XIX ghasyrda Torghay ónirinde Óteuli Toghyzbayúly degen aqyn ómir sýrgen. Ol shamamen 1820 jyldary tughan degen boljam bar. Óteuli izdep jýrip aitys qumaghan, aitys¬tan payda tabayyn dep te oilamaghan. Qyryq jasqa tolghanda maghan endi jastarmen qosylyp óleng aitu úyat dep aqyndyqty mýlde tastap ketken kórinedi. Sondyqtan da bolar Óteulining aitystary kóp emes. El auzynda saqtalghandary ataqty Orynbay aqynmen, Qojabekpen aitystary, Qyz Qaghazben sóz qaghystyrghany. Aqynnyng bar jaryq kórgen dýniyesi 1988 jyly “Jazushy” baspasynan shyqqan “Aytys” jina¬ghyna engen Qyz Qaghazben sóz qaghystyruy. Óteulini  halyq “tospa” aqyn dep atapty. Sebebi ol qarsylasynyng anysyn andyp, olardyng jalghan sóilep, artyqtau ketken tústaryn útymdy paydalanyp, qarsylas¬taryn ondyrmay sýrindirip otyrady eken.
Aqynnyng basynan ótken bir oqighany әkem Tatayúly Baypaqtyng óz auzynan estip, jazyp alghan edim. Orynbor oblysy qazaqtary shyghys bólimi duanynyng agha súltany Múhammed Jantórin eline jayly, aqyldy, óte jomart adam bolsa kerek. Sol Múhan praviyteli Óteuli aqyngha óleng ait¬qy¬zyp, sauyq  qúryp otyrghanda Áuliyekól ónirining belgili adamy Shalqan degen auqatty kisi ýige kirip keledi. Óteuli ony agha súltannyng aldynda kótermelep, maqtaydy. Riza bolghan Shalqan ýstindegi mauyty shapanyn Óteulige syilamaqqa sheshe bastaydy. Sol kezde shapannyng jeni jyrtyq ekenin bayqap qalghan aqyn qolma-qol:

XIX ghasyrda Torghay ónirinde Óteuli Toghyzbayúly degen aqyn ómir sýrgen. Ol shamamen 1820 jyldary tughan degen boljam bar. Óteuli izdep jýrip aitys qumaghan, aitys¬tan payda tabayyn dep te oilamaghan. Qyryq jasqa tolghanda maghan endi jastarmen qosylyp óleng aitu úyat dep aqyndyqty mýlde tastap ketken kórinedi. Sondyqtan da bolar Óteulining aitystary kóp emes. El auzynda saqtalghandary ataqty Orynbay aqynmen, Qojabekpen aitystary, Qyz Qaghazben sóz qaghystyrghany. Aqynnyng bar jaryq kórgen dýniyesi 1988 jyly “Jazushy” baspasynan shyqqan “Aytys” jina¬ghyna engen Qyz Qaghazben sóz qaghystyruy. Óteulini  halyq “tospa” aqyn dep atapty. Sebebi ol qarsylasynyng anysyn andyp, olardyng jalghan sóilep, artyqtau ketken tústaryn útymdy paydalanyp, qarsylas¬taryn ondyrmay sýrindirip otyrady eken.
Aqynnyng basynan ótken bir oqighany әkem Tatayúly Baypaqtyng óz auzynan estip, jazyp alghan edim. Orynbor oblysy qazaqtary shyghys bólimi duanynyng agha súltany Múhammed Jantórin eline jayly, aqyldy, óte jomart adam bolsa kerek. Sol Múhan praviyteli Óteuli aqyngha óleng ait¬qy¬zyp, sauyq  qúryp otyrghanda Áuliyekól ónirining belgili adamy Shalqan degen auqatty kisi ýige kirip keledi. Óteuli ony agha súltannyng aldynda kótermelep, maqtaydy. Riza bolghan Shalqan ýstindegi mauyty shapanyn Óteulige syilamaqqa sheshe bastaydy. Sol kezde shapannyng jeni jyrtyq ekenin bayqap qalghan aqyn qolma-qol:
Óteuli aqyn ólendi esip jatyr,
Tatan Shalqan shapanyn sheship jatyr.
Sheshse-daghy shapanyn Tatan Shalqan
Shapannyng jeni jyrtyq desip jatyr, – dep tógip jiberedi. Sol kezde Shalqan shapandy qoya salyp, at mingizgen eken deydi. Kelesi kýni tanerteng qonaqtar Óteuli týsken ýiding bosaghasynda bir aryq, jauyr qúnannyng baylauly túrghanyn kóredi. Óteuli aqyn Shal¬qangha:
Ákeng jaqsy kisi edi jambas jegen,
Jaqsydan jaman tusa onbas degen.
Týbinde bir shiykilik bar-au sirә?
Týnde “bolad” degen sóz “bolmas” degen, – dep astyndaghy atyn tebinip, jýruge ynghaylanady. Úyalghan Shalqan qúnandy bosatyp jiberip, tu baytal baylapty deydi.
Óteulige aqyndyqtyng qonuy turaly el ishinde týrli anyzdar da bar. Jas kezinde Óteulining týsine aq shashty, aq saqaldy abyz kirip, dombyra alasyng ba, kónek alasyng ba, dep súraghan eken deydi. Óteuli dombyra ala¬myn depti. Sonda týsine kirgen kisi ekeuin de súrauyng kerek edi depti de joq bolyp ketipti.
