Алматы. 3 желтоқсан. ҚазТАГ – ҚР-да 2010 жылдың қараша айында тұтыну бағаларының өсуі 0,8% құрады, деп жұма күні ҚР статагенттігі хабарлады. Жылдық көрсеткіште инфляция 2009-ші қараша-2010-шы қарашаға - 7,7% құрады.

Инфляция құрылымында азық-түлік өнімдерінің бағасы 1,2%-ға, азық-түлік емес тауарлардың бағасы 0,6%-ға, ақылы қызметтер 0,4%-ға қымбаттаған. Жыл басынан бері бағаның өсуі 7,1% болды.

«Өткен айда нан өнімдері мен жарма өнімдерінің бағасы 0,8%-ға қымбаттаған, қарақұмық жармасы 13,8%-ға, ұн – 1%-ға, тары – 1,7%-ға, нан – 0,8%-ға, макарон өнімдері 0,5%-ға қымбаттаған. Жұмыртқа бағасы 5,4%-ға өсті, май бағасы – 4,9%-ға, картоп – 4, жаңа піскен көкөніс – 2,7%, сүт - 2,4%-ға, қант – 1,5%-ға, шәй, како – 1,3%-ға, ет өнімдері – 0,7%-ға қымбаттаған», - делінген статагенттіктің ақпаратында.

Келтірілген мәліметтерге сәйкес, сұйытылған газ бағасы - 2,5%-ға, қатты отын – 3,3%-ға, сұйытылған газ бен дизель отынының бағасы 0,2%-ға өскен.

«Амбулаториялық қызметтер 1,8%-ға, жоғары білім қызметтері – 1%-ға, мейрамханалар мен қонақ үйлердің қызметтері – 0,9%-ға, көлік қызметтері – 0,8%-ға, мәдениет қызметтері– 0,5%-ға қымбаттаған. Тұрғын үй-коммуналдық салада тарату желісімен тасымалданатын газ тарифі 0,9%-ға, орталық жылыту тарифі – 0,1%-ға төмендеді», - делінген таратылған ақпаратта.