Qasym-Jomart Toqaevtyng Memleket basshysy qyzmetine kiriskeli jasap jatqan júmysynyng barlyghy eldi tazalyqqa, tәrbiyege, tәrtipke shaqyru bolyp otyr. Elde jetistik barshylyq. Kemistik te jeterlik. Bәrin jasyrmay aityp, jayyp salyp otyrmyz. IYә, sheshimin tappaghan sharua shash-etekten. Olardy az jyldyng ayasynda sheship tastau tipti de mýmkin emes. Biraq, baghyt – berik.

Biz qazir elimizde bastalghan ong ózgeristerding bayandy bolaryna senuimiz kerek. Toqaevtyng tóniregine toptasyp, halyq sózine qúlaq asatyn memleket qúru jónindegi talabyn qoldap, eldegi jasalyp jatqan janalyqtardyng jaqsylyqqa jetkizerine senu dәl qazir óte manyzdy. Arystaghy jarylystan keyin de, Qordaydaghy qaqtyghystan keyin de eldigimizdi, birligimizdi, iriligimizdi tanytyp edik. Endi taghy bir synaq aldymyzgha tartyldy.

Jer-jahangha jayylyp, jabysyp jatqan koronavirus indeti tәuelsizdigine otyz jyl da tolmaghan biz túrmaq, ekonomikasy bizden әldeqayda quatty, medisina salasynyng infraqúrylymy әldeqayda myghym elderding de talayynyng әpter-tәpterin shygharyp jiberdi. Dәl qazir әr adam ózi ýshin, ata-anasy ýshin, balalary ýshin, nemereleri ýshin, ózining eli ýshin jauaptylyq tanytugha tiyis, qarapayym gigiyenalyq sauattylyq tanytugha tiyis, tipti ashyq aitsaq – әrqaysymyzgha bir-aq ret beriletin ómirding qadirin biluge tiyis desek, múnymyz qiyn kýndegi qúiyndatpa sózge jatqyzylmas. Ylayym, búl bәleket Qazaqstanymyzdy janap qana ótip, indetti ininen shygharmay túnshyqtyrugha qol jetip, quanatyn kýnimiz tezirek kelsin. Dabyldyng der kezinde qaghyluy, Preziydentting qatty qadaghalauy, Ýkimetting ýilesimdi isi, salalyq ministrlikting kәsibiylik sipaty apattyng aldyn alarymyzgha ýmittendiredi.

Áytse de, jaman aitpay jaqsy joq, «E, eshtene etpeydi, qúday saqtasyn» dep qoyyp, búrynghyday alansyz, ashyq-shashyq jýre beretin, kórem degendi kóre beretin, baram degenge bara beretin, shaqyram degendi shaqyra salatyn, shaqyrghan jerge bara salatyn, adam ne istep, ne qoyatynyn ózi sheshpeytin be edi dep kýiip-pisetin kez emes búl. Tastýiin júmylatyn, tәrtipke baghynatyn, saqtanatyn, qatty saqtanatyn kez búl.

Toqaev ta Qúday saqtanghandy saqtaytynyn eske salyp otyr. Qazaqy kenbalaq qalpymyzdy qoya túratyn, jaybaraqattyqty joya túratyn, shiryghatyn, shymyryghatyn shaq shyndap tudy. Aranyn ajdahaday ashqan koronavirusty kórshi Qytay eli tәrtiptin, tek temirdey tәrtipting arqasynda ghana auyzdyqtay aldy. Tәrtipke baghynsaq, Preziydent Jarlyghymen jariyalanghan tótenshe jaghdaydyng tosyn talabyn tereng týsinsek, sergek sezinsek, biz de solay ete alamyz. «Tәrtipke baghynghan qúl bolmaydy, tәrtipsiz el bolmaydy» degen batyr Bauyrjan.

Memleket basshysy Qasym-Jomart Toqaev bizding barshamyzdy, әrqaysymyzdy syn saghatta syr bermeuge shaqyryp otyr. Solay bolaryna senemiz.

Sauytbek Abdrahmanov

Abai.kz