Сенбі, 23 Қыркүйек 2017
Мәңгілік ел 1037 15 пікір 14 Қыркүйек, 2017 сағат 11:30

Ел спортшылары латын әліпбиіне көшуді қолдайды

Мемлекет басшысының латын әліпбиіне ауысу туралы бастамасына еліміздің Олимпиада чемпиондары, спорт қайраткерлері, спорттық мекемелер ұжымдары да қызу қолдау білдіруде. Бұған Елбасының атына келіп-түсіп жатқан хаттар дәлел бола алады.

XXXI жазғы Олимпиада ойындарының күміс жүлдегері Жазира Жаппарқұл барлық қазақстандық спортшылардың атынан Елбасына ел спортын дамытуға қосқан қомақты үлесі үшін зор алғысын білдірді. «Ағымдағы жылдың сәуір айында шыққан «Болашаққа бағдар: рухани жаңғыру» атты Сіздің мақалаңызды мұқият оқып, одан алған шексіз қуанышымды сөзбен жеткізе алмаспын. Осы мақалада қазақ тілін латын әліпбиіне көшіру туралы бастама бірден көңілімнен шықты. Мұндай қадам қоғамдық сананы жаңғыртудың негізгі қағидаларын қалыптастыруға ғана емес, сонымен қатар бүгінгі заманға сай дамуымызға игі ықпал ететіні күмәнсіз. Осы бағыттағы Сіздің салиқалы саясатыңыздың нәтижесінде Қазақстан азаматтарын тек жарқын болашақ күтіп тұрғанын сеніммен айта аламын»,- делінген Олимпиада жеңімпазының хатында.

Қазақ тілі әліпбиінің кирилл қарпінен латын қарпіне ауысуын қолдаған ұжымдардың қатарында: «Қазіргі бессайыстан және су спорты түрлерінен олимпиадалық даярлау орталығы» РМҚК, «Дене шынықтыру және спорт бойынша республикалық оқу-әдістемелік және талдау орталығы» РМҚК, «Дене мүмкіндіктері шектеулі тұлғаларға арналған спорттық даярлау орталығы» РМҚК және т.б. бар.

«Қазақ тілін жаңғырту қажеттілігі оның барлық әлеуетін тек коммуникация құралы ретінде ғана ашып қоймай, ұлттық сәйкестікті нығайту, ұлттық жанданудың қуатты факторы ретінде танытуда. Әліпбидің реформасы тарихи алғышарттарға негізделген. Ол Қазақстанның жаһандық бәсекелестігін жоғарылатуға, әлемнің ғылыми-танымдық, технологиялық және коммуникациялық кеңістігіне қарқынды бірігуге бағытталған»,- деген ұстанымын білдіріпті хат жолдаушылар.

Дене мүмкіндіктері шектеулі тұлғаларға арналған спорттық даярлау орталығының директоры А. Тюмтеев өз хатында: «Латын әліпбиіне көшуді бірауыздан қолдаймыз. Біріншіден, бұл жастарымыздың болашақта дамуына үлкен септігін тигізеді. Бұл біздің қоғамның әлемдегі ең дамыған ғылымға, әдебиетке жақындауына зор ықпалын тигізеді. Латын қарпіне көшу сондай-ақ түркі халықтарымен қарым-қатынасты нығайтуға үлкен септігін тигізеді»,-деп жазады.

Abai.kz

15 пікір
Түңілген 2017-09-15 01:07:23
Блинннн, "құйысқанға жабысқан", осындай өтірік мақалалар мен өтірік "пікірлердің" бұл жерге не қажеті болып қалды екен? Совет үкіметінің әдеттері Қазақстан егеменді болса да қалмайды екен.
Майра 2017-09-14 17:27:02
Болашақ осы жастардың қолында, бәрекелді!
көркем 2017-09-14 17:26:45
тек қана спортпен шектеліп қалмай, елдің, тілдің болашағына алаңдайтын, қолдау көрсететін осындай жастарымыз барынша қуаныштымыз!
Шерхан 2017-09-14 17:26:27
Жан жақты тиімділіктері жайлы аз айтылып жатқан жоқ, оны қайталадаудың қажеті де жоқ шығар. Белгілі жайт бар, ол латын әрпіне көшпейміз, ОРАЛАМЫЗ! Ол деген ата бабаның игі жолын жалғастыру, жаңғырту.
Раушан 2017-09-14 17:24:11
Ер бастаған пікірді, ел қостаған, осы ауызбіршіліктен таймасақ, рухани жаңғыру нәтиже берері анық, оны көргенше асықпыз!
Қайсар 2017-09-14 17:23:48
Қоғам белсенділері, жастар ұйымдары, қаламгерлер, ғалымдар, саясаткерлер қолдап, бірауыздан жақтап жатқан шақта спортшы азаматтарымыз да қалыс қалмай, ұлт болашағына бейжай қарамайтындарын аңғартты!
Қалжанова Индира 2017-09-14 17:00:29
Үйренейік! Қиын болатын шығар, бірақ біз табысқа жететін ел қатарынанбыз,иншаАлла
казак 2017-09-14 16:17:44
Мине мына жоба дурыс! Букил ариптер бар жане жазугада ынгаилы! Осы жогарыдагы жоба колаилы деп оилаимын!
Жорабек 2017-09-14 16:07:51
Спортшыларымыз олар шет мемлекеттерде көп болады, шет елдердегі жаңашылдықпен өте етене таныс, сондықтан да олар сол секілді болса екен деп ойлайтын шығар, жалпы азаматтық пікірлері өте дұрыс!
Даурен 2017-09-14 15:37:40
Енді олар тек қолдап қана қоймай, іспен де көрсетулері қажет!
Салима 2017-09-14 15:05:36
Болашақ үшін осы жол дұрыс деп ойлаймын
Женисбек 2017-09-14 15:03:59
Әрине қолдайды, себебі бұл біздің болашағымыз емес пе?
Кенжеш 2017-09-14 15:03:16
Латын қаріпіне оқулықтарымызды аударатын болсақ, әлем үшін біз ашыламыз.Олар біздің мәдениетімізді, тарихымызбен таныса бастайды
Данизат 2017-09-14 15:00:57
Менің ойымша, қазақ халқы байырғы кезден латынша жазып, оқыған
Nurdana 2017-09-14 13:02:58
Латын

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 5879
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 12385