(әngime)

Rojdestvonyng ýshinshi kýni, keshte, poshta kontorynyn  boydaq  jurnaliysi  Rakitinning ýiinde birneshe adam qonaqqa jinaldy. Búl oqigha ýsh myng evrey  men sharua – mazurlar qonys tepken, shalghaydaghy, óte las, adamnyng ishin pystyratyn, shekaralyq shaghyn Krasilov degen jerde bolatyn, túrghyndar  arasynda ózderin «qauym» sanaytyn, top shoghyr ózgelerden oqshaulanyp  kózge týsetin. Poshta sheneunikteri, tauarlardy shekaradan «ótkizu punkti»  arqyly rúqsat beretin adamdar, jergilikti polisiya, din iyesi men múghalim, onyng kómekshisimen birge osy «qauymgha» kiretin.    

Jәy kýnderi artyq shyghyndalmas ýshin birimen biri siyrek qatynasatyn  olar  Rojdestvo men Pasha meyramynyng kýnderi  mindetti týrde birine  biri  kirip shyghatyn, qonaqqa shaqyratyn, kezekpen  sauyq-sayran «duman» qúryp, tang atqansha garmon, skripka oinap, әn salyp, by biyleytin, osy jerdin  adamdary kartoptan qaynatatyn iyisi jaman araqty iship, ózderi әzirlegen  aspen kýtetin.  

Rakitinning eki bólmeli pәterining úiyqtaytyn bólmesine qaraghanda  darday  atyna  say  kelmeytin  qonaq  qabyldaytyn  bólmesinde ýstel jayyldy.  Birinshi oryndyqta  týri bozaryp, sugha ketkendey saly synyp, solghyn, enjar, semiz,  «shtos» pen  «diyabelka»  karta oinynan basqany moyyndamaytyn,  poshta kontorynyn  bastyghy  Shmidt otyrdy.  Onyn  eki  jaghynda  qarama  qarsy:  Diyakon  Vasiliy  әkey men  jigerli  qara tory,  qoshqyl  sary jýzdi,  jymysqy  kóz, osy ýiding qojasy jayghasty. Qalghan oryndarda jergilikti pristav kómekshisi, búrynghy kazak ofiyseri, qaljynbas,  shataqqúmar, әndetkendi jaqsy kóretin  Pavlov otyrdy, oghan  qarsy týksiygen erkek, sopygha  úqsas,  qara shashy  jalbyraghan,  ózin  «aqyryn mastyq  uaghyzdaushysy» sanaytyn múghalim Musorin jayghasty.  Aqyry ýstel ayaghynda  Aggey Fomich  Malygiyn  jayghasty, ol da  poshta sheneunigi,  jasqanshaq, momyn  adam, ol ylghi  ýstelding shetinde  otyrady.

Aggey Fomich, jalpy aitqanda,  mýmkin bolghan kezde qonaqqa barmaugha tyrysatyn, óitkeni  artynan  olardy ýiine  qonaqqa shaqyrudan qashatyn.  Aggey Fomich  poshta  kontoryndaghy  eng bir  sorly  sheneunik,  onyng jiyrma eki somdyq  ailyq  jalaqysy   әielin,   qolynda baghyp  otyrghan   qart enesin,  bes balasyn  asyraugha jetpeytin. Múndayda  onyn  qalauynsyz ótken әrbir  «dumannan» son  onyng ýy –ishi auyr shyghyndargha  úshyrap, qarajatty   ýnemdeuge tura keletin.  Onyng otbasy kópke deyin,  biraz uaqyt sorpalyq et satyp alugha múrshalary  jetpey,  tәnertengi   shәidan,   otyndyq  aghashtan  bas tartatyn.  Anda - sanda  joghary jaqtan  poshta  kontoryn  tekseruge keletin basshylyq Aggey Fomichting ýstindegi tigisi  sógilgen,  shyntaqtary men  moyyn jaghasy  jamalghan, әbden kógerip, tozyghy bitken eski mundiyrine qarap jaqtyrmaytyn. Ýstindegi  kiyiminin  tozyghyna  Aggey Fomich  úyalmaytyn, qayta jogharydan kelgender  Aggey Fomichting qushighan denesine, sekpil  japqan betine,  shúqshighan siyrek múrtyna, agharghan saqalyna, ezuindegi kezergen erinderining jymysqy  kýlkisine,  ayanyshty aqshyl kózderine  qarap  oghan jandary  ashityn.

