Aq ýide brifing ótkizgen Tramp qantar aiynyng sonynda AQSh-tyng Qytaygha úshaqty shekteu sheshimine DDSÚ-nyng qarsy kelgenin eske saldy. Koronavirus pandemiyasynyng damuyn toqtatatyn mýmkindikti jiberip aldyq dedi ol.
"DDSÚ-nyng úsynysynan keyin ózge elder men aimaqtar Qytaymen shekarany ashyq qaldyrdy, búl virustyng jayyluyna sebep boldy. Qytaygha degen senim adamdardyng koronavirusty jappay júqtyruyna әkeldi", - dedi Tramp. Tramptyng sózinshe, DDSÚ óz mindetin dúrys atqara almady, sol ýshin jauap berui tiyis.
Atalghan úiymdy qarjylandyrudy toqtatu jónindegi josparyn ol 8 sәuirde tvitter paraqshasyna jazghan.
"DDSÚ aqymaqtyq jasady. Basym bóligin AQSh qarjylandyratyn úiym týsiniksiz sebeptermen Qytaygha basa kónil bóldi. Biz búl mәseleni jiti zertteymiz", - dep jazdy Tramp.
Preziydent sózinshe, AQSh jyl sayyn DDSÚ budjetine 400-500 million dollar bóledi, búl Qytay jarnasynan 10 esege kóp.
BÚÚ bas hatshysy Antoniu Guterrish qazir DDSÚ resursyn qysqartatyn uaqyt emes dep mәlimdedi. "Pandemiyamen kýresten sabaq alyp, infeksiyanyng óte jyldam taraluy sebepterin týsinu arqyly adamzat qazirgi tarihtyng auyr betterin enserip óte alady", - dedi BÚÚ-nyng bas hatshysy.
Álemde koronavirus júqtyrghandardyng sany kýn sanap ósip jatyr. Pandemiya statistikasy eki million adamgha jaqyndap qaldy. 121 mynnan astam adam qaytys boldy. COVID-19 virusyn júqtyrghandar men qaza bolghandardyng sanynyng kóptigi jaghynan AQSh birinshi orynda túr. Songhy kórsetkish boyynsha, 600 mynnan astam adam koronavirus júqtyrghan, 25 mynnan astam adam qaytys boldy.
Abai.kz
