ول سونىمەن بىرگە بۇل شەشىم پرەزيدەنتتى "اقتامايدى" دەدى. بىراق اقش پرەزيدەنتى دونالد ترامپ زەرتتەۋ قورىتىندىسىن "تولىق اقتاۋ" دەپ ەسەپتەيدى.
ميۋللەر رەسەيدىڭ ارالاسۋىمەن بىرگە رەسەيلىك شەنەۋنىكتەردىڭ دونالد ترامپپەن بايلانىسىن دا زەرتتەگەن.
24 ناۋرىزدا اقش ادىلەت مينيسترلىگى ارنايى پروكۋرور ميۋللەر جيناعان قۇجات "دالەلدى ايعاقتار كەلتىرۋ ءۇشىن جەتكىلىكتى ەمەس" دەپ مالىمدەگەن.
"امەريكا داۋىسى" سايتىنىڭ جازۋىنشا، تەرگەۋ توبى وسى ۋاقىتقا دەيىن زەرتتەۋ بارىسىن باق پەن قوعامنان جاسىرىپ كەلگەن. زەرتتەۋ بارىسىندا 34 جەكە تۇلعا مەن ەكى زاڭدى تۇلعاعا 200-دەن استام ايىپ تاعىلعان. ولاردىڭ اراسىندا 26 رەسەي ازاماتى بار.
اقش پرەزيدەنتى دونالد ترامپتىڭ سايلاۋالدى كامپانياسىندا جۇمىس ىستەگەن التى ازاماتقا ايىپ تاعىلدى: ۇلتتىق قاۋىپسىزدىك بويىنشا پرەزيدەنتتىڭ بۇرىنعى كەڭەسشىسى مايكل فلينن، سايلاۋالدى شتابىنىڭ بۇرىنعى جەتەكشىسى پول مانافورت، پرەزيدەنتتىڭ بۇرىنعى كەڭەسشىسى ريك گەيتس، ترامپتىڭ بۇرىنعى جەكە ادۆوكاتى مايكل كوەن، بۇرىنعى كەڭەسشىسى رودجەر ستوۋن.
Abai.kz