Óteulini Qojabekpen aitysugha arghyn eli jaghy ýgitteydi. Biraq Óteuli Qojabekting artynda tentek jigitteri bar, aitysta artyq-kem sózder aitylady, joq jerde tayaqqa jyghylar jayym joq, dep qarsylyq bildiredi. Arghyndar bolsa seni sabatyp qoymaspyz, biz de jigitterdi ertip baramyz, qoryqpay otyryp aitys, dep zorlaghanday ghyp alyp barady. Aytysqa Erdenning ózi de qatysady. Qaghaz betine týspegendikten bizge sóz qaghystyrudyng ýzindileri ghana kelip jetti. Onyng songhy týiini mynaday.
Qojabek:
Ar jaqta bir qútym bar Arghynghazy,
Jigitke ne qyldyrmas maldyng azy.
Talay topqa salatyn Erdenim bar,
Shaldyrmas toptan toray qúmay tazy.
Óteuli:
Qojekem, solay sóilep jónine kósh,
Qiyalap jýirik bolsang aldymnan tos.
Tazy dep Erdenindi ózing aittyn.
Qarghylap tazy bolsa shoshqagha qos...
Osy tústa aitysty tyndap otyrghan Erden aiqay salyp: “Áy, Qojabek, әkemning auzyn boqtatpasang jeter endi, toqtat, Óteuli jendi”, dep әdil tórelegin aitqan eken deydi.
Óteulining sheshesi de aqyn kisi bolypty. Jamaghayyn qaynylary ony “kónshi, kónshi” dep mazaqtay beredi eken. Oghan sebep Óteulining Esenbay degen atasyn el ishinde “kónshi” dep atap ketipti. Jigitter sony menzep túrsa kerek. Bir joly osylay mazaqtay bergen qaynylaryna Óteulining sheshesi bylay dep jauap beredi:
Arghy atamdy súrasang elshi Mergen,
Elshi Mergen ekenin kózing kórgen.
Qayta-qayta “kónshi” dep qoymadyng ghoy,
Qay atasy kónshining qanghyp ólgen.
Qara baqyr belinde qanghyrlaghan,
Miner tayyn artyna qaldyrmaghan.
Sening atang siyaqty mening atam
Jýgen baylap beline qanghyrmaghan.
Sóitse әlgi tiyise bergen jigitting atalarynyng biri joghalghan malyn izdeymin dep aidalada adasyp ólgen eken. Osy oqighany estigen el aqsaqaldary әlgi jigitterdi shaqyryp alyp, endi kelinge tiyispender, taghy da masqaralaryng shyghyp jýrer dep úrysqan eken deydi.
Óteulining arghy atasy Janaq Tólekúly turaly “Qazaq әdebiyeti” ensiklopediyalyq anyqtamalyghynda mynaday mәlimetter berilgen:
“Janaq Tólekúly, ýlken Janaq (1743-1821, Qostanay oblysy, Nauyrzym audany, Qayghy auyly.) – aqyn. Janaq auyl moldasynan oqyp, hadimshe hat tanyp, diny bilim alghan. Búqar jyrau, Tәtighara, Ýmbetey, kerey Jankisi jyraulargha shәkirt bolghan. Ol Bayan batyrgha, Bógembay batyrgha, t.b. arnap dastandar jazghan, biraq ol shygharmalary bizge jetpegen, ne jinalmaghan. Janaqtyng “Da¬nyshpan babalar” atty tolghauy ghana belgili. Janaq turaly derek, jazushy N.Ábutaliyevting “Segiz seri” (1991) kitabynda berilgen. (“Qazaq әdebiyeti” ensiklopediya¬lyq anyqtamalyq. “Aruna” baspasy. Almaty, 2005 j.).
Jazushy-ghalym N.Ábutaliyev XVIII-XIX ghasyrda qazaqta Janaq esimdi tórt aqynnyng ómir sýrgenin aityp, olardyng shygharmashy¬lyq ómirine toqtalady. Al Janaq Tólekúly¬nyng ómirin bayanday kele ol bylay depti: “Onyng úrpaqtarynan Qostanay oblysy, Nauyrzym audanynyng Asan Qayghy kensha¬rynda túratyn qart әnshi Bayghonys Múha¬med¬janúly bar. Onyng әkesi Múhamedjan Ótelbayúly da belgili әnshi bolghany auyz әdebiyeti tarihynan belgili”. (N.Ábutaliyev “Segiz seri”, “Jalyn” baspasy, 1991 j.).
