Д.Елеусіновтің аты спорт кешеніне, Д.Баландиннің аты бассейнге беріліп жатқанда Алматыдағы 200-ден астам мектептің біріндегі мәжіліс залы Төреғалидың атына берілгенін, сонша сынаудың реті жоқ.

Әншілігі, әндерінің мәтіні, мазмұны мен әуені дұп-дұрыс. Өзгелерімен салыстырғанда бек жақсы. Қолпаштайық, күндемейік. Соның әніне тойда жігерлене билеген қанша кісі бүгін сынап алудың мүмкіндігін пайдаланып-ақ қалды. Ұлы дала баласы екені рас.

Бәріміз де ұлы даланың баласымыз. Ұлы даланың ұлы баласымын деп кергіп тұрған жоқ. Бұл сөзді қайталай берсек, "Ұлы далбаса" деген сөз шығатынын пост қылып жазу көрегендік емес. Халыққа қалай ұнауды, қалай ән айтуды меңгеріп, әрі азаматтық ұстанымды соған сәйкестендірсе, ол ісін жаппай жамандау ұятты іс.

Манас Қайыртай

Facebook-тегі парақшасынан