Сот шешімімен жабылған "Сентябрь" телеарнасының кеңесінде флешмоб өтті
Қырғызстанда сот шешімімен жабылған "Сентябрь" телеарнасының ұжымы кеңесінде флешмоб ұйымдастырып, телеарна атауы "Жалбырак ТВ" ("Жапырақ ТВ") болып өзгергенін жариялады.
Телеарна журналистерінің мәлімдеуінше, "Жалбырак ТВ" жұмысын интернетте жалғастырады, болашақта оның сайты жұмыс істей бастайды. Флешмобқа журналистер, азаматтық белсенділер қатысты.
Бішкектің Первомай аудандық соты 22 тамызда "Сентябрь" телеарнасының Қырғызстан аумағында хабар таратуына тыйым салып, оның бағдарламаларына Интернетте шектеу қойды.
Бұған Ош облыстық ішкі істер басқармасының бұрынғы басшысы Абылды Капаровтың сұхбаты түрткі болған. Сот бұл сұхбатты "экстремистік сипаттағы материал" деп таныған.
Abai.kz
