Қырғызстанның ұлттық ақпарат агенттігінің тілшілері Абайдың «Ғылым таппай мақтанба» өлеңін жатқа оқыды, деп хабарлайды ҚазАқпарат.

«Қазақ ақыны Абай Құнанбайұлының 175 жылдығына орай Қазақстан Президенті Қасым-Жомарт Тоқаев қолдаған эстафетаны «Кабар» қырғыз ұлттық ақпарат агенттігі «ҚазАқпарат» халықаралық ақпарат агенттігінен қабылдап алып, эстафетаны «ЭлТР» телерадиокомпаниясына, Алыкул Осмонов атындағы ұлттық кітапханаға және Ұлттық ғылым академиясының Ш. Айтматов атындагы Тіл және әдебиет институтына жолдайды», делінген қырғыз агенттігінің хабарламасында.

Еске сала кетсек, бұған дейін «Татар-Информ» ақпарат агенттігі Абай шығармашылығына арналған эстафетаға үн қосқан болатын.

Abai.kz