Астана: БҰҰ Қауіпсіздік Кеңесіне 2018 жылдың қаңтарында төраға боламыз
Қазақстан БҰҰ Қауіпсіздік Кеңесіне 2018 жылдың қаңтарында төраға болады деп хабарлады Астанада Қазақстан сыртқы істер министрі Қайрат Абдрахманов. Мәжілістегі үкімет сағатында сөйлеген Абдрахманов ай сайынғы ротациялық негізде ауысып келіп отыратын төрағалық міндет Қазақстанның Қауіпсіздік кеңесіне тұрақты емес мүшесі ретіндегі қызметінің "шырқау шыңы" болмақ деді.
Қазақстан сыртқы істер министрінің сөзінше, Кеңеске төрағалық ету кезінде Орталық Азия мен Ауғанстанға қатысты қарар, я мәлімдеме қабылдау жоспарланып отыр.
БҰҰ Қауіпсіздік Кеңесіне вето жасауға құқығы бар тұрақты бес ел мүше: АҚШ, Ресей, Қытай, Ұлыбритания және Франция, сонымен бірге 10 тұрақты емес мүшесі екі жылға сайланады. Осы айда Кеңеске төрағалық ету Украинадан Ұлыбританияға өтті.
Қазақстан БҰҰ Қауіпсіздік Кеңесі қызметіне 2017 жылдың 1 қаңтарынан бастап кірісті. 2 наурызда Қазақстанның БҰҰ-ға мүше болғанына 25 жыл толды.
Abai.kz
