Болат Әбіловтің зайыбы дүние салды
Кәсіпкер, есім-сойы елге мәлім азамат Болат Әбіловтің зайыбы - Айгүл ауыр науқастан қайтыс болды. Әлеуметтік желілерде кәсіпкердің достары, жүз таныс жандар тегіс қайғырып көңіл айтуда. Көңіл айтушылардың арасында Болаттың досы Ермұрат Бапи былай деп жазды:
Қайран, Айгүл!
Талай дәм-тұздас болған, жан-жүрегі жұп-жұмсақ тамаша адам еді. Биылғы жаздың басында жүрегі қанжылап, Болат айтқан еді: ем-дом дәру болады деген біраз жерге апардым деп. Ақыры болмаған екен... Бүгін Айгүлдің сүйегі Цюрихтен (Швейцария) өзінің мәңгілік мекені - Алматысына жеткізілді...
Ажалға амал нешік? Артында қалғандарға қайыр-берекесін берсін! Болат досыма қайғырып көңіл айтам: тас-түйін жігіт едің, берік бол, брат!
........................................
Әбіловтер отбасына, Болаттың өзіне, тума-туыстары мен балаларына біз де қайғырып көңіл айтамыз. Марқұмның жаны жәннатта болсын! Бекем бол, Бөке!
abai.kz порталының ұжымы