Óteulining bizge tolyq jetken jәne eng ýlken aitystarynyng biri – Orynbaymen aitysy. 1840 jyldary shamasynda Kenshalghyn degen jerde Kókshetau duanynyng agha súltany Shynghys Uәlihanov, Orynbor qazaqtary shyghys bólimining agha súltany Ahmet Jantóriyn, sonday-aq arghynnyng joghary shektisining jýz¬basy Birimjan Shegenov (Shaqshaq Jәnibekting tikeley úrpaghy) qatysqan ýlken mәjilis bolady. Mәjiliske sol ónirding tayly-túyaghy qalmay jinalady. Kókshetaudan Shynghys súltangha ataqty Orynbay aqyn erip keledi. Onymen aitysugha Qayghydan Óteuli de shaqyrylady. Búl kezde onyng jasy jiyrmalarda eken. Jolshybay bir aqboz atty jolaushygha jolyghady. Jón súrasyp jaghdaydy bilgennen keyin әlgi kisi Óteulige shyraghym, jas ekensin, Orynbay arqaly aqyn әri sózge toqtamaydy, ol osyghan deyin úlghayghan jasyna baylanysty ólendi qoydym dep ýsh ret tәubege kelip, biraq keyin uәdesin búzyp aitysty qayta bastap kete bergen, ony osy jaghynan ghana sýrindire alasyn, dep kenes beredi. Sodan Óteuli Orynbaymen kezdesip aitys bastalady. Qarsylasynyng qarymyn biletin Óteuli Orynbaydyng “ant búzghanyn” qayta-qayta aldyna tosyp otyrady. Sonday bir kezde Orynbay:
Shama¬dan aitqan sózing barady asyp,    
Jalany japsyram dep kóp talasyp
Ólendi qoysam qaytet deuim ras
Júrt sony jýrgeni ghoy alyp qashyp...
Basady andausyzda dýnie qaqpan,
Qapiyada bastyrdy qyzyl shoqty.
Bir qoydym dep auyzgha alyp edim
Qayteyin tóre-qara bolghan joq-ty, dep jaltarugha tyrysady. Sonda Óteuli bylay degen eken:                
Oreke, osy sózdi jón deysing be?
Alladan taghdyr jetse ólmeysing be?
Tóreden qoryqqannan tәube búzdyn
Qúdaydy tórelerden kem deysing be?
Osy kezde tóreler “Oryn¬bay, sen mana toqtauyng kerek edi, endi tipti onbay sýrindin”, dep jenisti Óteulige beripti.
Kishi arghynnyng taghyshy ruy Esenbay atasynan Tólek, odan Janaq, odan Toghyzbay, odan Óteuli, Ótelbay, Óte tuady. Óteuliden Ospan, Jaba¬ghy, Tólegen, Ospannan Baqyt pen Súnqar. Al Ótelbaydan Múhamedjan, odan Shayyn¬ghazy, Kәkimjan, Kәkimbek, Bayghonys, Bayghonystan Oral (býginde Parlament Mәjili¬sining Tóraghasy). Óteulining tughan nemeresi Súnqar Ospanov úzaq jyldar Qayghy auylynda mektep diyrektory boldy, KSRO Halyqqa bilim beru isining ýzdigi. Ótelbay sharua bolghan әri dýniyeden erte ótken. Sodan da bolar bala kezinen әn aityp kózge týsken Múhamedjandy júrt әkesining aghasyna telip “Óteulining Múhamedjany” dep atap ketken.
Qazaq ensiklopediyasynda Múhamedjan jayly mynaday mәlimetter bar: “Múhamedjan Ótelbayúly Qostanay oblysy, qazirgi Nauyr¬zym audanynda tuyp, sonda dýnie salghan. Qazaqtyng әnshi kompozitory. Arqa әnshilik mektebining iri ókilderining biri. Jasynda Troysk, Boqyrau, Qaraótkel, Atbasar jәrmen¬kelerinde әn salyp, óner jarystyrghan. Halyq arasynda keng taraghan “Bәtjan qyz”, “Múhamedjannyng hiylәui”, “Kóterme”, “Jaylau”, “Itýrgen”, “Nazqonyr”, “Jiyrma bes” (keyingi ekeui osy attas әnderden basqa) atty ladtyq qúrylysy kýrdeli, yrghaghy qiyn asqaq әnderding avtory. Múhamedjan әnderining shyghu tarihy tolyq saqtalghan. 1972 j. M.O.Áuezov atyndaghy Ádebiyet jәne óner instituty Múhamedjan әnderining birazyn baspadan shyghardy”, delingen. Búl mәlimetterdi jaryqqa shygharghan Qazaqstan Ghylym akademiyasynyng әdebiyet jәne óner institutynyng qyzmetkeri, әnshi әri óner zertteushi Taligha Bekhojina.
Ótelbayúly Múhamedjannyng әnshilik, sazgerlik, aqyndyq ónerinen basqa, sóz tapqyshtyghy da el auzynda saqtalghan. Olardyng keybiri jinaqtarda jariyalanghan. Sol elde Múhamedjanmen rulas Sholannyng Ghabdollasy deytin kisi de sózge ústa bolsa kerek. Sonymen qatar balgerlikten de  habary bar eken. Qystyng ayazdy kýninde Múhamedjan shanagha atyn jegip kórshi auylgha barmaq bolady. Jolda qamyttyng tamaq bauy aghytylyp ketedi. Sol kezde Ghabdolla úshyrysady. Ekeui de el aralaugha shyqqandaryn aitpasa  da ishteri sezedi. Múha¬medjan tamaq baudy tartyp jatyp Ghabdollagha:
Keledi el aralap baqsy kisi,
Bola ma, sirә, baqsy jaqsy kisi? – dep sóz bastap, endi arghy jaghyn ózing aityp jibershi degende, Ghabdolla oilanbastan:
Bay bolsaq ekeumiz de otyrmas pa ek,
Osylay mal tabady tapshy kisi, – depti.
