Elimizde azamattardy baspanamen qamtu maqsatynda kóptegen iygilikti sharalar jýrgizilip jatyr. Túrghyndardyng baspana aluyna qolayy bolu ýshin týrli túrghyn ýy baghdarlamalary jolgha qoyylghan. Mәselen, «7-20-25», «Núrly jer» syndy óte kóptegen memlekettik túrghyn ýy baghdarlamalary el halqynyng erterek baspanaly boluyna mýmkindik jaratyp otyr.

Jogharyda atalghan memlekettik baghdarlamalar arqyly ýy alghan túrghyndar kelisimshart negizinde ay sayyn qajetti tólemderin jasap otyrady. Osy arqyly baspananyng qúnyn on, on bes, jiyrma jylla tólep bolady. Búl әriyne túrghyndar ýshin tym qolayy jol bolatyn.

Alayda tútas dýniyeni dýrliktirgen koronavirus indeti bizding eldi de ainalyp ótken joq. Elde birneshe adam auyru júqtyryp, emhanagha týsti. Elde tótenshe jaghday jariyalanyp, Núr-Súltan men Almaty qalalarynda karantin jariyalandy. Osyghan baylanysty kóptegen azamattar júmystarynan uaqytsha shyghyp qaldy. Sóitip, olardyng tabys kózi tosyldy. Al memlekettik baghdarlamamen alghan ýilerine ay sayyn tólem jasau kerek. Tabysy joq adam tólemdi qalay jasaydy.

Osy mәseleni basty nazarda ústaghan Memleket basshysy Qasym-Jomart Toqaev qajet bolghan jaghdayda nesie jәne keybir tólemderdi keyinge shegeru jayly tapsyrma bergen. Búghan biz sóz etip otyrghan túrghyn ýy tólemderi de kiredi.

Eldegi osynau jaghdaylargha bey-jay qaramaghan Túrghyn ýy qúrylys jinaq banki («Bәiterek» holdingining enshiles kompaniyasy) Preziydent ýndeuine ýn qosty. Anyqyraq aitqanda bank karantinge baylanysty uaqytsha qarjylyq qiyndyqqa úshyraghan kliyentterine 2020 jyldyng 16 nauryzynan keyin ótelui kerek tólemdi toqsan kýnge (ýsh aigha) shegeruge bolatynyn mәlimdedi.

Búl jerde erekshe aita keterligi, shegerilgen tólemge negizgi qaryz da, nesie syiaqysy da kiretin bolady. Búl mәsele kliyentting ózi jazghan ótinishi negizinde jýzege asyrylatynyn aita ketu kerek. Búl ótinishte tólemdi ne ýshin keyinge shegeru kerek bolghanyn sóziz kórsetu kerek. Alayda bank búl sebepterge baylanysty qosymsha rastau qújattaryn súramaydy. Ári tólemdi keyinge qaldyru mýmkindigi avtomatty týrde beriledi. Búl shara jogharyda aitqanymyzday koronavirus taraluynyng aldyn-alu maqsatynda elde tótenshe jaghdaydyng jariyalanuyna baylanysty jýzege asyp otyr. Búl turaly atalghan qarjy institutynyng baspasóz qyzmeti habarlady.

«Tólemdi shegeru turaly ótinish 2020 jylghy 15 sәuirden bastap internet-banking arqyly qabyldanady. Barlyq ótinish maqúldanady. Shegerudi 2020 jylghy 16 nauryzdan keyin ótelui tiyis tólemderge qatysty qoldanugha bolady. Onlayn-ótinish beru kezinde 2020 jyldyn 16 nauryzyndaghy jaghday boyynsha uaqtyly ótelmegen nesie tólemi bolmauy kerek», - dep eskertti bankting Basqarma tórayymy Lyazzat Ibragimova.

Lyazzat Ibragimova

Sonday-aq, bank tórayymy eldegi barlyq túrghyndy tótenshe jaghday kezinde barlyq ereje talaptargha baghyna otyryp, memleket belgilegen oqshaulanu talabyn qatang saqtaugha shaqyrdy. Sonymen qatar, osynday qiyn kezende bank bólimshelerine barmau kerek ekenin de eskertti.

