Karantinde kino kórem deushilerge salaqúlash tizim qaydan bolsyn tabylady. Bayqasam, sonyng bәri derlik – amerikalyq filimder eken. Reseydiki de jetip-artylady. «Endeshe ózim jaqsy biletin Bollivud ónimderinen bir tizim jasasam qaytedi?» degen oy keldi. Qazirgi ýndi kinosynyng da sol bayaghy «Zita-Gita», «Tansor disko» siyaqty ekenine senimdilerding әri qaray oqymay-aq qoyyna bolady, al basqalarynyz qol bosta qarap shyqsanyzdar, ókinbeysizder.

1. NIRDJA/ NEERJA (2016)
Ómirde bolghan oqigha jelisimen týsirilgen. 1986 jylghy 5 qyrkýiekte stuardessa Nirdja Bhanot úshaqty terrorister basyp alghanyna qaramastan 359 jolaushyny qútqaryp qalady. Biraq ózi qútyla ala ma?

2. DANGAL/ DANGAL (2016)
Búl da – naqty taghdyr. Baluan Mahavir Phogat Singh ózi jete almaghan tabysqa úlym jetse dep armandaydy. Biraq Qúday oghan úl bermeydi. Tórt qyzy bolady. Bir kýni Mahavir eki ýlken qyzynyng ózderine tiyisken úldardy úryp tastaghanyn estiydi. «Nege qyzdarymnan baluan shygharmasqa?» degen oy keledi oghan...

3. TRY IDIOTA/ 3 IDIOTS (2009)
Eki dos kezinde birge oqyghan, biraq keyin mýlde úshty-kýili joghalghan Rancho esimdi jigitti izdeydi. Izdeu barysynda bayaghy qyzyq pen shyjyqtyng talayy eske týsedi. Biraq Rancho tabylmaydy. Ol ózi kim edi? Rancho onyng shyn aty ma? Qayda ketui mýmkin? (birge izdenizder)

4. POISK/ TALAASH (2012)
Filimde eki liniya bar. Biri – kinojúldyz Arman Kapurdyng júmbaq ólimi. Onyng eshqanday mashina joq bos kóshede ayaq astynan rulidi búryp, kópirden sugha qoyyp ketkeni qalay? Polisiya búl qúpiyanyng syryn ashpaq bolady. Ekinshisi – poliyseyding jeke qasireti. Jalghyz úly men dosynyng balasy ekeui shomylyp jýrip, sugha batyp ketedi. Jýgire jetken poliysey anau balany qútqaryp qalady, al óz úlyn qútqaryp ýlgere almaydy. Soghan ózin kinәli sanaydy. Biraq kinәli me? Syr sonynda ashylady.

5. PIYKEY/ PK (2014)
Basqa planetadan kelgen, adamzat qoghamyndaghy qalyptasqan stereotipterden esh beyhabar PiyKey ózining baladay anghal súraqtarymen, taza kózqarasymen bәrimizge de ýlken oy salady. Qúday bireu bolsa, onda din nege kóp? Búl – PiyKey kóteretin mәselelerding tek bireui ghana...

6. POSLEDNYaYa NADEJDA/ BLACK (2005)
Kishkentay soqyr qyz esh tәrbiyege kónbeydi: tamaqty qolymen myjyp, shashyp jeydi, t.b. Eshkimdi tyndamay jýrgende ýige bir qart maman keledi. Ol qyzdy ýstel basynda dúrys otyrugha, ýlkendi tyndaugha, jalpy tәrtipke ýiretedi, aqyrynda tipti oqyp, jazyp, joghary bilim alugha jetkizedi. Búl qalay mýmkin boldy? Kýnderding kýninde sol shaldyng ózi de psihikalyq dertke shaldyghady. Al oghan kim kómektesedi?

7. SREDA/ WEDNESDAY (2008)
Polisiyagha bireu habarlasyp, týrmedegi tórt terroristi belgili bir adreske jetkizudi talap etedi, әitpese bir mezgilde birneshe jerde bomba jarylatynyn aitady. Polisiya onyng talabyn oryndaugha mәjbýr, biraq búl tórt terroristi әlgi adam ne isteydi? Sol adam men polisiya inspektorynyng arasyndaghy keremet mazmúndy dialog ýshin ghana kóruge bolatyn filim.

8. TELEFONNAYa BUDKA/ KNOCK OUT (2010)
Býkil filim boyyna telefon baylanysy ýzilmeydi. Sol baylanys arqyly halyqtyng esebinen jegen mol qarajatty sheteldik bankke tyqqan sheneunikting taghdyry sheshiledi. Shytyrman oqighaly detektiyv, al final tipten tosyn!

9. LUBYaShIE SERDSA/ DIL CHAHTA HAI (2001)
Ýsh jigitting tartymdy hikayalary. Akash bir qyzgha ghashyq, biraq onyng jigiti bar eken. Samiyrgha әke-sheshesi ýilenetin qyz dayyndap qoyypty. Al Sidting jaqsy kóretini – jasy ýlken әiel... Ýsheuining taghdyry qalay ózgeredi? Dostyqtaryn saqtap qala ala ma?