Osy Múhamedjannyng balasy Qostanay-Torghay ónirine belgili әnshi Bayghonys Múha¬medjanovty alghash 1960 jyldyng shildesinde kórdim. Almaty konservatoriyasynyng birinshi dayyndyq kursyn dombyra mamandyghy boyynsha ayaqtap, elge demalysqa kelgen kezim. Qostanay oblysyndaghy Amangeldi audanynyng ortalyghynda túramyz. Ýige eki kisi keldi. Ekeui de úzyn boyly, kelbetti, saliqaly. Áke-shesheme sәlem berdi. Men de olargha sәlem berip jatyrmyn. Anam Bighaua, Rәpish әjem ekeui shay qoyyp, qazan kóterip, abyr-sabyr boldy da qaldy. Qatty quanghan әkem de qonaqtarmen qúshaqtasyp, amandyq-saulyq súrasyp jatty. Kelgen qonaqtyng jasy ýlkendeui әkemizben rulas jaqyn inisi, audandaghy belgili kolhoz basqarmalarynyng biri Ómirbekúly Sýleymen aghaydy bala kezimnen bilemin. Al ekinshisi úzyn boyly, at jaqty, kelisti kisini “Búl ataqty әnshi Bayghonys degen aghan”, dep tanystyrdy әkemiz. Esimin talay estisem de ózin alghash kóruim edi. Kóp úzamay shay da keldi. Mening konservatoriyada oqitynymdy bilgen Bayghonys agha qaraghym dombyra tartsang qaytedi, dedi. Men tórdegi dombyrany alyp bir kýy tarttym. Bayghonys agha bir kýishi qyz “Ayjan qyzdy” tartqanda Qúrmanghazy qaraghym, kýiding shoghyn tartpay, boghyn tarttyng ghoy, dep ózining ataqty “Serperin” tartypty deydi. “Serperdi” bilesing be dedi. “Serperdi” kýishining kýishisi ghana tartatyny belgili, 18-ge jete qoymaghan balang jigit bolsaq ta namysqa tyrysyp, óz shamamsha kýidi oryndap berdim. Mandaydan múzday ter búrq ete qaldy. Ánshi aghamyzgha qarasam jymiyp otyr eken, sypayy ghana “jaqsy tarttyn”, dep arqamnan qaqty. Ataqty әnshining mysy basqan boluy kerek ózimdi ýstimnen bir auyr jýk týskendey sezindim. Ákemiz Tatayúly Baypaq audan kóleminde sharuashylyq, kenes, partiya qyzmetterinde, audandyq partiya komiy¬tetining hatshysy bolyp qyzmetter atqarghan, elge belgili adam boldy. Ándi de birqydyru jaq¬sy aitatyn. Ol qolymnan dombyrany alyp, shertip otyryp aqyn Núrhan Ahmetbe¬kovtin, Birjannyn, altybas qypshaq Aqmolda aqynnyng birneshe shumaq ólenderin aityp berdi de búl “auyldyng alty auyzy” bolar, endi kezekti “qonaqkәdege” bereyik dep dombyrany Bayghonysqa úsyndy. Ánshi aghamyz “tamaghym auyrynqyrap jýr edi”, dep aldy da, dombyra¬ny qúiqyljyta tartyp “Nazqonyr”, “Jiyr¬ma bes” degen әnderdi shyrqady. Ánderding atta¬ry tanys bolghanymen, әuenderin ómiri estime¬gen ekenmin, olar aghamyzdyng óz әkesi Múha¬med¬jan Ótelbaevtyng әnderi eken. Sodan keyin Segiz serinin, Birjannyn, Estaydyn, Ýkili Ybyray¬dyn, Aqannyng әnderi biri¬nen song biri tógildi deysin. Almatydaghy sýiikti әnshile¬rimiz – Jýsipbek, Gharifolla, Manarbek, Núghyman¬dy talay estip jýrmiz ghoy, olardy sahnadan, al Bayghonysty dәl janynda otyryp tynda¬ghan¬¬dyqtan ba, sol kýngi ózimizding ýidegi әn keshinen alghan әserim, elu jylday uaqyt ótse de, dәl býgingidey kóz aldymda. Sol kýni qonaqtar ýide qonyp, týnning bir uaghyna deyin Bayghonys agha salghan әnder janymyzdy terbedi...
Bayghonys Múhamedjanúly 1914 jyly Qostanay oblysy, Amangeldi audany, Qayghy degen jerde dýniyege keledi. Ónerli otbasynda tughan Bәkeng dombyrany bala kezinen ústap, jiyn-toylarda әn aitady. 1938 jyly Amangeldi-Torghay audanaralyq kolhoz-sovhoz teatry ashylyp, aqyn Núrhan Ahmetbekov diyrektory, al Bayghonys onyng orynbasary bolyp taghayyndalady. Teatr әrtisteri qyzmetine sol ónirding bes¬aspap ónerpazdary Ahmethan Ábiqaev, Qazybek Ábenov, Hamidolla Nәshke¬nov, Nazarhan Jekejanova, Ásima Zeynul¬lina, Maghiya Júmabaeva, Kenjeghaly Júma¬baev, Qútjan Qanjyghaliyn, t.b. әnshi-kýishiler qabyldanghan edi. 1942 jyly Bәkeng әsker qataryna alynyp, soghysqa da qatysty, maydanda eki ret auyr jaralanyp 1944 jyly mýgedek bolyp elge oraldy. Sol jyly Qostanay oblystyq filarmoniyasyna әnshilik qyzmetke alyndy. 1947 jyly sol filarmoniyanyng diyrektory boldy.
