Qazaqstan Respublikasy Mәdeniyet jәne sport ministrligi Til sayasaty komiytetining tapsyrmasymen Sh.Shayahmetov atyndaghy «Til-Qazyna» últtyq ghylymiy-praktikalyq ortalyghy «Zang terminologiyasyn jetildiru mәseleleri» atty respublikalyq әdistemelik seminaryn ótkizdi.

Ádistemelik seminardyng ózektiligi zannamalyq qújattardyng qogham súranysyna sәikes memlekettik tilde sauatty jazyluy, zang terminderin jýieleu, zannamalyq qújattardy qazaq tilining jazu normalaryna sәikes retke keltiru boyynsha qordalanghan problemalardy talqylaugha negizdelgen.

Zannamalyq qújattardyng qogham súranysyna sәikes memlekettik tilde sauatty dayarlanu mәselelerin talqylap, ony sheshuding joldaryn berudi kózdeytin әdistemelik seminarda zannama tilining audarma til dengeyinen asa almau sebepteri men odan shyghatyn saldar basa kórsetildi.

Zang normalaryn, qaghidalary men erejelerin últtyq tilding ayasynda qarastyru mýmkindigi oqylghan bayandamalar men sóilengen sózderding basty taqyrybyna ainaldy. Qazaqstan Respublikasy Parlamenti Senatynyng deputaty Núrtóre Jýsip, ghalym-terminolog, professor Sh.Qúrmanbayúly,  Bas prokuraturanyng Ótinishter jәne is jýrgizu basqarmasyndaghy Bas Prokurordyng agha kómekshisi – Memlekettik tildi damytu tobynyng jetekshisi Uәly Ernúr zang salalaryndaghy terminderdi tolyqtyru jәne olardy birizdendiru mәseleleri boyynsha qúndy pikirlerin ortagha saldy.

Mәjilis deputaty A.Smaghúlov zang jobalarynyng terminologiyalyq birizdiligin qamtamasyz etu problemalaryna qatysty óz úsynystaryn bildire kelip, memlekettik organdar dayyndaghan halyqaralyq sharttyn, zang jobasynyng memlekettik tilde sapaly dayyndaluyn olardyng qyzmet tiyimdiligin baghalau reytingine nysanaly indikator retinde engizse dúrys bolar edi degen oy tastady.

Qazaqstan Respublikasy Parlamenti Mәjilisi Apparatynyng Redaksiyalau jәne audarma bólimining mengerushisi Dәuitәli Omashúly normativtik qúqyqtyq aktiler jobalarynyng orys tilinde әzirlenui, Parlamentke kelip týskenshe osy jobalardyng orys tilindegi mәtini ghana pysyqtalyp, al qazaq tilindegi audarma núsqasynyng nazardan tys qaluy, jalpy alghanda últtyq zannama tilinin, onyng terminologiyasynyng orys tilindegi núsqagha baylanyp qaluy últtyq zannamanyng tili men terminderindegi birizdilikting saqtalmauyna sebep bolyp otyrghanyn basa kórsetti.

Is-sharagha zang salasynyng jetekshi mamandary, Qazaqstan Respublikasy Ýkimetining janyndaghy Respublikalyq terminologiya komissiyasynyng mýsheleri, Qazaq tili әlipbiyin latyn grafikasyna kóshiru jónindegi Últtyq komissiya janyndaghy Terminologiyalyq júmys tobynyng mýsheleri, memlekettik organdardyng qyzmetkerleri, últtyq kompaniyalar men BAQ ókilderi qatysty.

Ádistemelik seminardyng qorytyndysy boyynsha memleketting til sayasatyn odan әri jetildiruge baghyttalghan qarar qabyldandy.

Abai.kz