10. JIZN NE MOJET BYT SKUChNOY/ ZINDAGI NA MILEGI DOBARA (2015)
Múnda da ýsh jigitting ýsh týrli oqighasy, bolmysy, taghdyry qamtylghan. Ýsheui demalysty Ispaniyada ótkizedi. Sol jaqta jýrip, әrqaysysynyng qúpiya syrlary ashylady. Ári kónildi, әri oily filim.

11. BRAT BADJRANGI/ BAJRANGI BHAIJAN (2015)
Kishkentay pәkistandyq mylqau qyz anasy úiyqtap jatqanda әldebir sebeppen poyyzdan týsip, qayta mine almay, Ýndistanda qalyp qoyady. Ony óz Otanyna, otbasyna kim aparady? Qalay aparady? Jolda qanday kedergiler bolady? Eki el arasyndaghy kýrdeli ahualdy eskersek, óte qiyn jaghday. Biraq sonday bir adam shyghady. Óte meyirimdi filim.

12. KABULSKIY EKSPRESS/ KABUL EXPRESS (2006)
Talibandar dәuirinen keyin Aughanstanda týsirilgen alghashqy filim. Keyipkerlerding әrqaysysyn sol últtyng ókili oinaydy: aughandyq Hayberdi – aughan akteri Hanif Hamgam, pәkistandyq talibty – sol elding akteri Salman Shahiyd, AQSh jurnaliysi Djessikany – amerikalyq aktrisa Linda Arsenio, ýndilik rejisser men operatordy – ýndi akterleri Djon Abraham men Arshad Varsy oinaydy. Árqaysysy óz elining ústanymynyng dúrys ekenin dәleldeuge tyrysady. Shyn mәninde, dúrysy qaysysy?

13. VOZVRAShENIE NA RODINU/ SWADES (2004)
AQSh-taghy NASA gharysh agenttigining jetekshi mamany Mohan eki aptagha eline – Ýndistangha baryp qaytpaq bolady. Baruyn barady-au, qaytuyn aitsayshy. Onyng tuystary túratyn auylda jaghday qiyn: jol byt-shyt, internet baylanysy nashar, jaryq birde bar, birde joq, adamdardyng túrmysy tómen... Júrt ókimetke silteydi, ókimet halyqtyng ózin kinәlaydy. Ne isteu kerek? Mohan qanday sheshimge keledi?

14. MEST OBMANUTOY JENShINY/ EK HASINA THI (2004)
Áyeldi qorlama, ar-namysyn ayaqqa taptama, oghan satqyndyq jasama. Áytpese aitqanynnan shyqpastay kóringen juas әielding jýreginde kek oty oyanady. Sonda ne bolady? Súmdyq bolady...

15. GADJINI/ GHAJINI (2008)
Sandjay tek 15 minut búryn ne bolghanyn ghana biledi. Odan arghyny úmytyp qalady. Sondyqtan ol býgin, erten, arghy kýni ne isteytinining bәrin qaghazgha, tipti óz denesine jazyp alady. Biraq múnyng sonynan týsushi de az emes. Búl kim ózi? Ol izdep jýrgen Gadjiny kim?

16. STOLIK No21/ TABLE No21 (2013)
Jas júbaylar Fidjy aralyna demalugha barady. Sondaghy Han esimdi oteli iyesi olardy «21-ýstel» degen oiyn oinaugha shaqyrady. Oinaugha kelisken sorlylardyng aqyrynda sory qaynaydy. Nege? Han kim? Bәlkim, búryn jas júbaylardyng ózi birdeme býldirgen bolar?

17. IGRAEM ROK! / ROCK ON!! (2008)
«Magiya» atty rok-gruppa turaly filim. Biraq muzyka turaly emes, toptaghy tórt muzykanttyng bólek-bólek minezi, daryny, taghdyry jayynda. Tabys adamdy ózgerte me? Adam óz ómirin qalay ózgerte alady?

18. IGRAEM ROK-2/ ROCK ON-2 (2016)
Birinshi filimning jalghasy. Múndaghy dramalyq shiyelinister odan da terenirek deuge bolady.

19. TRETIYa STRANISA / PAGE 3 (2005)
Jurnalister turaly filim. Ýshinshi bet – ýndi baspasózinde shou-biznes, kino, sayasat júldyzdarynyng ómiri turaly bayandaytyn dәstýrli bet. Madhavy ýnemi osy betti jýrgizedi, jýrgen jerining bәri – qonaqasy, túsaukeser, fotosessiya... Shou-biznes ókilderining bәrimen derlik tanys, dos... Bir kýni әldeqanday oqys oqigha sebep bolyp, ol tereng oigha batady: men ne istep jýrmin? Osy ma men ansaghan júmys? Jalpy naghyz jurnalistika degen qanday? Madhavy aqyry bir sheshimge keledi. Naghyz qyzyq endi bastalady...

20. INGLISh VINGLISh / ENGLISH VINGLISH (2012)
Aghylshyn tilin tórt aptada ýirenuge bola ma? Bolatyn shyghar. Biraq qoghamdaghy ornyn, otbasyndaghy bedeling jetekshi tildi bilu-bilmeuine baylanysty ma shynymen? Aghylshynsha bilmegen adam – adam emes pe? Oinaqy filim, biraq oilandyratyn tústary jeterlik.

Sәken Sybanbay

Abai.kz