Бүгін Астанадағы Ұлттық мұражайда сағат 16:00 де М.Әуезов атындағы Қазақ Мемлекеттік драма театр мұражайының «Тарих толқынындағы театр шежіресі» атты көрмесінің ашылу салтанаты болады.

 Қазақстан Республикасы Тәуелсіздігінің 25 жылдығы аясында Ұлттық мұражайда М.Әуезов атындағы Қазақ Мемлекеттік драма театр мұражайының «Тарих толқынындағы театр шежіресі» атты көрмесі қыркүйек айының 20 мен қазан айының 6 аралығында өтеді.

Қазақ өнерінің қара шаңырағы - М.Әуезов атындағы Қазақ Мемлекеттік драма театры мұражайының 48 жылдық тарихы бар.

Театр мұражайы ол – қазақтың театр және кино өнерінде терең із қалдырған, атақты тұлғалардың өмірінің аяулы сәттеріндегі жарқын бейнесі. Мұражай жәдігерлері арасында әйгілі театр және кино актерларының сирек кездесетін фотосуреттері, әр жылдардағы сахналық киімдері, афишалар, спектакльдердің макеттері мен эскиздері, театр өнері майталмандарының портреттері және тағы басқа құнды заттар сақталған. Театрдың 90 жылдық ғұмырынан сыр шертетін осынау жәдігерлер бүгінгі Қазақстан Республикасы Тәуелсіздігінің 25 жылдығы арналған көрмеге қойылып отыр.

Көрменің салтанатты ашылуына КСРО Халық артисі, Мемлекеттік сыйлықтарының лауреаты, М.Әуезов атындағы Қазақ мемлекеттік академиялық драма театрының көркемдік жетекшісі – Асанәлі Әшімов, Қазақстанның халық артисі, профессор, кеңесші – Есмұхан Обаев, Қазақстанның еңбек сіңірген қайраткері, Қазақстан Жастар одағы сыйлығы лауреаты, театр директоры – Ерлан Біләл, ҚР еңбек сіңірген қайраткері,  Халықаралық «Алаш» сыйлығының лауреаты, ҚР Журналистика Академиясының академигі – Әлия Бөпежанова және т.б. өнер майталмандары қатысады.

Көрме туралы қосымша ақпаратты

мына телефондар бойынша алуға болады: 378-54-80

 Театрдың баспасөз қызметі