Oleg búl tandy úzaq kýtti. Kirpik qaqpay tandy qarsy alu – úzaq jyldardy ótkizgenmen birdey eken. Ánsheyinde qamshy tiygen sәigýliktey zulaytyn uaqyt qazir menireu xalge týskendey bayau qozghalady. Qarny shúryldap barady. Ýide tiske basar týk joq. Bayghús sheshesi baqilyq bolghaly ýiden bereke ketti... «Tym bolmasa bir kese ystyq su bolghanda ghoy boy jylytatyn», – dep gaz jaqqa moyyn búrdy. Juylmaghan ydys-ayaq pen qoqystan gaz ýsti tau tóbe bolyp túr. Ýi-ishi azynap ketken. Ol dirildegen kýii ornynan túryp, terezeden syghalady. Kósheden tiri jan ótse – tiyn-teben súramaq oiy. Biraq búl uaqytta esi dúrys adam kórpe astynda tәtti týs kórip jatady ghoy, elding bәri Oleg deysiz be?

Sheshesi marqúm izin basatyn jalghyzynyng mandayyna shang tiygizbey ósirdi. Búl on jasqa tolghanda әkesi auyr dertke úshyrap, kelmesting kemesine minip kete bardy. Súlu jesir qalsa, ainalasyndaghy әielderge qauip tónedi emes pe? Onyng ýstine anasy kóp erkekting kóz qúrty edi. Mýsini men kelbetinde ghana emes, minezinde de min joq. Marqúm aqkónil, sabyrly әiel edi. Ákesining jylynan song kóshening arghy betinde túratyn Sergey aghasymen «dos» boldy. Sergey aghasy qysyltayang shaqta otbasynyng tauqymetin iyghyna arqalaghan anasynyng tiregine ainaldy. Óz otbasyn da, búlardy da qamqorlyghyna aldy. Ekeuining «dostyghyn» Oleg te teris kórmedi. Sergey aghasy artyq sózi joq, birbetkey azamat. Biraq zayyby Valya kýieuin anasynan ólerdey qyzghanyp, auzynan aq it kirip, kók it shyghatyn. Sergeyden qansha tayaq jese de, tilin tartqan emes. Múny kórgen sayyn: «Qu jetim! Sayqaldyng sapalaghy, jolyng bolmasyn!», – dep maza bermeytin. Valya tәtesining sózine yzalanghan Oleg birde anasyna: «Mama, Valya tәteyge aitynyzshy, meni qarghamasyn», – dedi. Anasy múnyng aldynda ózin kinәli sezindi me, әlde shu shyghyp ketpesin dedi me, әiteuir, sabyrly týrde: «Qaytesing onyng sózin?! «Jýieli qarghys jýiesin, jýiesiz qarghys iyesin tabady», – dedi.

Anasy qatelesipti. Qarghys iyesin emes, adaspay Olegti tapty. Valyanyng tilegi oryndaldy. Arada 3-4 jyl ótkende Sergey kenetten araqtan ulanyp qalyp, fәniyden baqigha attandy. Ayaday auylda týtini týzu shyqqan eki shanyraq osylay «azamatsyz» qaldy. Valyanyng ashuy tipti kýsheydi. Sergeyding jambasy jerge tiygen kýni múnyng ýiine kelip, anasyna: «Óshimdi ózinnen, ne ana sýmeleginnen alamyn», – dedi. Anasy ashugha bulyqqan kýii tis jarmady. Valya ketken song ghana eki kózine erik berdi... Al, Valya aitqanynda túrdy.

***

Uaqyt – asau attan da jýirik. Kózdi-ashyp júmghansha keshegi jastar boy týzedi, al, eresekterding jýzin әjim torlap, shashtaryn aq shaldy. Oleg mektep bitirdi. Anasyna qolqabys etem dep, auyldaghy temirjol mekemesine qyzmetke ornalasty.

