Бішкектегі жылды қорытындылаған баспасөз конференциясында Атамбаев Қырғызстанның 400-500 шақты азаматы «Ислам мемлекеті» секілді террорлық ұйымдарға қосылғанын хабарлады.

«Ең қиыны олардың кеткенінде емес, осы індетті жұқтырғандардың елге қайтып келгенінде», - деді президент.

Сонымен бірге ол: «Франция  Париждегі террорлық шабуылдардан кейін Конституциясына өзгерістер енгізіп, терроршылар жағына өткендерді азаматтығынан айырғалы жатыр. Біз де осындай адамдарға тосқауыл қоюымыз қажет.Қазір Конституция бойынша ешкімді азаматтығынан айыра алмаймыз. Дегенмен ұлттық қауіпсіздікті  ойлауға тиіспіз. ИШИМ-мен ғана емес, діни сауатсыздықпен де күресу керек. Бар пәле сауатсыздықтан», - деп сөзін түйіндеді.