رەسەيدىڭ زىمىراندارى، ۇشاقتارى، كولىكتەرى، كەز-كەلگەن باسقا تەحنيكاسى ەشبىر ساپا مەن قاۋىپسىزدىك تالاپتارىنا ساي ەمەس تەمىر-تەرسەك ەكەنى بارشاعا ايان. سوندىقتان ەسى دۇرىس، حالقىنىڭ اماندىعىن ويلايتىن ەلدەر "رەسەيدە جاسالعان" دەگەن ايدارى بار ونىمنەن باياعىدا باس تارتقان. تەك نەگە ەكەنى بەلگىسىز، قازاقستان ەمەس.

بۇل ماڭايدا ءبىزدى الگى ەشكىمگە كەرەگى جوق قوقىستى ساتىپ الۋعا، "لادا" اتتى ەشەك-اربانى قۇراستىرۋشى زاۋىدتاردى اشۋعا جول بەرىپ، وعان ءسىز بەن ءبىزدىڭ ميللياردتارىمىزدى بەتالباتى جۇمساپ وتىرعان الدەبىر سىرتقى جاۋ ەمەس، ىشتەگى ءوزىمىزدىڭ شەندىلەرىمىز. ەندەشە كادىمگى جەمقورلىق پەن ۇلتتىق مۇددەنى ساتۋ جايتتەرى بولسا ءوز باسىم تاڭعالمايمىن.

ايتپاعىم، كۇن اماندا سونشاما بوزداقتان ايرىلعانىمىز ءجاي كەزدەيسوقتىق ەمەس. بۇعان الگى ءولىم ماشىنەلەرىن ءبىزدىڭ اتىمىزدان، ءبىزدىڭ ەسەبىمىزدەن ساتىپ العان شەندىلەر جاۋاپ بەرۋ كەرەك.

جانە بۇدان بىلاي وركەنيەتتى الەم سەكىلدى رەسەيلىك قالعان-قۇتقاندى قازاق ەلىنە اكەلۋدى دوعارۋ كەرەك.

راسۋل جۇمالىنىڭ facebook پاراقشاسىنان

Abai.kz