Almaty jyl boyy júmys isteytin tau turizmi ortalyghyna ainaluy mýmkin. Almaty qalasynda «Almatybasjospary» GhZY alanynda elimizdegi eng iri turistik infraqúrylymdyq jobalardyng biri – Almaty tau klasteri men «Almaty Superski» jobasynyng damu perspektivalaryna arnalghan kenes ótti. Is-sharany «Atameken» Qazaqstan Respublikasy Últtyq kәsipkerler palatasy úiymdastyrdy. 

Suret: shara úiymdastyrushylarynan alyndy.

Talqylaugha «Atameken» ÚKP Tóralqa Tóraghasy Qanat Sharlapaev, Almaty qalasy әkimining orynbasary Núrlan Ábdirahym, Kazakh Tourism Development bas atqarushy diyrektory Erjan Erkinbaev, Turizm jәne sport viyse-ministri Bauyrjan Rapikov, Ekologiya jәne tabighy resurstar ministrligi Orman sharuashylyghy jәne januarlar dýniyesi komiytetining tóraghasy Daniyar Túrghambaev, ónirlik jәne salalyq kenesterdin, salalyq qauymdastyqtardyn, biznes qauymdastyqtardyng ókilderi, sonday-aq sarapshylar men joba әzirleushileri qatysty. Búl kenes is-sharagha qatysushylardyng basyn qosyp, ónirding tau turistik infraqúrylymynyng bolashaghyna arnalghan kәsiby dialog alanyna ainaldy.

Suret: shara úiymdastyrushylarynan alyndy.

«Atameken» ÚKP Tóralqa Tóraghasy Qanat Sharlapaev óz sózinde tau klasterin damytugha jýieli tәsil qajet ekenin atap ótip, onyng el ekonomikasy men turizm salasynyng úzaqmerzimdi damuy ýshin strategiyalyq manyzyn erekshe aitty. Atap aitqanda, ol: «Almaty tau klasterin damytu – jay ghana infraqúrylymdyq joba emes, turizmnin, biznesting jәne júmyspen qamtudyng túraqty ósimin qamtamasyz ete alatyn jana ekonomikalyq modeli qalyptastyru. Almatynyng kәsipkerlikting basty ortalyghy әri Ortalyq Aziyadaghy turisterdi tartatyn negizgi nýkte retindegi mәrtebesin nyghaytu qajet», – dedi Palata basshysy.

Kenes barysynda Almaty qalasy turizm basqarmasynyng basshysy Ghaliya Toqseitova Almaty tau klasterin damytu tújyrymdamasyn tanystyrdy. Joba birynghay ózara baylanysqan infraqúrylym qalyptastyrudy, jyl boyghy turistik úsynystardy damytudy, servis pen qauipsizdik dengeyin arttyrudy, sonday-aq әrtýrli rekreasiyalyq aimaqtardy ortaq jýiege biriktirudi kózdeydi.

Talqylaudyng negizgi elementterining biri – «Almaty Superski» jobasy. Joba halyqaralyq dengeydegi zamanauy jyl boyghy turistik infraqúrylym qalyptastyrugha jәne Almatyny Ortalyq Aziyadaghy tau turizmining ortalyghy retinde damytugha baghyttalghan.

Úsynylghan materialdargha sәikes, joba ayasynda 1022 gektar aumaqta infraqúrylymdy damytu, 17 aspaly kótergish salu, әrtýrli kýrdelilik dengeyindegi 60 shaqyrymnan astam shanghy trassasyn jasau, sonday-aq kólemi 20 gektar bolatyn zamanauy tau auylyn salu josparlanghan. Al Almaty tau klasterin damytudyng jalpy tújyrymdamasy 30-gha deyin aspaly jol saludy, jalpy úzyndyghy shamamen 151 shaqyrym bolatyn tau shanghysy trassalaryn damytudy jәne tәuliktik qamtu qabiletin 30 myng adamgha deyin arttyrudy qamtidy.

Suret: shara úiymdastyrushylarynan alyndy.

Jobanyng jyl boyy paydalanugha baghyttalghany erekshe atap ótildi. Qysqy turizmnen bólek, hayking baghyttaryn, velojoldardy, mauntinbayk infraqúrylymyn damytu, zamanauy viziyt-ortalyqtar qúru jәne tauda birynghay qauipsizdik jýiesin qalyptastyru qarastyrylghan.