«Balam azamat boldy» dep marqayyp, jany jadyrap jýrgen anasynyng quanyshy úzaqqa barmady. Valyanyng qorasyna úry týsip, qara siyryn qoldy qylypty. Shaghyn auyl osylay ayaq asty apyr-topyr bolyp, poliyseyler jinalyp, isti tergeuge kóshti. Qara siyr úshty-kýili joq. Ýsh kýnnen keyin tergeu toby túqymyna qarasan kelgir qara siyrdyng bas-siraghyn Olegting ýiining dәretxanasynyng janynan tappasy bar ma? Sirә, bireuler maldy soyyp, bas-siraghyn osy ýiding janyna kómip ketse kerek. Onsyz da tis qayrap jýrgen Valya: «Osy pәleni únatpaushy edim. Týbinde maghan kesiri tiyetinin bilgenmin», – dep aryzdy qarsha boratty. Anasy ekeui qansha aqtalghanymen, shyndyqqa qúlaq asar tiri jan bolmady. Zang qyzmetkerleri aryz iyesining sózine mәn berdi. Solay boluy da tiyis. Ayghaq bar – joghalghan mal kýdiktining ýy manynan tabyldy. Búdan әri isti tergeuding qajeti de joq. Polisiya qyzmetkerleri Olegti mashinagha salyp, audan ortalyghyna alyp ketti. Anyrap anasy qaldy auylda. «Taghdyr» desti júrt. Biraq, júrt ne demeydi?! Biri tildedi, biri janashyrlyq tanytty. Al, qara siyrdy qoldy qylghan naghyz úry aqyry tabylmady. Oleg jazyqsyz jabylghan jalany arqalap, 2 jylgha bas bostandyghynan aiyryldy...

Oleg tereze japqyshyn syrghytyp, ainalany taghy bir sholyp shyqty. Mine, anasynyng jýzin topyraq japqanyna da ýsh aidan asypty. Kózine irkilgen jasty sýrtti. Anasynan ajyraghaly Valya kempirden kek alghysy keledi de túrady. Biraq búl әreketin anasy keshirmesi anyq. Óitkeni aqtyq sapargha attanar aldynda marqúmnyng songhy tilegi: «Tynysh jýr! Mening janymnyng jayly bolghanyn qalasan, ótkendi úmyt, býgingini oilap, keleshekke jospar jasa!» boldy. Ana tilegin oryndaugha búl uәde etti. «Uәde – Qúdaydyng sózi» degen. Alayda Valya kempirge ózining jazyqsyz ekenin qalay dәleldemek?!

Tonghanyna qaramay, krannan suyq su iship aldy. «Úiqyashar bolsyn» dep ózin-ózi zorlap jymighanday boldy. Gazdyng astynghy suyrmasynan qayraq alyp, ýstel ýstindegi pyshaqty dúrystap qayrady. Búl pyshaqtyng keregine jarary haq! Esik tyqyldady. Beymezgil shaqta búl ýige kim kelui mýmkin? Qayrap otyrghan pyshaghyn qolyna qysa ústap Oleg esik ashty. Qonaqqa kelgen Dima eken. Ózinen jasy kishi bolsa da, az kýn ishinde ekeuining әngimesi jarasyp, dos bop ketti. Dima — Valyanyng kórshisi. Jaqynda týrmeden shyqty. Taghdyry úqsas bolghan son, Oleg onyng múnyn jaqsy týsinedi.

Týndeletip neghyp jýrsin? — dedi Oleg Dimagha tanyrqay qarap.

Úiqy kelmedi. Dalada boy jazyp jýrip, sening oyau ekenindi sezdim. Dima jymiya kýlip, qoynynan araq shyghardy.

Bas jazargha qalaysyn?

Qarsy emespin, tek ýide tiske basar týk joq.

Su bolsa boldy, ­- dedi Dima taghy jymiyp.

Qyrly stakan birneshe mәrte týiistirilgennen keyin ishtegi sher tarqatyldy. Oleg ózining janyn jegidey jegen qinalysynyng syryn ashty. Sóitse, Dima da Valyagha tis qayrap jýr eken. Búl bala kezinde osy kempirding kesirinen ýlken aghasy baqilyq bolypty. Ol Valyanyng ýlken qyzymen sóz baylassa kerek, biraq eki jastyng qosyluyna osy kempir kedergi keltiripti. Sýigenine qosyla almaghan aghasy óz-ózine qol júmsaghan. Balasynan aiyrylghannan keyin Dimanyng sheshesi sal auruyna shaldyghypty. Qyzyghy, Valyanyng sol qyzynan tughan jiyeni Ninany qazir ózi únatyp jýr eken. Biraq Valya nemeresin ólse de Dimagha qospasy anyq?!

