Дүйсенбі күні Кувейтте сөйлеген сөзінде НАТО-ның бас хатшысы Йенс Столтенберг Ресей Жероорта теңізінің шығыс бөлігінде құрлықтағы әскерін күшейтіп, Сирияның кейбір аудандарында әуе шабуылын жалғастырып жатыр деді.

Сирия оппозициясы болса, 27 ақпанда бітімгерлік шарты басталмай жатып, сәтсіздікке ұшырады деп есептейді. Жоғарғы келіссөз комитетінің өкілі Асаад аз-Зуби "Әл-Арабия әл-Хадат" телеарнасына берген сұхбатында Дамаскіде оппозицияға қарсы әскери шабуылдардың тоқтамай тұрғанын айтты.

Франция болса БҰҰ аясында Сирияға қолдай білдіретін халықаралық топ жаңа кездесу өткізіп, бітімгерлік талаптарының бұзылып жатқанын талқылау қажеттігін талап етеді.

Ресей өз кезегінде қиын болса да, бітім шарттары орындалып жатыр деп есептейді. Бұл жөнінде РФ президентінің баспасөз хатшысы Дмитрий Песков мәлімдеді. Ол сонымен бірге шетелдік әріптестеріне Ресейді Сирияға оқ атуды тоқтатпай тұр деп айыптағанда абай болуға шақырды.

Abai.kz