Бүгін Иракта Тикрит қаласының маңындағы әскери базаға шабуыл кезінде кемінде 15 жауынгер қаза тауып, 22-сі жараланды.

Шабуылға бес жанкешті қатысқан. Ирак қауіпсіздік қызметінің мәліметінше, олардың екеуі бұрын АҚШ қарулы күштеріне тиесілі болған Camp Speicher әскери базасының қақпасының алдында көліктерді жарған. Қалған үшеуі ирак полицейлері жаттығатын аумаққа басып кірген соң, өздерін жарып жіберген. «Ислам мемлекеті» экстремистік тобы интернет арқылы шабуылды өздері ұйымдастырғанын мәлімдеді.

Бірнеше күн бұрын Ирак билігі 2015 жылдың жазында содырлар басып алған Рамади қаласын азат еткені туралы хабарлаған еді. Соңғы жылдары «Ислам мемлекетінің» содырлары Ирактың солтүстігі мен батысының едәуір бөлігіне бақылау орнатып үлгерді.

Abai.kz