«Nina degen naghyz has súludyng ózi! Kózding qúrty ghoy, qúrty», — dedi tarqylday kýlip...

Aghannyng kebin kiyip jýrme! Qyz kóp qoy, sol otbasynan aulaq jýrseng qaytedi?

«Jooo-oq!» Dima súq sausaghymen múrnyn basyp, basyn úzaq shayqady. «Men otbasymnyng kegin aluym kerek. Eger menimen birigem desen, qarsy emespin!»

Sәl ýnsizdikten song eki jigit qol alysyp, erteng tang sәride osy ýide jolyghugha uәde etisti...

***

Ash qaryngha ashy su ishkennen keyin Oleg tez masayyp qaldy. Ol úiyqtaghan kezde Dima ýi-ishin tintuge kiristi. Shkaf ishinen Olegting qonyr kóilegin alyp, qoynyna tyqty. Ýstel ýstinen әlginde Oleg qayrap otyrghan saby bylghary qonyr pyshaqty aldy. Búl pyshaqty Oleg qoldan jasaghan edi. Bylghary syrtynda «Oleg S» dep jazylghan tanbasy da bar. Ýiden ózge qúndy dýnie tappaghan song Dima jónine ketti...

***

Tang ata Valya kempir týzge shyghady. Kek alushy eki jigit ýshin búl eng ontayly sәt. Múny ekeui aldyn ala baqylaghan bolatyn. Sondyqtan olar tang qylang bere bastaghan shaqta Valya kempirding ýiining qaqpasynan qarghyp kirip, birneshe uaqyt jemtigin andyghan jolbarystay saqtyqpen kýtip otyrdy. Jospar ekeui oilaghanday-aq bastaldy. Degenmen, Valya saq eken. Endi iske kirisemiz degende kempir aulada ózin andyghan bireulerding baryn sezgendey, jalma-jan jan úshyra aiqaygha basty.

– Búl kim ei? Qaysysyn? Kim bar múnda?

Jan degening múnsha tәtti bolar ma? Kempir dausynan kórshi itteri «әnge» salyp, ýiden jaryq jandy. Jiyeni Nina jýgire shyqqanda jigitter boy tasalap ýlgergen edi.

– Nina, әi, Nina, qaydasyn?

– Ne boldy, әje?

– Aulada bireuler jýr.

Nina tyng tyndady. Sosyn auladan shyghyp, syrtty qarady.

– Áje, óziniz «Qoryqqangha qos kórinedi» deysiz de, әr nәrseden ýrkip jýresiz.

– Shyn aitam, aulada bireuler meni andyp túrdy.

– Tý-uy, әje-ay, sizdi kim andidy? Qorqasyz da jýresiz...

– Men ana qanisher Olegten qorqamyn. Bayaghy qara siyrdyng kegi dep ...

– Áje-ay, bir nәrseni aita beresiz, aita beresiz...

– Qaraghym, mening ajalym sol әlgi...

– Týuy, әje, men sәl tynyghayynshy. Býgin qalagha ketuim kerek. Qazir avtobusqa minemin ghoy.

Qyz kempirdi jetektegen kýii ýiine alyp kirdi. Oleg shapkasyn sheship, terin sýrtti. «Ýiinde adamdar bar eken», — dedi. Dima miz baghar emes. Sazaryp túryp alghan. «Búl is býgin bitpedi, ensendi týsirme, erteng de kýn bar», - dedi Dima múny júbatyp.

Oleg jelke túsyn qasyp, biraz ýnsiz túrdy da: «Dima, bizding búl әreketimiz dúrys emes. Ótken is ótti. Kisi qanyn moynymyzgha jýktemeyik!», — dedi. Dima múnyng betine baqshiya qarap túrdy da: «Jasyqsyn! Erkek birsózdi boluy kerek! Kempirden kegindi ala almasan, nesine jer basyp jýrsin?!», — dedi. Oleg seriginen múnday sóz kýtpedi. Dem arasynda ne aitaryn bilmey abdyrap qaldy.

Men ertenimizdi oilap túrmyn. Onyng ýstine sheshemning aruaghy tynysh jatsyn dep...

Ólgen adam óldi... Al sen aruaq dep byljyraysyn. Endeshe ózimning jәne sening kegindi men-aq alayyn!..

Oleg dosynyng myna sózine shamdanyp, alqymyna jarmasyp edi, Dimanyng qaruly qoldary ony qaghyp tastady.

