сақтасын. Ең бастысы мейірім жоғалмасыншы. Уақыт бәрін орнына қояды.

Бейбіт Сарыбай

Facebook-тегі парақшасынан