Ukraina Preziydenti Vladimir Zelenskiy músylmandar ýshin qasterli meyram bolyp sanalatyn Qúrban ait pen Oraza aitqa memlekettik mәrtebe beruge niyetti ekenin bildirdi. 

Keshe, 18 mamyrda Zelenskiy Qyrym tatar halqynyng ókilderimen kezdesip, genosid qúrbandaryn eske alu kýnine oray kónil aitty. Sonymen qatar, ol preziydent kensesining janynan qyrym tatarlarynyng mәselesimen shúghyldanatyn júmys tobyn qúru turaly da bastama kóterdi.

- Biz Qyrymnyng Ukrainagha qaytyp oralatyn kýni sózsiz tuady dep senemiz. Qyrym tatarlary men ukraindar bir ýstelge jinalyp: «Siz ben bizding azattyghymyz ýshin!» - dep tilek aitatyn kýnge jetemiz,- dedi Ukraina preziydenti Qyrym-tatar genosiydining qúrbandaryn eske alu kýnine oray sóilegen sózinde.

Al, mamyrdyng 17-18 qaraghan týni, Preziydent Ákimshiligining ghimaratyna ukrain jәne qyrym tatar halyqtarynyng yntymaghyn bildiretin jaryq proeksiyasy ornalastyrylghan.

https://www.facebook.com/president.gov.ua/posts/2000090006802523

Ayta keteyik, Resey 2014 jyly Ukraina qúramyndaghy Qyrym týbegin anneksiyalady. Sol jyly sәuirde Ukrainanyng Donesk jәne Lugansk oblystarynda reseyshil separatister men Ukraina әskeri arasynda qaruly qaqtyghys bastaldy. Býginge deyin atalghan qaqtyghystan 13 mynnan astam adam qaza tapqan.

Al, Batys elderi Reseyding Ukrainagha qatysty әreketin aiyptaghan bolatyn.

Qazaqstan búl mәselede beytarap ústanym bildirgen. Alayda,2019 jyldyng jeltoqsan aiynda Qazaqstan preziydenti Qasym-Jomart «Nemis tolqynyna» bergen súhbatynda : «Qyrymda bolghan jaghdaydy anneksiya dep atamaymyz. Anneksiya - tym auyr sóz. Biz Resey Federasiyasymen senimdi, tatu qarym-qatynastamyz. Minsk kelissózderi Núrsúltan Nazarbaevtyng bastamasy boyynsha jýzege asqanyn eske salghym keledi. Býgingi tanda Minsk kelisimderi, Ukrainadaghy qaqtyghystyng retteluine kómektesetin jalghyz zandy qújat bolyp tabylady», – dedi.

Toqaevtyng búl sózine Ukraina Syrtqy ister ministrligi alandaushylyq bildirip, Qazaqstangha demarsh joldaghan.

Zelenskiyding búl jolghy sheshiminen keyin jelide sarapshylar pikir jazypty. «Ukrainanyng Oraza men Qúrban aitty memlekettik merekeler kýntizbesine qosuy - Qyrym tatarlaryna jasalghan iltipat. Qazaqstan biyligi de Qyrymgha qatysty pozisiyasyn naqtylauy kerek», - deydi sarapshylar.

Abai.kz