وزبەكستاننىڭ تانىمال ارتىستەرى، بەلگىلى سۋرەتشىلەرى مەن كينەماتوگرافيستەرى بار توپتىڭ اشىق حاتى ينتەرنەت باسىلىمداردا جاريالاندى.
ونداعى مالىمەتكە قاراعاندا، ورىس تىلىنە رەسمي مارتەبە بەرۋ ۇسىنىسى رەسەيدىڭ «روسسوترۋدنيچەستۆو» اگەنتتىگىنىڭ قارجىلىق قولداۋى بويىنشا وتكەن تاشكەنتتەگى ورىس مادەني ورتالىعىنىڭ 25 جىلدىعىنا ارنالعان شارادا تالقىلانعان.
كوپتەگەن جىلدار بويى وزبەكستان پرەزيدەنتىنىڭ ءباسپاسوز حاتشىسى بولىپ ىستەگەن بەلگىلى جازۋشى مۋرود مۋحامماد دۋست ورىس تىلىنە رەسمي ءتىل مارتەبەسىن بەرۋ ۇسىنىسى «جوعارى جاقتان» شىققان بولۋى مۇمكىن دەگەن بولجامىن ايتادى. ال كارتينالارى الەمدىك كورمەدە قويىلاتىن وزبەك سۋرەتشىسى ۆياچەسلاۆ احۋنوۆ جوعارىداعى زيالىق قاۋىم وكىلدەرىن «وتارشىلدىق سانانىڭ ادامدارى» دەپ اتادى.
وزبەك سسر-ءنىڭ جوعارعى كەڭەسى وزبەك تىلىنە مەملەكەتتىك ءتىل مارتەبەسىن بەرۋ تۋرالى زاڭدى 1989 جىلدىڭ 21 قازانىندا قابىلداعان.
Abai.kz
