Särsenbi, 19 Aqpan 2020
Özgeler 1051 22 pikir 11 Qañtar, 2020 sağat 15:15

Iran ukrainalıq wşaqtı bayqausızda atıp qwlatqan

Iran biligi ukrainalıq wşaqtı bayqausızda atıp qwlatqanın moyındadı. Bwl turalı Iran Qorğanıs küşteri Bas ştabı mälimdedi.

"Halıqaralıq Ukraina äue joldarı" äuekompaniyasınıñ Boeing 737 jolauşılar wşağınıñ Tegeran mañında apatqa wşırauına "adamnıñ qateligi" sebep bolğan.

IRIB memlekettik teleradiokompaniyası taratqan resmi aqparatta, "adamnıñ qateligi saldarınan jäne wşaqtı bayqausızda qwlattı", delingen.

Esteriñizge sala keteyik, 8 qañtarda Tegeran äuejayına jaqın mañda ukrainalıq wşaq apatqa wşırap, ekipaj müşeleri men jolauşılar tügel qaza taptı. Resmi mälimetter boyınşa wşaqta 167 jolauşı men ekipajdıñ toğız müşesi bolğan. Olar Auğanstan, Germaniya, Iran, Kanada, Ukraina, Wlıbritaniya jäne Şveciya azamattarı bolğan.

Osığan deyin, batıs elderiniñ köşbasşıları wşaqtıñ apatqa wşırauı zımıran soqqısına baylanıstı boluı mümkin ekenin ayttı. Bwl turalı Ukraina prezidenti Vladimir Zelenskiy de mälimdegen. Al Iran ükimeti mwnı joqqa şığarğan. Keşe New York Times gazeti Boeing wşağına zımırannıñ döp tiyu säti körestilgen videonı jariyaladı.

Abai.kz

22 pikir