Ресейдің зымырандары, ұшақтары, көліктері, кез-келген басқа техникасы ешбір сапа мен қауіпсіздік талаптарына сай емес темір-терсек екені баршаға аян. Сондықтан есі дұрыс, халқының амандығын ойлайтын елдер "Ресейде жасалған" деген айдары бар өнімнен баяғыда бас тартқан. Тек неге екені белгісіз, Қазақстан емес.

Бұл маңайда бізді әлгі ешкімге керегі жоқ қоқысты сатып алуға, "Лада" атты ешек-арбаны құрастырушы зауыдтарды ашуға жол беріп, оған сіз бен біздің миллиардтарымызды беталбаты жұмсап отырған әлдебір сыртқы жау емес, іштегі өзіміздің шенділеріміз. Ендеше кәдімгі жемқорлық пен ұлттық мүддені сату жәйттері болса өз басым таңғалмаймын.

Айтпағым, күн аманда соншама боздақтан айрылғанымыз жәй кездейсоқтық емес. Бұған әлгі өлім мәшінелерін біздің атымыздан, біздің есебімізден сатып алған шенділер жауап беру керек.

Және бұдан былай өркениетті әлем секілді ресейлік қалған-құтқанды Қазақ еліне әкелуді доғару керек.

Расул Жұмалының facebook парақшасынан

Abai.kz