الماتى. 3 جەلتوقسان. قازتاگ – قر-دا 2010 جىلدىڭ قاراشا ايىندا تۇتىنۋ باعالارىنىڭ ءوسۋى 0,8% قۇرادى، دەپ جۇما كۇنى قر ستاتاگەنتتىگى حابارلادى. جىلدىق كورسەتكىشتە ينفلياتسيا 2009-ءشى قاراشا-2010-شى قاراشاعا - 7,7% قۇرادى.

ينفلياتسيا قۇرىلىمىندا ازىق-تۇلىك ونىمدەرىنىڭ باعاسى 1,2%-عا، ازىق-تۇلىك ەمەس تاۋارلاردىڭ باعاسى 0,6%-عا، اقىلى قىزمەتتەر 0,4%-عا قىمباتتاعان. جىل باسىنان بەرى باعانىڭ ءوسۋى 7,1% بولدى.

«وتكەن ايدا نان ونىمدەرى مەن جارما ونىمدەرىنىڭ باعاسى 0,8%-عا قىمباتتاعان، قاراقۇمىق جارماسى 13,8%-عا، ۇن – 1%-عا، تارى – 1,7%-عا، نان – 0,8%-عا، ماكارون ونىمدەرى 0,5%-عا قىمباتتاعان. جۇمىرتقا باعاسى 5,4%-عا ءوستى، ماي باعاسى – 4,9%-عا، كارتوپ – 4, جاڭا پىسكەن كوكونىس – 2,7%، ءسۇت - 2,4%-عا، قانت – 1,5%-عا، ءشاي، كاكو – 1,3%-عا، ەت ونىمدەرى – 0,7%-عا قىمباتتاعان»، - دەلىنگەن ستاتاگەنتتىكتىڭ اقپاراتىندا.

كەلتىرىلگەن مالىمەتتەرگە سايكەس، سۇيىتىلعان گاز باعاسى - 2,5%-عا، قاتتى وتىن – 3,3%-عا، سۇيىتىلعان گاز بەن ديزەل وتىنىنىڭ باعاسى 0,2%-عا وسكەن.

«امبۋلاتوريالىق قىزمەتتەر 1,8%-عا، جوعارى ءبىلىم قىزمەتتەرى – 1%-عا، مەيرامحانالار مەن قوناق ۇيلەردىڭ قىزمەتتەرى – 0,9%-عا، كولىك قىزمەتتەرى – 0,8%-عا، مادەنيەت قىزمەتتەرى– 0,5%-عا قىمباتتاعان. تۇرعىن ءۇي-كوممۋنالدىق سالادا تاراتۋ جەلىسىمەن تاسىمالداناتىن گاز ءتاريفى 0,9%-عا، ورتالىق جىلىتۋ ءتاريفى – 0,1%-عا تومەندەدى»، - دەلىنگەن تاراتىلعان اقپاراتتا.