Биылғы жылдың қазан айында Мемлекет басшысы «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауында Қазақстан халқының әл-ауқатын барынша көтеру жайы баса айтылған еді. Осы бағытта Түркістан облысында елдің әлеуметтік-экономикалық жағдайы басты назарға алынып отыр.

Сайрам ауданының әлеуметтік-экономикалық дамуы тұрақты. Ағымдағы жылдың 10 ай көлемінде межеленген мақсатты көрсеткіштерге қол жеткізілген. Аймақта 2016-2020 жылдарға арналған даму бағдарламасы қолға алынып, 6 бағыт бойынша тиісті жұмыстар атқарылуда. Сонымен қатар, Сайрамның 2025 жылға дейінгі даму концепциясы әзірленген. Бұл туралы бүгін аудан әкімі Бақтияр Мамаев Түркістан қаласында өткізген баспасөз-брифингісінде мәлімдеді.

Сайрамның өнеркәсіп саласында ағымдағы жылдың 10 айында 33 млрд.теңгенің өнімі өндірілген. Даму концепциясына сәйкес жыл соңына дейін көрсеткішті 39 млрд.теңгеге жеткізу жоспарланып отыр.Облыс деңгейіндегі өндіріс кәсібі бойынша Сайрамның үлесі 10% құрап, 2 орында тұр. «Өңірлер кәсіпкерлігін қолдау картасына» жалпы құны 8 млрд.теңгені құрайты 13  жоба енген. Индустрияландыру картасы аясында қолға алынған бастамада қазір 8 жоба іске қосылған. Бұл кәсіпорындарда 391  жұмыс орындары ашылған.

Бақтияр Мамаев – Сайрам ауданының әкімі