Prezentasiya barysynda joba әzirleushileri ekologiyalyq túraqtylyq mәselesine erekshe nazar audardy. Jobany dayyndau kezinde ekologiya, gidrologiya, zoologiya, topyraqtanu jәne tabighatty túraqty paydalanu salalaryndaghy ghylymy instituttar men sarapshylarmen birlesken jýieli júmys jýrgizilip jatqany aityldy. Úsynylghan tәsilder turistik aghyndardy basqarudy, úiymdastyrylghan infraqúrylymdy damytudy jәne tau ekojýiesine týsetin antropogendik jýktemeni azaytudy kózdeydi. Búl turizmdi damytu men ónirding tabighy ortasyn saqtau arasyndaghy tepe-tendikti qamtamasyz etuge mýmkindik beredi.

«Almaty Superski – Almaty turizmin jana dengeyge kóteruge tiyis strategiyalyq joba. Búl tek tau kurortyn salu emes, halyqaralyq dengeydegi zamanauy jyl boyghy turistik ekojýie qúru barysyndaghy bastama. Qazaqstan ýshin búl turisterdi, investisiyalardy tartatyn jәne halyqaralyq sporttyq is-sharalardy ótkizuge mýmkindik beretin jana ortalyq qalyptastyru tәsili. Kurort kenistigi jasyna jәne fizikalyq mýmkindigine qaramastan, әr adamgha qoljetimdi әri ynghayly bolady», – dep atap ótti Kazakh Tourism Development bas atqarushy diyrektory Erjan Erkinbaev.

Talqylaudyng eleuli bóligi jobany jýzege asyrudyng әleumettik-ekonomikalyq әserine arnaldy. Úsynylghan baghalaulargha sәikes, 2028 jylgha qaray ishki turister sany 1,7 mln adamnan 3,4 mln adamgha deyin, al sheteldik turister sany 600 mynnan 2,5 mln adamgha deyin ósui mýmkin. Búl óz kezeginde turizm salasyndaghy júmyspen qamtudy 89,4 myng adamnan 119 myng adamgha deyin arttyrugha jәne salyq týsimderin 91,5 mlrd tengeden 185,9 mlrd tengege deyin úlghaytugha mýmkindik beredi.

Keneske qatysushylar songhy jyldary Ortalyq Aziya elderi tau turistik infraqúrylymyn damytugha belsendi investisiya salyp jatqanyn da atap ótti. Ózbekstan men Qyrghyzstandaghy zamanauy kurorttar túraqty turistik aghyn qalyptastyryp, sheteldik qonaqtardy tartatyn ortalyqtargha ainalyp keledi. Osy túrghyda Almatynyng iri turistik әri kólik haby retindegi әleuetin eskere otyryp, Qazaqstanda da osynday infraqúrylymdy jedel damytu qajettigi tilge tiyek etildi.

Kezdesuge qatysushylardyng pikirinshe, Almaty tau klasterin damytu shaghyn jәne orta biznes ýshin manyzdy drayverge ainalyp, qonaqjaylylyq, qoghamdyq tamaqtanu, kólik, servistik qyzmetter men sifrlyq sheshimder salasynda jana mýmkindikter ashady. Sonymen qatar joba ekonomikany әrtaraptandyru jәne shiykizattyq emes salalardy damytu jónindegi memlekettik basymdyqtargha sәikes keledi.

Sonymen birge qatysushylar múnday infraqúrylymdyq bastamalardy jýzege asyru qoghamdyq talqylaumen qatar jýretinin atap ótti. Osyghan baylanysty aumaqty damytu barysynda ekonomikalyq, ekologiyalyq jәne әleumettik aspektilerdi eskeretin tengerimdi tәsilding manyzdylyghy aityldy.

Jalpy, kezdesu Almaty tau klasterin Almatynyng investisiyalyq tartymdylyghyn arttyrugha, jana júmys oryndaryn qúrugha jәne Qazaqstannyng halyqaralyq turistik naryqtaghy pozisiyasyn nyghaytugha qabiletti úzaqmerzimdi joba retinde damytu perspektivalary jónindegi ortaq týsinik qalyptastyrugha mýmkindik berdi.

Abai.kz