Осында бiр тәңiршiл ағам бар. Өзiн мұсылман емеспiн, тәңiршiлмiн дейдi. Бiрде соны жұма намазында көрiп қалдым. Әке-шешесiне құран оқытып шығып келе жатқан бетi екен.

"Құранға сенбейтiн болса, несiне оқытты екен?!" деп ойлап, iштей күлдiм де қойдым. Солардың кейбiрi өлгенде жаназасы оқылмай қалғанынан қорқады. Өз принципiне өзi қарсы шығып жүрген осындай қарама-қайшы тұлғалар. Көбi жаман әдеттерiн тастай алмағаннан (темекi, арақ, зина т.с.с.) кейiн өтiрiк тәңiршiл болып жүргендер.

Мұндай екiжүздiлерге сенуге бола ма, ағайын? Әрине, арасында бiлiмдiлерi де бар. Бiрақ ол бiлiмдерi Илләһи ақиқатты жоққа шығаратын әлдебiр дүмше догмаға айналып кеткендей...

Жолымбет Мәкіш

Facebook-тегі парақшасынан