Ол сонымен бірге бұл шешім президентті "ақтамайды" деді. Бірақ АҚШ президенті Дональд Трамп зерттеу қорытындысын "толық ақтау" деп есептейді.
Мюллер Ресейдің араласуымен бірге ресейлік шенеуніктердің Дональд Трамппен байланысын да зерттеген.
24 наурызда АҚШ әділет министрлігі арнайы прокурор Мюллер жинаған құжат "дәлелді айғақтар келтіру үшін жеткілікті емес" деп мәлімдеген.
"Америка дауысы" сайтының жазуынша, тергеу тобы осы уақытқа дейін зерттеу барысын БАҚ пен қоғамнан жасырып келген. Зерттеу барысында 34 жеке тұлға мен екі заңды тұлғаға 200-ден астам айып тағылған. Олардың арасында 26 Ресей азаматы бар.
АҚШ президенті Дональд Трамптың сайлауалды кампаниясында жұмыс істеген алты азаматқа айып тағылды: ұлттық қауіпсіздік бойынша президенттің бұрынғы кеңесшісі Майкл Флинн, сайлауалды штабының бұрынғы жетекшісі Пол Манафорт, президенттің бұрынғы кеңесшісі Рик Гейтс, Трамптың бұрынғы жеке адвокаты Майкл Коэн, бұрынғы кеңесшісі Роджер Стоун.
Abai.kz
