26 маусым күні Abai.kz ақпараттық порталына "Қостанайдың орталығындағы жалғыз қазақ бастауыш мектебі шалғайға көшіріледі" атты мақала жарияланған еді.

Ол мақалада "жалғыз қазақ мектебі деп емес, жалғыз қазақ бастауыш мектебі" деп анық жазылған және ол мектепті қаланың шалғай ауданына көшіруге қарсылық білдірілген.

Кейін бұл мәселеге ҚР Президенті Қасым-Жомарт Тоқаевтың өзі назар аударып, Білім және ғылым министрі мен жергілікті әкімдікке тапсырма берген.

Ал бүгін ҚР Білім және ғылым министрі Асхат Аймағамбетов Президент тапсырмасына қатысты тиісті шаралар қабылданғанын мәлімдеді.

Қостанайдағы жалғыз қазақ бастауыш мектебінің төңірегіндегі мәселеге қатысты айтыскер ақын Әсия Беркенова бейне үндеу жасап, өз пікірін білдірген екен.

Abai.kz