Túrghyn ýy tólemderin keyinge shegeru qaryz merzimin 3 aigha úzartu arqyly jýzege asady. Búl sheshim kliyentterge әr ay sayynghy tólemning kólemin túraqty dengeyde ústap qalugha kómektesetin bolady.

2020 jyldyng 16 nauryzy men 16 mausymy aralyghynda belgilengen uaqtta ótelmegen tólemder boyynsha eshqanday da aiyppúl nemese ósimpúl alynbaytynyn erekshe eskertu kerek. Atalghan ýsh ay ishinde kliyent negizgi qaryzdy jәne syiaqyny ózine ynghayly kezdei tolyqtay óteytin bolsa, tólemderdi keyinge qaldyru turaly ótinishti bermey-aq qoysa bolady. Ári ózine qolayly qaryz óteu kestesin tandap alyp, aidyng kez kelgen uaqytynda nesiyeni ótese bolady. Ári búl tólemderdi arnayy ýiden shyqpay-aq, onlayn týrde jasaugha da bolady.

Ýstegi jyldyng 30 nauryzynan bastap eldegi karantin jaghdayy ayaqtalghansha Qazaqstan Respublikasy aumaghyndaghy Túrghyn ýy qúrylys jinaq bankining barsha filialynda kliyentterge qyzmet kórsetuding jana núsqasyna kóshedi. Barlyq bólimshelerde nesiyening ótinishterin qabyldau jәne postkrediyt, postdepozit syndy operasiyalardy qabyldau uaqytsha toqtatyla túrady.

Erekshe aita keterligi, osy kezende kliyent ózi Bankke kelip, tek eki operasiyany qoldana alady. Birinshisi depozitti bólu/toqtatu arqyly aqshasyn alu jәne sonday-aq zaemnyng bir bóligin jabu jәne ony tolyqtay óteu. Atalghan qyzmetterdi paydalanu ýshin  bankting resmy saytyndaghy onlayn-brondau jýiesi arqyly aldyn-ala jazylu qajet. Búdan basqa jaghdaylarda bank koronavirustyng taraluynyng aldyn alu maqsatynda kliyentterine qyzmet kórsetuden uaqytsha bas tartyna tura keledi.

Eldegi notariustartardyng júmysyna tyiym salynbaghan dayghdayda, 27 nauryz 18:00-ge deyin berilgen nemese maqúldanghan barsha qaryz ótinishi kliyentterdi telefon arqyly jeke habarlasyp shaqyru arqyly jýzege asatyn bolady. Qazirgi tanda Bank myng shamasyndaghy qaryz ótinishin arnayy qarastyryp jatyr. Al onyng eki jýz ótinishi berilip jatyr.

Sonymen qatar, bank eldegi karantin merzimi ayaqtalghansha satyp alu men satu mәmilesin jasaspay túrugha shaqyryp otyr. Qaryzdy óteu jәne depozitti tolyqtyru barynsha ynghayly bolu ýshin qaladaghy karantin rejiymi kezinde de ashyq túrghan oryndarda ornalasqan tólem terminaldary júmys istey beredi. Biraq bank azamattardy sauda jәne oiyn-sauyq ortalyghy nemese bazardy izdep qalada jýrmey aq, qajetti tólemderdi JSSB 24 internet-bankingi arqyly tóleuge shaqyryp otyr. Taghy bir aita keterligi, búl qyzmetti qoldanuda elimizdegi barlyq bankting tólem kartasyn paydalanugha bolady.

Sóz sonynda aitarymyz, «Qazaqstannyng túrghyn ýy qúrylys jinaq banki» AQ - Qazaqstandaghy túrghyn ýy qúrylys jinaq qyzmetin jýzege asyratyn eldegi birden-bir bank. Atalghan úiym europalyq qúrylys jinaq kassalary federasiyasyna (EQJKF), osnymen qatar halyqaralyq túrghyn ýidi qarjylandyru odaghyna mýshe bolyp tabylady.

Abai.kz