Särsenbi, 19 Aqpan 2020
567 6 pikir 13 Qañtar, 2020 sağat 10:52

Qorğanıs ministrligi Aqtöbe oblısında reseylik zımıran bölşegi qwlağanın rastadı

Qazaqstan qorğanıs ministrligi Aqtöbe oblısında reseylik zımıran bölşegi qwlağanın rastadı.

"9 qañtarda Reseydiñ qorğanıs ministrligi sınaq ortalığınıñ josparlı oqu-jattığuı kezinde bir zımırannıñ bölşegi belgilengen orınnan tıs jerge qwladı. Qazaqstan men Resey arasındağı 1995 jılğı memleketaralıq kelisimge säykes, Resey Qazaqstan aumağınan poligonğa jalğa jer alğan. Jarılıs bolğan joq" delingen ministrlik habarlamasında.

Ministrliktiñ habarlauınşa, oqiğadan eşkim zardap şekpegen. Twrğındarğa bölşektiñ qaupi joq. Oqiğa ornında policiya jäne tötenşe jağday mamandarı jwmıs istep jatır.

"Osı kelisimge säykes Aqtöbe oblısınıñ äkimdigi janındağı Qazaqstan-Resey komissiyası män-jaydı jäne sebepterin anıqtaydı" delingen ministrlik habarlamasında.

9 qañtarda tüski sağat 14:30 şamasında Aqtöbe oblısı Bayğanin audanı Noğaytı auılınan eki-üş şaqırım jerde auıl men zirat arasına äueden belgisiz temir bölşegi qwlağan. Twrğındardıñ aytuınşa, audannan kelgen komissiya ol mañdı qorşap, eşkimdi jolatpay qoyğan.

Jergilikti bilik sol küni temir bölşek qwlağanın rastağanmen oqiğağa baylanıstı tüsinikteme bermedi. Qorğanıs ministrliginiñ habarlaması oqiğadan şamamen eki kün ötkennen keyin jariyalanıp otır.

Abai.kz

6 pikir