26-шы баптың у-шуы апогейге жете бастағанда ғана Рогов пен сенатор "дұрыс түсінбедіңдер" дегендей жауап берді. Бірақ сенатор кім? Ол 47 сенатордың бірі ғана. Оның даусы шешуші емес. Роговтың функциясы да бақылаушы, абыройын айтпағанда.

Бұл жағынан келгенде, қанша шовик болса да Песков ақпаратты тұрақты жеткізеді. Тіпті актерға қысым жасалса да, трактористер наразылық білдірсе де, білеміз, бақылап отырмыз, шешеміз дегендей жауап береді. Шешіле ме, жоқ па, белгісіз, бірақ Песков айтса, онда Путин проблемадан хабардар деген сигнал халыққа жетеді.

Бізде бір дау шықса, Президент осы туралы біле ме екен деген күмән туады. Әрине, ақпаратты жеткізеді, арнайы қызметтер бар дегендей. Бірақ АП-дан, үкіметтен не басқадан біреу экраннан әу демеген соң, ол проблеманы жергілікті әкімдік қанша тиімді шешіп жатса да, ол халыққа көрінбейді. Содан халық пен үкімет екі бөлек изоляцияда, екі әлемде отыр деген түсінік қалыптасады.

Осы feedback - кері байланыс орнауы үшін СЦК-ны құрды, басында тек премьер, министрлер маңызды мәлімдемелер жасап, статуысын көтерді. Бірақ кейін концерт, төбелес, жиналыс, саяхат жарнамаланды, ешкім танымайтын ғалымдар жолдауға қолдау деп баяндама оқып кетті. Соңында оқушылар пәлен журналист жинап, сол жерде өлең оқитын деңгейге жетті. Енді бір маклер СЦК-да квартираның жарнамасын беру ғана қалды.....

Қысқасы, кез-келген проблема ушыға бастағанда президент өкілі не премьер ол туралы түсіндіріп не қалай шешетін жоспарын бірден жарияласа, біраз конфликтті "күшік кезінде" шешуге болады. Вроде қарапайым нәрсе, бірақ істемейді...