Алматы. 21 желтоқсан. ҚазТАГ – Өткен жексенбіде Алматының Алмалы ауданының көшелерінде пышақпен қаруланған белгісіз еркектердің қолынан бір адам қаза болып және екеуі ауруханаға түсті, деп агенттікке құқық қорғау органындағы дереккөз хабарлады.

Тірі қалған зардап шегушінің біреуі, 25 жасар ҚазМУ-дің студентінің айтуынша, шабуылдаушылар бесеу болған. Олардың жастары 25-тен аспайды. Олар 21.40 шамасында Төле би мен Тлендиев көшелерінің қиылысында жолды бөгеп, студент пен оның серігін соққыға жығып, қашып кетпекке әрекеттенгенде пышақ салған. Арқасынан жүрек тұсынан пышақ салынған зардап шегушінің екіншісі жедел жәрдем келгенше оқиға орнында жан тапсырған, дейді дереккөз.

Олардың айтуынша, қылмыскерлер тобы бірінші қылмыс жасағаннан кейін 20-30 минут өткен соң өздерін тағы көрсеткен. Олар көшеде өтіп бара жатқан 17 жасар баланы қоршап алған. Қылмыскерлер кәмелетке толмағанның санына пышақ салып, одан ұялы телефон мен красовкасын тартып алып, тайып тұрған.

Полиция күдіктілерді ұстай алмады.