Ketshi әri! Sendey adamnyng janynda jýrmek týgili, betine de qaraghym kelmeydi.

Dima ashuly kýii qaranghy quysqa qaray sýngip, kózden tasa boldy. Oleg basy salbyrap ýiine kelip, tósegine jatty.

***

Oleg qorqynyshty týs kórdi. Týsinde bir súlu qyz múnan janúshyra kómek súraydy. Qyz qolynda ózining saby bylghary qonyr pyshaghy túr. Pyshaq qangha boyalghan. Qyzdyng basynan aqqan qan múnyng betin juyp ketti. Ol bastyrylyp qalypty. Úiyghan ayaq-qolyn uqalap otyryp, esine pyshaghy týsti. Ýidi on aqtarsa da tappady. Jýrek túsy syzdady. Pyshaq sol týni Valyanyng aulasynda týsip qalmasa iygi...

Tysqa shyqqanda Valyanyng ýiining aldynda jiylghan júrtty kórip, degbiri qashty. Jylaghan, kýnirengen dauys múnyng jýregin odan beter syzdata týsti. Bir shiykilikting bolghanyn sezdi. Jalma-jan Dimanyng ýiine keldi. Esik aldynda әkesi Nikolay jýr eken. Esen-saulyqtan song jón súrasty.

Estimegen ekensing ghoy. Valyanyng jiyenin bireuler aiuandyqpen óltirip ketipti. Olar, sirә, adam emes shyghar. Boyynda meyirimi bar adam kisi qanyn tókpes edi ghoy.

Nikolay auyr kýrsindi. Al Oleg melshiyip túryp qaldy.

Týring búzylyp ketti ghoy. Jýr, ýige kir, shay isheyik.

Dima... Dima qayda, әkey?

Sol jýgirmekting qayda ekenin kim bilsin? Býgin ýige qonbapty ghoy...

Oleg  auladan jýgire shyqty. Búl kezde auylgha polisiya qyzmetkerleri jinalghan edi. Olar tergeu júmysyna kirisken. Oleg ýiine kelip, jol sómkesine kiyimderi men qújattaryn salyp, endi tysqa shyqpaq bolghanda, poliyseyler sau ete qaldy...

***

Olegpen renjisken Dima ýiine  qaytpay, Ninanyng jolyn tosty. Álginde qyzdyng әjesine: «Býgin qalagha ketuim kerek. Sәlden song avtobusqa minemin ghoy» degen sózin esine alyp, kempirden kekti basqasha aludy kózdedi. Ol el tәtti úiqyda jatqanda ayaldamagha qaray ayaq basqan Ninanyng izinen erdi. Qyz qoqys salynghan konteynerge jetken shaqta jýrisin jedeldetip,  tarpa bas saldy. Pyshaghyn kórsete qorqytyp, tamaghynan syghymday buyndyrdy. Qaruly qolgha shamasy kelmegen qyz talyqsyp ketti. Qanbaqtay salmaghy joq qyzdy arqasyna salghan Dima auyl syrtyndaghy iyesiz eski ýilerding birine әkelip, әureledi. Qúmaryn basqannan keyin qyzdyng jalynghanyna, jylap, jalbarynghanyna qaramay, basyn qúbylagha búryp, Olegten alghan saby bylghary qonyr pyshaqpen tamaghynan oryp jiberdi. Pyshaqtaghy qandy Olegten alghan qonyr kóilekke sýrtip, tazalap, qyzdyng bas-siraghyn kesip, sol qonyr jempirge orady. Qyz denesin ýy irgesine kómip, jempirge oralghan bas-siraqty Valya kempirding esigining aldyna qoyyp kete bardy.

«Aghamnyn, anamnyng kegin aldym! Al kinәsin bayghús Oleg kóteredi. Ákesiz ósken jasyq neme men qoldy qylghan qara siyr ýshin de jabylghan jalany moynyna alyp, jazasyn ótep keldi emes pe?», - dedi mysqylday kýlip. Sodan song taza auada biraz tynyghyp, qalagha qaray jol tartty.

***

Valya әdettegiden erte oyandy. Jýregi auzyna tyghylyp, ózin jaysyz sezindi. Qara telefonnyng tútqasyn qúlaghyna jabystyryp, jan-jaqtaghy balalary men tuystarynyng amandyghyn bildi. Sonda da jýregi qúrghyr tynshymady. Ninanyng ýiine barmaghanyna alandap, bayyz tauyp otyra almady. Dalagha shyghyp, taza auada sergudi jón sanady.