   Aggey Fomich  búl  joly  qonaqqa  amalsyzdan,   ózine kerek  bolghasyn keldi. Ýnemi   tisi  qaqsap,  bet auzyn  baylap,   aurudan  kóz  ashpaytyn әieli  birer  kýnnen song bosanuy kerek edi;  búdan  basqa   ýlken  úlynyn  etigining tabany  qaqyrap,   ayaq - kiyimsiz  jýr edi;  oghan etik satyp alugha  aqsha kerek edi, onyn  ýiinde bir tiyn joq bolatyn. Jaghdayy  qiyn  bolghany  sonday  Aggey  Fomich úyatty qoyyp, osy  keshte  Rakitin ýiindegi qonaqtyqta  kimnen bolsa da,  kim qansha  berse de qaryz  aqsha  súrap alugha  ózin kóndirdi.  Ýstel basynda  otyrghanda  úyalyp,  súraugha  jýreksinip,  әrli - berli qolyn uqalap,  aqsha súraytyn  ynghayly  sәtti  kýtti.  Ol ýiding qojasy   úsynghan   dәmnen  qymsyna   qyzaryp   bas tartyp otyrdy.

Qonaqtar iship - jep, araqtan alyp otyrdy. Qonaqtardyng әngimeleri kelgen boydan jergilikti  pomeshiyk, okrug poshta bastyghy, jergilikti  arhiyreyler men  biylghy jyl egini  tónireginde  boldy, búl  әngimeler  olardy  jalyqtyrsa da,  ózderinin  arasynda kýnde aitylatyn  birsaryndaghy  әngimeler edi,  olar búdan keyin qasynda otyrghan adamnyn  qanday anekdot  aitatynyn da  biletin.  Aggey Fomichtin  ýsh -tórt ret aqsha   súraugha  sәti týsip,  әngime  barysynda  pristav kómekshisine,  qasynda otyrghan  múghalimge  enkeyip,   bayqatpay   súraytyn   mýmkindigi boldy,  olargha búrylyp, jeninen  tartyp, aqsha  súraugha da iyildi.  Biraq әr joly sasqalaqtap, qorqyp toqtady. Olardyng әngimeleri  birtindep ómirding qiynshylyghy,  qymbatshylyghy  turaly,  adamdar  qyzmetinde  nege óspeytini,  nege  kishkentay sheneunik bolyp  qala beretinine auysa berdi.  Búl әngimeler olargha  jaqyn edi,  әrkim  ózderining   pikirin  aityp, sonynda:  «ne aitsaqta eng bastysy -  aqsha:  ol ýshin  aqyldy da, súluda, enbekqor da bolyp kerek  joq, –  altyn búzau  aldynda  bәri de bas  iyedi emes pe», -  dep әngimelerin  bitiretin.

