Шараның ашылу салтанатына Қазақстанның тұңғыш президенті Нұрсұлтан Назарбаев та қатысқан. Бұл жөнінде оның баспасөз хатшысы Айдос Үкібай Twitter парақшасына жазды.

Бұл форумда "Бір белдеу - бір жол" бастамасының алты жылғы жұмысына есеп беріліп, әрі қарайғы даму бағыты айқындалмақ.

Қытайды Еуропа, Африка және Азияның өзге аймақтарымен біріктіретін бұл жобаның құны - триллион доллар.

Қытайдың бастамасымен жүзеге асырылып жатқан бұл жоба Құрама Штаттардың және Еуропа одағы елдерінің сынына іліккен. Олар Қытай бірқатар дамушы елдерді қарызға батырып отыр дейді.

2013 жылдан бері "Бір белдеу - бір жол" жобасына Қытай 90 млрд доллар қаржы бөлді. Ал Қытай банктерінің шетелдіктерге қарыз ретінде берген сомасы - 200 млрд доллар.

Abai.kz