Belgili jurnalist, Qazaq KSR-ine enbek sinirgen mәdeniyet qyzmetkeri Tóleubay Ydyrysov “Án qúdireti” degen ocherkin әnshi Bayghonysqa arnapty.
“1937 jyl. Avgust aiy. Aq qardan kórpe jamylyp, kók múzdan jastyq jastanghan aq basty Alataudyng eteginde alma baghyna oranghan astana. Mynau Almatynyng kórki – Opera jәne balet teatry.  Teatr ishi lyq toly adam. Álsin-әlsin qol soghylyp, sәuletti sahnadaghy әnshige qúrmet kórsetedi halayyq. “Ánshi dep mine osyny ait!”, “Tughan eken bir daryn!”, “Ardager Amangeldining auylynan deydi ghoy”, “Shirkin, әnning qúdireti-ay” –  kórushilerding sózi osy boldy. Al sahnadaghy at jaqty, qyr múryndy, qaratory balang jigit “Syrymbet” әnin asqaqtata, aryndata oryndap, júrttyng qúlaq qúryshyn qandyrdy.
Búl respublikalyq olimpiadagha qatysqan auyl әnshisi Bayghonys Múhamedjanov edi. Sol joly ol kórkemónerpazdar jarysynda Qazaqstan boyynsha ýshinshi oryn aldy. Onyng danqy endi oblys kólemine jayyldy. Kóp úzamay Bayghonys audanaralyq kolhoz-sovhoz teatryna alyndy. 
...Birde Amangeldi auylyna osy filarmo¬niyanyng artisteri kele qaldy. Ishinde ózimizding Bayghonys ta bar eken. Júrt tayly-tayaghy qalmay klubqa jinaldy. Mine sahnagha aty әigili әnshimiz de shyqty. Ol jauynger-kompozitor Ramazan Elebaevtyng “Jas qazaq” әnin sazyna keltire oryndady. Bayghonys búdan keyin “Mayra”, “Nazqonyr”, “Aqboz at” siyaqty halyq әnderin shyrqady. Júrt qol shapalaqtap, jer tepkilep otyryp aldy. Endi әnshi Manarbek Erjanovtyng “Parovoz” әnin әueletip әketti. Qonyr ýndi, qaz dauysty Bayghonysty jerlesteri qatty saghynyp qalghan eken, qayta-qayta qol soghyp kópke deyin sahnadan jibermey qoydy...”
1949 jyly Bәkeng densaulyghyna bayla¬nysty әnshilikti qoyyp, elge oralady. Auylda enbekke aralasyp, auyldyq kenes tóraghasy, bólimshe basqarushysy, kenshar diyrektorynyng orynbasary, t.b. qyzmetterdi oidaghyday atqaryp, qúrmetti zeynet demalysyna shyqty. Men ol kisini songhy ret Amangeldi audanynda ótken halyq aqyny Sәt Esenbaevtyng 100 jyldyq mereytoyynda kórdim, әngimesin tyndadym. Bayghonys Múhamedjanov 1994 jyly 80 jasynda tughan jerinde dýnie saldy. Onyng úldary úyada, qyzdary qiyada. Bәkenning ýlken balasy Oral Mýúhamedjanov býginde Parlament Mәjilisining Tóraghasy. Lirikalyq bariton dauysy bar. Ýlken әnshi.
Bәkenning әn repertuary mol bolatyn. Ol el arasynda siyrek oryndalatyn halyq әnderin kóp biletin. 1971 jyly Torghay oblystyq radiosynyng sol kezdegi bas redaktory, býgingi jazushy-ghalym Qoyshyghara Salgharin Bayghonystyng eline baryp birneshe әnderin ýntaspagha jazdyryp alyp keldi. Men radionyng kórkemdik kenesining mýshesi edim. Ánderdi tyndap qabyldap aldyq. Ánderding ishinde Múhamedjannyng bizge asa tanys emes “Jiyrma bes”, “Bayjan qyz”, “Múhamedjan¬nyng hiylәui”, “Nazqonyr”, sonday aq halyq әni “Aqboz at”, Múhittyng “Dýniya”, Estaydyng “Jayqonyr”, Segiz serining “Súrjekey” t.b. әnder boldy. Ánderding oryndalu sheberligine bәrimiz de tanday qaghyp, basymyzdy shayqadyq. Obkomnyng sol kezdegi hatshysy Ózbekәli Jәnibekovting úsynuymen Bayghonys¬tyng oryndauyndaghy “Múhamedjannyng hiylәuin”, “Sherter” ansam¬blining әnshileri konsertterde oryndap jýrdi. Tyndaushy jaqsy qabyldaytyn edi.

