Мәйекті

ОРТАЛЫҚ АЗИЯНЫҢ ӨНЕРПАЗ БАСШЫЛАРЫ

Әріптің көлемі: Қалыпты
  • Қалыпты
  • Үлкен
  • Көлемді

Жақында «Азаттықтың» қырғыз қызметі Орталық Азия елдерінің ондаған жылдар бойы аттан түспей келе жатқан басшыларының әлеуметтік желілердегі кейбір сәттерін жариялады.

ОА  Президенттері батыстық бұқаралық ақпарат құралдарында жиі жазылып жүргендей тек геронтакратиялық басқару жүйесімен ғана емес, ұлттық дәстүр әм ән мен биге де икемді екендіктерін дәлелдеп келеді.

Мысалы, ҚР Тұңғыш Президенті Нұрсұлтан Әбішұлының интернеттегі ресми парақшасында Елбасы өзі жазған  әндерді жарияланды. 1989 жылдан бері (27 жыл) мемлекет тізгінін ұстап келе жатқан Нұрсұлтан Әбішұлы өзі де ән айтып, күй шертуге бейім жанды екенін көріп жүрміз.

«Соңғы кездері мемлекет парламентін тарқатып, экономикалық, қаржылық қиындық қос өкпеден алған қысылтаяңды жағдайды  Қазақстан жұртына түсіндіріп, тығырықтан шығудың жаңа жоспарын әзірлеп жатқан Нұрсұлтан Назарбаевтың интернет парақшасында,  Президенттің өзі жазған төрт әні жарияланды»,-деп жазады Азаттықтың қырғыз қызметі.

«Шұбарат», «Елім менің», «Жерім менің» және Елбасының туған өлкесі туралы шығармасы «Үшқоңыр» әндері туралы қазақстандық БАҚ-та жазған еді-ау. Әрине, бұл әндерде ел мен жерге, туған топыраққа, Отанға деген үлкен махаббат жатқаны даусыз.


Дегенмен, Нұрсұлтан Әбішұлы Орталық Азия Президенттерінің ішінде ән мен биге құштар жалғыз басшы емес екен. ОА-ның «газ патшасы» деген лақап аты бар Түркіменстанның Президенті Қурбангулы Бердімұхаммедов те үлкен сахналарда этрадалық әндерді орындап, түркіменстандық әншілермен бірге өнер көрсеткен-ді. Тіпті, эстрадалық топтардың біріне гитара аспабымен сүйемелдеуші де болған.


Айтпақшы, Бердімұхаммедов мырза өткен жылы Түркіменстан Президенті Мары қаласындағы үлкен концерттік залда  «Алға, алға сүйікті мекенім» әнін 4000 көрерменмен бірге орындап, Гиннестің рекордттар кітабына де енген Президент.


Ал Тәжікстан Президенті Эмомоли Рахмон мырзаның да шығармашылық адамы екенін интернет қолданушылары жақсы білсе керек. Сондай-ақ, Тәжікстан астанасында өткен концерттердің бірінде Эмомоли мырзаның шабыты ұстап, сахнаға да шығып кеткен-тін.  Эмомоли Рохмонның тойларда бидің түбін түсіретін де тәжіктердің мемлекеттік телеарналары көрсеткен.


Өзбекстанның 27 жылдан бері абсольютті басшысы Ислам Каримов те өнерден шеткері емес. Өзбек ағайындардың атақты Әндіжанында стадион ортасына шығып, өз электораттарының алдында билеп берген.

Орталық Азия мемлекет басшылары ішінде биліктегі тәжірбиесі ең аз Қырғызстан Президенті Алмазбек Атамбаев гитара шертіп, ән айтатын әдеті бар.

Нұргелді Әбдіғаниұлы

Abai.kz

13 пікір 1333 рет оқылды Қосылған: 28.01.16
    • #1
    • Нураткатбай
    • бн, 28/01/2016 - 18:53
    Пікір алынып тасталды!
    • #2
    • https://www.youtube.com/watch?v=XCgjd065-MA
    • бн, 28/01/2016 - 23:00
    Пікір алынып тасталды!
    • #3
    • Алмат
    • жм, 29/01/2016 - 11:44

    Елбасының өнерге жақындығын саясаттан, қызметтен тыс хобби деп білемін. Оның үстіне әу демейтін қазақ жоқ. Несі бар Мурарттың орындауындағы "Үшқоңыр" өлеңін мен сүйіп тыңдаймын.

    • #4
    • Че
    • жм, 29/01/2016 - 14:00

    Бұрынғылардың басшылары батыр болса бүгінгісі әнші биші

    • #5
    • Самал
    • жм, 29/01/2016 - 14:03

    Елбасының өлеңдері мен ән айтқаны ұнайды. Қазақта сөз бар ғой "сегіз қырлы - бір сырлы" деп біздің Президентті айтуға болады.

    • #6
    • Мырзатай
    • жм, 29/01/2016 - 15:03
    Пікір алынып тасталды!
    • #7
    • білгіш
    • жм, 29/01/2016 - 15:11

    академик, Ресей батыры, биші, боксшы Рамзан Қадыровты бұл тізімге қосуды ұмытып кеттіңіздер

    • #8
    • тТт
    • жм, 29/01/2016 - 21:44

    Мақаладан орта азия президенттері ертең отставкаға кетсе де, жұмыссыз қалмайтыны құантады.Гұрбангұлы мен Алмас гитарада, Елбасы домбырада ойнап, өз алдына ВИА құрса, Ислам мен Рахман акалар биді қатырса,ТМД дағы ең танымал группа болар еді.Рамзан продюсер, Путин спонсор бола қойсын.

    • #9
    • Есенғали, Антакиядан
    • сб, 30/01/2016 - 10:13

    # 8, тТт !
    "ВИАГРА" деген группа бар, "вокально-инструментальный ансамбль", "гра" деген украин тілінде - "игра"-ойын.
    Бұлардың группасын "ВИАДРА" дейміз бе ? "вокально-инструментальный ансамбль" - "диктаторы драпают".

    • #10
    • #5 Самал
    • сб, 30/01/2016 - 13:26

    "сегіз қырлының" қазіргі мағанасы: жылпос, сайқал, арсыз, сатқын, қанағатсыз, іші тар, дарынсыз, жемқор, қорқақ.
    "бір сырлының" қазіргі мағанасы: сұмрайы.

    • #11
    • #10 #5 Самалға
    • сб, 30/01/2016 - 13:28

    сұмпайы

    • #12
    • 10 ға
    • сб, 30/01/2016 - 15:06

    Сенен өткен қасиетсиз адам жоқ.Ел басшыларына ән айтып,домбыра тартуға болмайды деген қағида барма? Иманжүсиптин әнин айтқанын коргенмин елбасының.НЕСИ БАР ОЛДА ҚАЗАҚ АДАМ.ҚАЗАҚ ӘНДЕРИН АЙТЫП ДОМБЫРА ТАРТСА ЖАҚСЫ ЕМЕСПА.СЕН СИЯКТЫ БЫҚСЫГАН АРАМ3АЛАРДАН АУЛАҚ ЕТСИН .БАР ЖАМАНДЫҚ СЕНИМЕН КЕТСИН.

    • #13
    • 10 ға
    • сб, 30/01/2016 - 15:45

    Қанағатсыз адам 8 ғана сырлы болып қалуға қанағат етпейді, оған "жағымпаз" деп қасып қойу керек, ақшалыларға, күштілерге (путинге) жағымпаздана білуді де өнер қатарына қосады.

Пікір қосу

  • 9 + 23 =

Кіру