Beysenbi, 21 Qaraşa 2019
Jañalıqtar 1240 3 pikir 17 Qırküyek, 2019 sağat 11:08

Tramp mwnay narığın twraqtandıru üşin AQŞ rezervin aşuğa dayın

AQŞ prezidenti Donal'd Tramp qajet bolğan jağdayda eldiñ strategiyalıq mwnay qorın paydalanudı tapsırdı. Bwl turalı Tramp tvitter arqılı habarladı.

Bwğan qosa Tramp Saud Arabiyasındağı mwnay bazasına kimder şabuıldağanın AQŞ biletinin, biraq Er-Riyad tergeuiniñ nätijesin kütetinin mälimdedi.

The Washington Post gazetiniñ derekközge silteme jasap habarlauınşa, AQŞ äkimşiligi şabuılğa qarsı jauap beru mümkindigin qarastırıp jatır. Basılım mälimetine qarağanda, jeksenbi küni Tramp AQŞ qorğanıs ministri Mark Espermen kezdesken. Gazet bwl kezdesude naqtı ne talqılanğanın habarlamadı.

Jeksenbige qarağan tüni Saud Arabiyasınıñ şığısındağı Saudi Aramco kompaniyasınıñ mwnay bazaların on dronmen atqılağan. Sonıñ saldarınan älemdegi mwnay narığında şiki mwnay tapşılığı bes payızğa deyin jetti.

Şabuıl jauapkerşiligin Yemendegi husitter tobı moynına alğan. Bülikşi toptı Iran qoldap otır.

AQŞ memlekettik hatşısı Mayk Pompeo şabuılğa Irandı ayıptadı. "Tegeran älemniñ mwnay narığına bwrın bolmağan soqqı jasadı" dep mälimdedi ol. Iran ayıptaulardı joqqa şığarıp otır.

Saud Arabiyasındağı oqiğadan soñ älem narıqtarında mwnay bağası köterildi. Brent markalı mwnay f'yuçersteriniñ qwnı London birjasında 13 payızğa köterilip, barreline 70 dollarğa jaqındap qaldı.

Abai.kz

3 pikir