<!--pagebreak-->
1973 jyly qolyma muzykatanushy-әnshi Taligha Bekhojinanyng “Qazaqtyng 200 әni” degen jinaghy týsken-di. Jinaqqa Bayghonys aghanyng bergen әnderi engizilipti. Onyng ishinde әkesi Múhamedjannyng “Jiyrma bes”, “Bәtjan qyz”, “Nazqonyr”, “Hiylәu” әnderi, kishi arghynnyng Sýgir degen ruynan shyqqan halyq kompozitory Núryshtyng Oreke degen jigitpen birge Kókshetau týrmesinde otyrghan kezinde shygharghan “Oreke-Núrysh” jәne “Áridau” әnderi, halyq әni “Qaratorghay”, sonday aq belgili aqyn-kompozitor Shóje Qarjaubay¬úlynyng “Haudyr”, “Gәkku” degen eki әni, barlyghy on әn bar.
Bayghonys әnshi oryndaghan “Qaratorghay” әnining bir shumaghy “Ertisting ar jaghynda bir tereng say” dep bastalatyn Aqan serining “Qara¬tor¬ghayyna” úqsas bolghanymen (búl nús¬qada “Ertistin” degen sózding ornyna “Esildin” delingen. Q.M.) әnning әueni “Qús bolsang jibek¬ten bau taghar edim” dep bastalatyn “Syrdyng Qaratorghayy” degen ataugha ie bolghan nemese keyinirek Ýkili Ybyraydiki delinip jýrgen әnge yrghaghy da, әueni de úqsanqyraydy. Al әnning bizge búryn belgisiz bolyp kelgen әsem núsqasyn, jogharyda aitqanymyzday, etnograf T.Bekhojinagha әnshi Bayghonys Múhamedjanov beripti. Bayghonys kóptegen әnderdi aqyn-әnshi, әkesi Múhamedjannan ýi¬rengen jәne ol әnderding qú¬rylysy kýrdeli, olardy óz den¬geyin¬de oryndau kez kelgen әnshining qolynan kele ber¬meydi eken. “Qaratorghaydyng Bayghonys әnshi aitqan týri basqa núsqalaryna qaraghanda asa kýrdeli, sekirtpeli, iyirimderi kóp bolghany¬men barlyghy da oryndy qoldanylghan. Ánning aumaghy da ken. Ol zandy týrde damy kele, birte-birte shyrqau biyikke kóteriledi. Sodan óz ornymen tómendep qústyng sayraghanynday әdemi әuenge salyp, ol әuen qaytalanyp baryp, әn әsem ayaqtalady.
“Halyq sazgerleri, әnderding mazmúnyn terendetumen qatar yrghaqtyq qúrylysyn keneytip kýrdeli týrge ainaldyrdy. Ol tuyndylar әnshi sheberligining ghana aighaghy emes, olar sol әn shyqqan ólkening jalpy әnshilik óneri dengeyinen habar beredi”, deydi T.Bekhojina. Búl sózder Bayghonys әnshining ghajayyp ónerine berilgen әdil bagha desek qatelese qoymaspyz.
Al Óteuli aqyn Qyz Qaghazben sóz qaghystyrghanda Qyz Qaghazdyn:
... Ey jigit әsem-әsem sóz sóileysin,
Jylqy mal sizding jaqta bar bola ma? –
degen súraghyna Óteuli:
... Súrasang Taz, Taghyshy elimizdi,
Qaghushy ed atpen tartyp jelimizdi, – degen jauabynda Taz, Taghyshy eki eldi qatar ataytyn sebebi, olar atam zamannan kórshi elder. Ekeuinen de belgili, iri-iri túlghalar shyqqan. Jinaqtaghy “Jiyrma bes” degen әnning shyghu tarihy mynaday. Taz degen rudan shyqqan Bayjan aqyn men Qoden degen kisi jolaushylap jýrip qonalqygha bir ýige kelip týsedi. Ol ýiding er adamdary qala shyghyp ketse kerek, ýide jas kelinshek pen bir qyz otyrady. Qoden alpys jasta, Bayjannyng jetpis besten asqan kezi eken. Ýy onasha qalghanda Qoden qaljyndap:
Bayjeke, myrza kónil boldy qalay,
Baqshany aralaushy eng talay-talay
Qondyrsam osynau túrghan qyzyl gýlge
Etuge eptep sayran jayyng qalay? –  degende, Bayjan:
Búl kýnde jetpis beske keldi jasym,
Jasymda qabyl edi iltifatym.
Keshegi jiyrma besting tenteginde,
Sayrattyq talay baqtyng sandughashyn, – dep, jauap bergen. “Jiyrma bestin” әnin Múhamedjan Ótelbayúly shygharypty. (T.Bekhojina “Qazaqtyng 200 әni”).
Jalpy, Múhamedjan әnderi nәzik lirikagha beyim bolghanymen óte sauatty әnshiler bolmasa jalpylama aita beruge baghyna qoymaytyn kýrdeli tuyndylar. Kóptegen әnshilerding tisi bata qoymaytyny da sondyqtan bolar.
Shoqannyng dosy G.Potaniyn: “Án aspannan qalyqtap úshyp jer betine jaqyn keledi. Ony bayqaghan halyq әndi ústap qalghan, al әn joghary qalyqtaghan jerding adamdary eshnәrse ýirene almaghan. Qúdaydyng qúdiretimen kelgen әn qazaq jerining ýstimen óte tómen úshyp, ony estigen qazaq halqy әndi jaqsy aitatyn bolghan”, degen anyz әngimeni Shoqan Uәliy¬hanovtan estip edim, shynynda da qazaqtardyng dausy taza, ýni kýshti, estui tamasha” dep jazypty. (A.Júbanov, “Zamana búlbúldary”).
