Ресей. Мектептің жанында қолшамға ұқсас зат жарылды
Ресейдің Ростов-на-Дону қаласындағы бір мектептің жанында тағы да жарылыс болды, деген хабар таратуда шетелдік БАҚ көздері.
Қазір жедел қызмет қызметкерлері оқиға орнына барған. Нақтыланған ақпаратқа сүйенсек, төтенше жағдай мектеп жанында болған.
«№ 5 лицей күзетшісі мектеп аумағын аралап жүрген кезде жерде қолшамға ұқсас зат жатқанын байқаған. Әлгі затты көтере бергенде, жарылыс болған», - дейді дереккөздері. Соның салдарынан күзетші бір саусағынан айырылды, сондай-ақ кеуде тұсын күйік шалған. Күзетші ауыр халде ауруханаға жеткізілді.
Абай-ақпарат
