Өзбекстанның танымал әртістері, белгілі суретшілері мен кинематографистері бар топтың ашық хаты интернет басылымдарда жарияланды.

Ондағы мәліметке қарағанда, орыс тіліне ресми мәртебе беру ұсынысы Ресейдің «Россотрудничество» агенттігінің қаржылық қолдауы бойынша өткен Ташкенттегі орыс мәдени орталығының 25 жылдығына арналған шарада талқыланған.

Көптеген жылдар бойы Өзбекстан президентінің баспасөз хатшысы болып істеген белгілі жазушы Мурод Мухаммад Дуст орыс тіліне ресми тіл мәртебесін беру ұсынысы «жоғары жақтан» шыққан болуы мүмкін деген болжамын айтады. Ал картиналары әлемдік көрмеде қойылатын өзбек суретшісі Вячеслав Ахунов жоғарыдағы зиялық қауым өкілдерін «отаршылдық сананың адамдары» деп атады.

Өзбек ССР-нің Жоғарғы кеңесі өзбек тіліне мемлекеттік тіл мәртебесін беру туралы заңды ​1989 жылдың 21 қазанында қабылдаған.

Abai.kz