Osyghan úqsas bir әngimeni  erterekte Eskerov Tóleu degen tuysqan aghamyzdan estigenmin. Onyng mazmúny Torghay ónirindegi rulargha baylanysty. “Búlt bolyp úshqan әn-men kýi, jyr qaraman, tólek, taz, sýgir sekildi rular túratyn auyldardyng ýstine jaqyndap kelip, qalyqtap túrghan eken. Al, keybir ruly elderding ýstinen toqtamastan óte shyghypty. Taghyshylar túratyn Qayghy auylyna әn men kýidin, jyrdyng búlty kelip qonghan eken” dep edi ol. Sol aghamyz aitqanday, jogharyda atalghan Janaq, Óteuli, Múhamedjan, Bayghonys syndy aqyn, jyrshy, әnshiler bir ghana әuletting ókilderi. Ol elden XIX ghasyrda Tyshqan degen batyr, kezinde Qayghyda meshit salyp, islam dinin nasihattaghan Múrtaza haziret, Amangeldi, Torghay audandarynda últ aspaptar orkestrin úiymdastyryp, oblysqa, respublikagha aty taraghan kýishi-dombyrashy Seyit Tympiyev, rejisser Meyramhan Qapyshev syndy adamdar shyqqan.
Qayghy auylyn kóptegen ghalymdar, jazushy-aqyndar ataqty Asan Qayghynyng atymen baylanystyrady. Auyldyng janynda “Qayghy” degen shaghyn kól bar. Odan әri “Kýiik” degen suly qopa da bar (1916 jyly Amangeldi Imanov sarbazdarynyng patsha әskerimen bolghan ataqty “Kýiik soghysy” ótken jer). Asan Qayghynyng bir balasy ólip, Asannyng kóz jasynan “Qayghy” kóli, al ekinshi balasy ólgende “Kýiik” qopasy payda bolypty, deydi el ishinde. Al Asan esimine “Qayghy” sózining qosyluy jәne kólding de “Qayghy” ataluy osy sebepti degen әngimeler de bar. Osynday anyzdardyng izimen aqyndar Ghafu Qayyrbekov jәne Fariza Ongharsynova ólen-jyrlar jazghan.
Orys jazushysy Dmitriy Livovich Ivanov (1846-1924) ótken ghasyrdyng bas ke¬zin¬de “Qazaq dalasyna sayahat” degen ocherk¬ter jinaghyn jariyalaydy. Kitapta atalghan “Tatyr”, “Qaratal”, “Qarasu”, t.b. jerler osy kýngi Qostanay oblysynyng ontýstigindegi әngimemizge arqau bolyp otyrghan “Qayghy”, “Kýiik”, Qyzbelge jaqyn bas-ayaghy 40-50 shaqyrymday. Mysaly, Ótelbaev Múhamedjan Qayghyda túrghanymen Kýiik pen Qyzbelden shóp shauyp, keshkilik auylgha qaytyp kele jatyp dombyragha qosyp әn aitady eken. Ol kisining dauysynyng kýshtiligi sonday, joldaghy auyl adamdary demderin ishine tartyp әnshini tyndaytynyn bala kezimizde estiytinbiz. “Kýiik” pen “Qyzbeldin” (Sәbit Múqanov¬tyng “Móldir mahabbat” romanyndaghy Bәtes pen Býrkitting tughan auyly) arasy 6-7 shaqyrym jer.
D.Ivanov “Qarasudaghy týn” degen ocherkinde jazushynyng jolbasshysy bolghan Núrghoja degen daryndy qazaqtyng óte әngimeshil, ózi әnshi әri kýishi, tipti týn qaranghysynda júldyzdar baghytymen baratyn auylyna jolsyz jete beretinin, qara qobyzda qúiqyljyghan kýiler tartyp, asqaq әnderdi aghytatynyn tamsana jazghan. Avtordyng “Beyit basynda” degen ocherki turaly K.Sh.Kereeva-Kanafiyeva “Russko-kazahskie liyteraturnye otnosheniya” degen kitabynda bylay dep jazady: “Ocherk “Na kladbiyshe” posvyashen opisanii obshiyr¬nogo kazahskogo roda “takchje” (“taghyshy” – Q.M.). Kogda to etot rod byl bogatyi, zatem obnishal, mnogie iz nih vymerli. Potomu chto sosedy byly nespokoynye, chasto voevali. A tut eshe djuty podoshli: skoliko u nih v te gody skota propalo! – govoriti Nurgoja”.
Óteuli aqynnyng ata-babasy, әulet-úrpaghy tuyp ósken qonysy búryn “Asan Qayghy”, al keyin tek “Qayghy” dep atalatyny oqyrmangha belgili. Ghalym-jazushy Aqseleu Seydimbekov bylay deydi: “...Aty anyzgha ainalghan Asan Sәbiytúly XIV ghasyrdyng 60-70-jyldary Edil boyynda dýniyege kelgen... Sodan kýnderding bir kýninde Ormanbet han ólip, qazaq-noghay airylysqan alasapyran zaman bolady. Sol alasapyranda Asan býkil әuletimen Úlytaugha kóship keledi.
