Уақыт өткен соң талай нәрсені түсіндім...
Сенімді жылдар бойы жүріп жинайсың, көзді ашып-жұмғанша жоғалтып аласың. Бір ауыз сөз қанжардай жүрегіңді осып өтеді. Бітті. Мәңгілік жазылмайтын жараға айналады.
Айтылмаған сөз де жүрекке салмақ түсіреді. Көп нәрсенің өзгеруіне түрткі болады.
Көңіл күйімді өзім ырқымда ұстамасам, ол мені басқарып кететінін ұғындым. Егер адам өзіне деген құрметтен айырылса, онда бәрінен айырылатынын түсіндім.
Өткен өмірде қалған дүниенің бәрін қайта жаңғырту мүмкін еместігін білдім. Адамдар сыйластықты бағаламайтынын, көп жағдайда сенің шынайылығың мен махаббатыңды азсынатынын сезіндім.
Өзіңнен артық сенетін адамдардың да опасыздық жасайтынын көрдім. Ту сыртыңнан бөтен адамдарға жамандайтынын өмір көрсетті. Сенімді достарым саусақпен санарлық екені өмірдің ащы шындығы.
Басымнан небір қиындықты өткеріп, осы жазған түйіндерге көзім ашылған соң барып бақытты болуды үйрендім.
Макс Фрай
Аударған Шынар Әбілдә
Facebook-тегі парақшасынан