Tayaghyna sýienip, tysqa shyqqany sol edi baspaldaq ýstinen matagha oralghan týiinshekti kórdi. Jaqynda ghana asyraghan kýshigi yr-yr etip, әlgi zatty tartqyshtap әlek. Aldymen kýshigi әkelgen shyghar dep oilady. Biraq múnday auqymdy zatty kýshikting baspaldaq arqyly ýy aldyna alyp kelui aqylgha qonymsyz. Valya tandanghan kýii týiinshekting janyna keldi. Bәlkim keshe bireu úmytyp ketti me eken? Ol keshegi kýndi eske týsirdi. Biraq ýige syrttan bógde adam kelmegen. Týiinshek zatty qolyna alghanda matanyng syrty qan ekenin sezdi. Boyyn ýrey biyledi. Basy solqyldap, jýregi auzyna tyghyldy. Qangha boyalghan týiinshekti ashyp qalghanda jiyen qyzynyng basyn kórip, melshiyip otyryp qaldy. Kempir sol otyrghan kýii jiyenining basyn qúshaqtap,  o dýniyege attandy.

Kýshik shәuildey berdi, shәuildey berdi...

***

Tergeuge deyingi anyqtaushy tarap saby bylghary qonyr pyshaqtyng jәne qonyr kóilekting iyesin qamaugha alyp, isti tergeushige tapsyrdy. Qansha saualdyng astyna alghanymen Olegting jauaby — «Valyadan kegimdi alghym kelgeni ras. Alayda anamnyng amanatyna qiyanat jasay almadym. Qyz qanyn tókken men emes!» boldy. Kýdiktining kózinde auyr múng bar edi. Ol әr saualgha jauap bergen sayyn zang qyzmetkerlerine jautanday qarap: «Qylmysty jasaghan adam tabylsa eken, bayghús qyzgha obal boldy», - dey berdi. Al onashada óz-ózinen kýbirlep:  «Apyr-ay, búl qalay bolghany?! Qara siyrdyng qanyn moynyma alghanymmen, Ninanyng kinәsin qalay kóterem? Keshir, ana!» dey berdi kýbirlep. Qyzmet salasynda 20 jylgha juyq tәjiriybesi bar, bilimdi, kózi qyraghy tergeushi Joldas Iskakov osyny anday bildi. Ol isti tergeu barysynda Olegten kimdermen aralasatyndyghyn jәne songhy ret kimmen kezdeskenin súrady.

Oleg auylda Dimamen erekshe aralasatyndyghyn, onymen staqandas ekendigin jәne Valyadan birigip ósh almaqshy bolghandyghyn aitty. «Dimanyng búl iske qatysy bar dey almaymyn. Óitkeni ol Ninagha ghashyq. Al ghashyq adam múnday aiuandyqqa jol bermes bolar?», - dep dosyna shang juytqysy kelmedi. Olegting jauabynan-aq zang mamandary onyng ishki tazalyghy men adaldyghyn anghardy. Isti tergeu barysynda kýdikti retinde qolgha týsken Olegting jazyqsyz ekenin bilgen tergeushi Iskakov: «Myna jas jigit Olegting taghdyry qyl ýstinde túr. Isti qayta teksergenimiz abzal. Dimadan jauap aluymyz kerek», - dedi. Iskakovtyng sózin tergeuge deyingi anyqtaushy tarap ta qúptady. Osylaysha  qylmystyq izdestiru tobynyng mamandary Dimanyng izin kesu kerek dep sheshti.

***

Nina men Valya әjeyding mýrdesi jer qoynyna tapsyrylghan kýni auylda aua rayy da kýrt ózgerip, arty qalyng jauyngha ainaldy. Tabighat ana da qandyqol qaraqshynyng әreketine nalyghanday...