Múnan keyin ol, jelmayasyna minip, qara qobyzyn bókterip әlemdi sharlap, halyqqa jayly qonys izdeydi. Bolghan jerining bәrine bagha berip, boljau aitady. Elding mún-sherin qobyzyna qosady. Sodan bastap ol Asan Qayghy atanady. Onyng “Zar”, “Jelmaya” kýileri bolypty.
Sóitip jýrip birde Tana, Tanay degen egiz qyzgha kezdesip, onyng Tanasyna ýilenedi. Qazirgi Qostanay degen jer osy Tana men Tanaygha Asannyng úshyrasqan jeri edi deydi. Tanadan Asanqayghy Abat degen úl kóredi. Ol elge qadirli bolyp, er jetken shaghynda jau qolynan qaza tabady. Osydan keyin Asan Qayghy da dýnie salyp, Úlytaudyng basyna jerlenedi. Qazir Úlytau batysynda Torghay jerindegi qos ózenning biri – Ýlken Qayghy, ekinshisi Kishi Qayghy dep atalady. Alghashqysy Asannyng qúrmetine, ekinshisi Abattyng qúr¬metine atalghan deydi”. (A.Seydimbek “Qazaq¬tyng kýy óneri”, Astana, “Kýltegin”, 2002.).
Al jazushy-etnograf Seyit Kenjeah¬metov Torghay ózenin Asan Qayghy kórip “Qa¬ra suy bal tatyghan, aq shabaghy may tatyghan” jer eken dese, “Terisaqqan” ózenin “Sary¬arqanyng túzdyghy eken” depti. Nauyrzym audanynda “Qayghy” degen jer Asan qayghy esimine qoyylghan atau. “Qyzbel” tauynyng “Aq Otau” degen jerinde Asan esimine bay¬lanysty anyz bar, dep jazady. (S.Kenje¬ahmetov, “Ata Múra” 1990 j.).
Al kelesi әngimening avtory kompozitor Baqytjan Bayqadamovtyng tughan apasy, jazushy Danabiyke Bayqadamova. Qayghy degen jerge kelgende Danash әkesinen: “Qayghy degen qarasudyng aty jaman eken, balalary sol sugha ketken analardyng atandyrghany shyghar?” dep súraghan. Sonda әkesi: “Mana Kýiikten ótip Nauyrzymgha jetip qaldyq. Osy atalghan jer attaryna zer sala qarap otyr. Qayghy Qarasuy búryn “Asan Qayghy Qarasuy” delinetin. Qazir Qayghysy ghana qaldy. Qarasugha bala ketip atanghan joq, jaudan aulaq bolatyn qonys izdegen el danasy Asan jelmayamen jýrip osy Qarasudyng basyna týnedi degen әngime bar. Asan qazaqqa sanaly, kóregen adam bolghan. Odan el biylegen handar da aqyl súraghan. Qayghydaghy auyldyng “Asan keldi, Abat jer¬lendi” degen sózderi qúlaqqa әbden singen”, – depti Bayqadam Qaraldyúly. (D.Bayqadamova “Anyzdyng aighaghy bar”, “Leninshil jas” gazeti, 16.08.84.).
Qayghyda meshit ústaghan Múrtaza haziret¬ting balasy Sәtmaghambet Múrtazin elde mú¬gha¬lim bolyp jýrgende 1937 jyly jazyqsyz qudalaugha úshyrap, Omby jaghyna auyp, jiyrma jyldan keyin elge qayta oralady.  Sol kisining “Tughan jer” atty ólenin Qayghyda tuyp ósken, keyin Aman¬geldi, Jangeldin audandarynda jauapty qyzmetter atqarghan Temirjan Ábeuov degen azamattyng aituynan jazyp alghan edik. Sәtmaghambetting sol ólenderinen ýzindi keltireyik:
Tughan jer shóbing altyn, jering janat,
Nauqasqa suyng shipa, dertti jazat.
Kýiikting zu-zu etken qamystary
Syrtyldap dybys bergen beyne saghat.
Bozqasqa, Qyzbel myna eki qabaq,
Arasy Qayghy-Kýiik tarau alap.
Bas iyer kýndik jerden shattyq jýzben
Kýbirlep esendesip eki manat.
Bozqasqa bozbalasha kýlimdese
Qyzbeling sylanbay ma shashyn tarap
Bes asha, jalghyz tóbe Qyzemshekten
Qyzbeldi qashatynday túrghan qamap...
Jogharyda keltirilgen ghalym-jazushy¬lar¬dyn, aqsaqaldardyng әngimeleri “Qayghy auy¬ly” degen ataudyng Asan qayghy babamyz¬dyng esimine baylanysty ekenin rastay týsedi. Endeshe, anyzdaghy әn-kýy búltynyng Asan Qayghy auylynda túratyn taghyshy ruyna kelip qonuyna kiyeli Asan atamyzdyng da sýbeli ýlesi bar sekildi bolady da túrady.

Qayyrjan MAQANOV, óner zertteushisi, sazger. Astana.
«Egemen Qazaqstan» gazeti 24 mausym 2009 jyl