Қазақта дәстүр көп, бірақ қадірі кетіп қалған немесе өзіміз қадірін кетіріп алған біреуі бар. БЕТАШАР. Келін үйге келген соң оның бетін көруге бәрі асық болады, келін бетін көрсетпейді, көру үшін беташарға келіп, ырымын жасау керек.

Ал қазір қалай? Қазір келіндер күйеуге тиген күні шыдамай әлеуметтік желіге фотосын салып тастайды “Бақытымды таптым”, «Келін атандым» деген сияқты фотолармен. Бүкіл әлем келіннің бетін көріп қойған соң, «для галочки» оның беті ашылады.

Тойдың айналасында ең ұнайтын дәстүр беташар еді. Оның да қадір-қымбатын кетіріп алдық. Қалған-құтқан дәстүрдің қадірі болса енді...

Нұрлан Жанайдың Facebook-тегі парақшасынан

Abai.kz