Оңтүстік Қазақстан облысының орталығы Шымкент қаласында қала күніне орай жалпы халықтық марафон өтті. Шымкентте қала күніне арналған xалықтық марафонға 4 мыңнан астам шаһар тұрғыны қатысты. Бұл туралы «Абай ақпарат» Оңтүстік Қазақстан облысы әкімінің баспасөз қызметіне сілтеме жасай отырып хабарлайды.

Қала күнін мерекелеудің екінші күнінде шым қала тұрғындары  5000 метр қашықтыққа жүгірді. Салауатты өмір салтын сақтаған 4 мыңнан астам шаһар тұрғындары Дінмұхамед Қонаев атындағы даңғыл бойындағы «Royal» фитнес клубынан "Наурыз" алаңына дейінгі бес шақырымды бағындырды.

Айта кетерлігі, мұндай спорттық сайыс Шымкентте осымен 17 рет өткізіліп отыр. Сондай-ақ, жүгіру сайысының қорытындысында 12 аталым бойынша 30 жүлдегер анықталып, барлығы дипломдар мен бағалы сыйлықтарға ие болды.

Бұл реткі бұқаралық марафон сайысының ең жас қатысушысы Сапарxан Бақдәулет пен Амантай Aян небәрі жеті жаста болса, ең қарт жүйріктер 65 жастағы Юрий Остапенко мен Зайцева Ираида есімді ақсақалдар болды.

Дереккөзі: ОҚО әкімінің баспасөз қызметі

Abai.kz