Beysenbi, 20 Aqpan 2020
Bilik 1468 18 pikir 8 Qañtar, 2020 sağat 14:05

Prezident Parsı şığanağı aymağındağı ahualğa alañdauşılıq bildirdi

Memleket basşısı Qasım-Jomart Toqaev Prezident Äkimşiligi basşılığınıñ, Prem'er-Ministrdiñ orınbasarınıñ, Qauipsizdik Keñesi hatşısınıñ, Wlttıq qauipsizdik komiteti törağasınıñ, Sırtqı ister ministriniñ, Qorğanıs ministriniñ, İşki ister ministriniñ jäne Qarulı Küşter Bas ştabı bastığınıñ qatısuımen keñes ötkizdi. 

Sırtqı ister ministri Mwhtar Tileuberdi men basqa da vedomstvo basşıları Tayau Şığıstağı qazirgi ahual turalı bayandadı.

Qazaqstan Prezidenti Parsı şığanağı aymağındağı ahualdıñ kürt şielenisuine alañdauşılıq bildirip, atalğan is-qimıldarğa qatısuşı taraptardıñ barınşa wstamdılıq tanıtuı qajettigin aytıp, qaqtığıstardı diplomatiyalıq ädis-täsildermen, eñ aldımen, bwl iske BWW aralastıra otırıp, sonday-aq ekijaqtı baylanıstar men kelissözder arqılı retteu mümkin ekenin atap ötti.

Keñes qorıtındısı boyınşa Memleket basşısı Qazaqstannıñ Tayau Şığıstağı elşilikteri men ondağı qızmetkerlerdiñ qauipsizdigin qamtamasız etudi, elimizdegi şeteldik diplomatiyalıq ökildikter men kompaniyalar keñseleriniñ qauipsizdigin saqtau üşin şaralar qabıldaudı, memleketimizdiñ wlttıq müddesine qatıstı mañızdı aqparattardı alu jäne taldau jwmıstarın küşeytudi tapsırdı. Halıqaralıq ahualdıñ şielenisui jağdayında Qazaqstannıñ äleumettik-ekonomikalıq damu jäne qorğanıs äleuetin küşeytu mäselelerine erekşe köñil bölinedi.

Abai.kz

18 pikir