Абылай хан бір күнде алты әйел алған...
Шарышты қан майданда жеңген Абылайды «ел басқарып, ысылсын» деген ниетпен Әбілмәмбет хан Есіл бойындағы Атығай-қарауылға сұлтан етіп жібереді.
Жаңадан үйленген Абылай Қарақалпақтан алған келіншегін алып Атығай-қарауылға аттанады. Алты рудан тұратын Атығай-қарауыл елі өз сұлтандарын аса үлкен қошаметпен қарсы алып, әр ру бір-бір қыздарын жас сұлтан Абылайға ұсынады.
Абылай-біреу, қыз-алтау. «Енді не істейміз?». Халықтың басы қатады.
Абекең тұрып айтыпты дейді: « енді ... төртке дейін алуға болады ғой...» - деп.
Сөйтсе, ауылдың молдасы тұрып: «Сұлтеке, Пайғамбарымыз жалпы жеті рет некелі болған. Араб халифалары мен Түрік сұлтандарына жеңілдік берлгенін өзіңізде білесіз. Тіпті олардың жеке гаремдері де болған» - деп жол көрсетсе керек.
Сонымен, Абылай хан бір күнде алты неке қиыдырса керек...
... Кейіннен орыс әскеріне жол көрсеткені үшін Арыстан ақынды Кенесеры хан жазаламақ болғанда, Арыстан ақынның:
Ханеке, алыс көрсең алашаңмын,
Жақын тұтсаң қасыңда, қарашаңмын.
Атаңа алты қатын алып берген,
Атығай-қарауылдың баласымын - деп құтылып кететіні содан ғой...
Мұратхан Махметұлы
Facebook-тегі парақшасынан