Qandy oqighadan keyin auyl túrghyndary kópke deyin ýreyden aryla almady. Ayaday auyldyng tynyshtyghy búzylyp, jantýrshigerlik oqighanyng boluy kim-kimdi de alandatpay qoymady. Biri Olegti qanisher dedi, biri Valyanyng qateligi desti. Al Nikita úly Dimanyng ýiine qonbay jýrgenine alandady. Úly Olegpen aralasatyndyqtan kónilin jaysyzdyq basty. Jan syryn kimge aitaryn bilmey sary uayymgha salyndy. Al Dima qalada dostarymen bas qosyp, ózining istegen qylmysyn ózgening moynyna ilgenine riza bolyp jýrdi. «Búl jenisti atap ótu kerek» degen úigharymgha kelip, dostarymen toylaugha kiristi.

Men býgin ózime ekinshi ret riza bolyp otyrmyn, - dep sóz bastady Dima.

Dostary eleng etisti. Ashy su boygha jayylyp, qyzghyndap alghan Dima dostaryna ishindegi syryn jayyp saldy. «Auylda Oleg degen jigit bar. Aty erkek bolghanymen, ózi - ez. Ózin-ózi qorghay almaydy», - dep әngimesin bastaghan Dima sóz sonyn: «Ol - qorqaq. Qara siyrdy bauyzdaghan, Ninany da óltirgen ol emes. Naghyz qanisher, mine, aldarynyzda! Men qan aghyzamyn, ol jazasyn óteydi», - quanyp staqan týiistiru ýshin ornynan túrdy. Araqqa masayghanymen, dostarynyng arasynda onyng qateligin aitushylar tabyldy. «Seniki erkektikke jatpaydy! Jazandy moyynda», - dedi biri.«Satqyn, aramzasyn!» Endi endi bir dosy osylay qaralady. «Biz kimmen joldas bolyp jýrmiz, naghyz qanisher ekensin», - dedi qalghandary.

Eshkimnen artyq sóz estip kórmegen Dimagha búl auyr tiydi. Ol qarsy aldyndaghy dosyna tarpa bas salyp, úrmaqshy bolghanda ózgeleri qarap qalmady. Ádiletsizdikke shyday almaghan staqandastary Dimany ayausyz tepkining astyna aldy. Dalagha sýirep alyp shyghyp, kafe janyndaghy qoqys salynghan konteynerding janyna tastap ketti...

...Dima tang ata esin jidy. Denesin kótere almay, ynyrsyp biraz jatty. Polisiyanyng qolyna týsip qalmas ýshin sýiretile ornynan túryp, әpkesining ýiine jetip alugha tyrysty. Alayda jedel qylmystyq izdestiru toby ony qolgha týsirdi.

***

Iskakovtyng aldyna kelgen Dima Ninanyng ólimine esh qatysy joq ekenin aityp jaltardy. «Pyshaq pen kiyim Olegtiki bolsa, mening búl iske qatysym qansha?», - dep saual qoydy tergeushige. Al Oleg ekeuining dostyghy turaly súraqqa: «Men Olegpen mýldem aralasqan emespin. Jasy ýlken bolghan song agha retinde syilaymyn. Al myna oqighadan song ony syilaghym da kelmeydi», - dep ashulanghan synay tanytty. Alayda 20 jyl boyy talay isting betin ashqan tergeushi Dimanyng da qylmysyn moyyndatty. Qyzdyng mýrdesin saraptamagha jibergen kezdegi alghan anyqtamanyng jauabyn, pyshaqtaghy qoltanbanyng Dimagha sәikes keletindigin dәleldep berdi.

Is jan-jaqty zerttelip, kýdikti qylmysyn moyyndaghannan keyin sot otyrysy ótti. Olegting jazyqsyz ekenin bilgende Valyanyng otbasy túrmaq, auyl adamdary jaghalaryn ústady. Sot ýkimi boyynsha Dima 25 jylgha bas bostandyghynan aiyryldy.

***

Oleg bostandyq alyp, tughan ýiine oralghannan keyin ózin keng dýniyening qojayynynday sezindi. Aldymen anasynyn, Sergey aghasy men Valyanyn, Ninanyng beyitining basyna baryp, gýl shoqtaryn qoyyp, keshirim súrady. Al ýiine qaytar jolda qyr basyna shyqty. Kýn sәulesi qyrdan tómen týsip, úyasyna batyp barady eken. Búghan kýlimdey qarap, qoshtasqanday. Ol eki qolyn joghary kóterip, «Men qanisher emespin!», - dep bar dausymen aiqay saldy. Múnyng dausyn Tabighat-Ana anyq estidi...

Aygýl Júbanysh

Abai.kz