Biyl Otbasy kýni ayasynda elimizding barlyq ónirinde 12 myngha juyq adamdy qamtyghan mynnan astam is-shara ótkizildi. Otbasylyq jәne últtyq qúndylyqtardy dәripteuge, ata-analardyng bala tәrbiyesine qatysty bilimi men daghdysyn arttyrugha, balalar men jastardyng densaulyghyn nyghaytugha, sonday-aq túrmystyq zorlyq-zombylyqtyng aldyn alugha baghyttalghan taqyryptyq aksiyalar, kezdesuler, seminarlar men aghartushylyq is-sharalar úiymdastyryldy.

Otbasy institutyn nyghaytu – Preziydent Qasym-Jomart Toqaevtyng airyqsha nazaryndaghy memlekettik sayasattyng basym baghyttarynyng biri. Búl rette Qazaqstan Respublikasynyng jana Konstitusiyasynyng manyzy erekshe. Onda neke zanda belgilengen tәrtippen memleket tirkegen er men әielding erikti әri teng qúqyqty odaghy retinde aiqyndalghan.

Sonymen qatar 2024 jyly әielderding qúqyqtary men balalardyng qauipsizdigin qamtamasyz etu mәseleleri jónindegi Qazaqstan Respublikasynyng Zany qabyldandy. Qújatqa sәikes túrmystyq zorlyq-zombylyq ýshin qylmystyq jauapkershilik engizilip, balalargha qatysty zorlyq-zombylyqtyng barlyq týri ýshin jauapkershilik kýsheytildi.

Osy zannamalyq normalardy iske asyru ayasynda túrmystyq zorlyq-zombylyqtyng aldyn alugha, otbasy institutyn nyghaytugha jәne kәmeletke tolmaghandardyng qauipsizdigin qamtamasyz etuge arnalghan keshendi sharalar әzirlendi.

Otbasylargha kórsetiletin atauly kómekti kýsheytu maqsatynda Otbasyn qoldau ortalyqtarynyng júmysy janghyrtyldy. Qazir elimizde osynday 160 ortalyq júmys isteydi. Aldaghy uaqytta olardyng sanyn 208-ge jetkizip, Qazaqstannyng әrbir audany men qalasynda ashu josparlanyp otyr.

2026 jyldyng basynan beri Otbasyn qoldau ortalyqtaryna 50 mynnan astam azamat jýgindi. 43 mynnan astam otbasyna konsulitasiyalyq kómek kórsetilip, 6 myngha juyq otbasy úzaq merzimdi әleumettik sýiemeldeuge alyndy.

Búl ortalyqtar otbasylargha keshendi kómek kórsetip keledi. Sonday-aq olar әleumettik qaterlerding aldyn alugha yqpal etip, qiyn ómirlik jaghdaygha tap bolghan azamattargha qoldau bildiredi.

Búdan bólek, Otbasy jәne neke institutyn saqtau men nyghaytu jónindegi 2025-2027 jyldargha arnalghan is-sharalar jospary әzirlenip, qabyldandy. Qújat ajyrasudyng aldyn alugha, azamattardyng otbasylyq ómirge sanaly týrde dayyndaluyna jәne jauapty ata-ana mәdeniyetin qalyptastyrugha baghyttalghan.

Qazaqstan Respublikasy Mәdeniyet jәne aqparat ministrligining qoldauymen jýzege asyrylyp jatqan «Ata-analar akademiyasy» jobasy da jalghasyp keledi. Onyng maqsaty – otbasy institutyn nyghaytu, ata-analardyng bala tәrbiyesine qatysty bilimi men daghdysyn arttyru jәne jauapty tәrbie mәdeniyetin qalyptastyru.

2026 jyly joba ayasynda elimiz boyynsha 40 mynnan astam adamdy qamtu josparlanghan. Olardyng qatarynda ata-analar, pedagogter jәne әleumettik sala mamandary bar.

Memlekettik otbasy sayasaty ayasynda enbek pen otbasylyq mindetterdi qatar alyp jýruge qolayly jaghday jasau sharalary da jýieli týrde jýzege asyrylyp keledi.

Mәselen, Mәdeniyet jәne aqparat ministrligi BÚÚ-nyng Halyqtyng qonystanuy salasyndaghy qorymen birlesip, «Otbasyna qolayly júmys orny» jobasyn jýzege asyryp keledi. Bastama qyzmetkerlerding otbasylyq jaghdayy men mindetteri eskeriletin korporativtik mәdeniyetti damytugha jәne júmys isteytin ata-analardy qoldaugha baghyttalghan.

2026 jyly memlekettik organdar men júmys berushilerding ókilderine arnalghan oqytu baghdarlamasy iske qosyldy. Baghdarlama úiymdarda otbasylyq mindetterdi eskeretin júmys tәsilderin engizudi kózdeydi.

Búl sharalar otbasyndaghy birlik pen qoldaudy kýsheytip, onyng qauipsizdigi men әl-auqatyna qamqorlyq jasauda memleket pen qoghamnyng ortaq jauapkershiligin arttyrudy kózdeydi.

Abai.kz