استانا: بۇۇ قاۋىپسىزدىك كەڭەسىنە 2018 جىلدىڭ قاڭتارىندا توراعا بولامىز
قازاقستان بۇۇ قاۋىپسىزدىك كەڭەسىنە 2018 جىلدىڭ قاڭتارىندا توراعا بولادى دەپ حابارلادى استانادا قازاقستان سىرتقى ىستەر ءمينيسترى قايرات ابدراحمانوۆ. ماجىلىستەگى ۇكىمەت ساعاتىندا سويلەگەن ابدراحمانوۆ اي سايىنعى روتاتسيالىق نەگىزدە اۋىسىپ كەلىپ وتىراتىن توراعالىق مىندەت قازاقستاننىڭ قاۋىپسىزدىك كەڭەسىنە تۇراقتى ەمەس مۇشەسى رەتىندەگى قىزمەتىنىڭ "شىرقاۋ شىڭى" بولماق دەدى.
قازاقستان سىرتقى ىستەر ءمينيسترىنىڭ سوزىنشە، كەڭەسكە توراعالىق ەتۋ كەزىندە ورتالىق ازيا مەن اۋعانستانعا قاتىستى قارار، يا مالىمدەمە قابىلداۋ جوسپارلانىپ وتىر.
بۇۇ قاۋىپسىزدىك كەڭەسىنە ۆەتو جاساۋعا قۇقىعى بار تۇراقتى بەس ەل مۇشە: اقش، رەسەي، قىتاي، ۇلىبريتانيا جانە فرانتسيا، سونىمەن بىرگە 10 تۇراقتى ەمەس مۇشەسى ەكى جىلعا سايلانادى. وسى ايدا كەڭەسكە توراعالىق ەتۋ ۋكراينادان ۇلىبريتانياعا ءوتتى.
قازاقستان بۇۇ قاۋىپسىزدىك كەڭەسى قىزمەتىنە 2017 جىلدىڭ 1 قاڭتارىنان باستاپ كىرىستى. 2 ناۋرىزدا قازاقستاننىڭ بۇۇ-عا مۇشە بولعانىنا 25 جىل تولدى.
Abai.kz