-Men  bir joly bayyp  kete  jazdadym, -  dep bastady  әngimesin Shmidt kekirip jótelip, -  Búl Golovchindegi  pomeshik Porchinskiydin  toyynda  boldy. Toyda  jiyrma polyak pany  jinaldy, keshki  astan song birden  shtosqa otyrdy.  Qazir esimde joq, qaltamda jiyrma, ne otyz bes rubli  bolatyn.  Olar bir myng rubliden salyp oinap jatqanda aralarynda bos oryn bolmaytyn,  jandarynda  qarap túrdym.  Bir mezgilde  úzyn  múrtty  pomeshiyk,  jerde tigilgen  aqshagha jauapty adam maghan búrylyp:  «Siz nege oinamay túrsyz?»  demey me,  men oinaugha  osynsha  aqsham  joq dep  týsindirdim. «Týk etpeydi,  aqshanyzdy  salynyz»,  - deydi  maghan  qarap.  Solay  men  on rublimdi  saldym,  – birden  útylyp  qaldym,  qaltamdaghy  úsaq týiekti  jinap,  taghy on rubli saldym,  – taghy  útylyp qaldym.  Sonda  meni  ashu qalay qysty desenshi?!  Kýmis  ekaterin rublim bar edi, eskertkish  retinde   qaltama  salyp  jýretinmin.  Oilanyp,  oilanyp, aqyrynda  sony saldym.  Qolym  shygha  bastady,  jerden  bir aldym,  sodan son  taghy  aldym, taghy bir ret, taghy....   Bes minut  ishinde  jerde  jatqan  bankti  sypyryp  aldym.  Jerdegi  bankti  jinaushy  maghan:  «Endi  siz,   kepil  etiniz,  salynyz» demey me.  Men, әriyne, dir ete qaldym. Týsinesinder ghoy, ýlken kartamen bireu  basyp alsa, otyryp qalamyn emes pe.  Qarasam  jerde  on bes myn  rublige deyin  jinalyp qalypty.  Túryp ketsem be eken  degen oida  keldi, birjaghynan  jatqan aqshany qimaymyn. Sol sәtte ýstel janyna ýilenip  jatqan  Porchinskiy ózi  keldi.  «Mahabatta  jolynyz bolsa  bolar, biraq  kartada   sizdin  jolynyz bola qoymas,  kәnekiy,  maghan bershi, men tigeyin» demey me . Men kartany aralastyra berip: «Men ózim salamyn» deymin. Ol: «Siz be? Óte jaqsy. Onda men  «va –bankqa  baramyn»  deydi.  Júrt ang - tan.  Ne isteyin,  kartany  aralastyra  bastadym,  ol kartasyn kótergisi de  kelmeydi,  beti  býlk etpeydi, túrghan bir  súrqiya. Sonymen ne kerek,  ekinshi  kartada  jerde jatqan  aqshany  sypyryp, qaltasyna  salyp kete bardy. «Men  kartamdy  qaramaymyn da deydi».  Otyrghandar  Shmidtting әngimesin kózderi jaynap, on bes myng rublidi ózderi kórgendey, aqsha syldyryn   qúlaqtarymen  estigendey tyndady.

-Biyletterden  útys alyp   joly  bolatyndar da  bolady,  – deydi auyr kýrsingen  Diyakon  әkey   (otyrghandar diyakon әkeyde  ishki zaim biyletteri baryn biletin). –  Juyqta  men  bir ósim alushy  eki jýz myng rubli  qaghyp aldy degendi oqydym. Jarymaghan  kedey  útyp  alsa  bir jón,  al ósimshining   aqshasy  onsyzda   jetpey me?  Qúday  aldynda  tәubashylyq  eteyik.

-Áriyne,   múnday   bolady,  – deydi  juan dauysymen,  oilanyp otyrghan  múghalim.  Al  bireuler  biyletten  bir ret  útyp alsa,  artynan da útyp ala beredi  eken.   Búl ras pa,  әlde ótirik  pe ? Ony kim bilsin!       

-IYә,  solay,  – dep  bastaghan  pristav kómekshisi, -  biraq  búnyng rastyghyn  bilmeymin,  bizde   Z. – da  bir  kóshirmeshimen   mynanday oqigha boldy. Álgi   kóshirmeshi  guberniyalyq  basqarmada  júmys  isteytin,   basqarmada jýrip  kóp  biylet jinapty,  bir kýni basqarmagha kelse, ýstel basshysy: «Sergey Nikolaevich, sizding biyletinizding   nómeri qanday?» - dep  súraydy. 

- «Qazir  qanday  ekeni  esimde joq,  bir myng jýz jiyrma ýsh delik» - deydi әlgi.  Ýstel  basshysy oghan birden: «Sizdi qúttyqtaymyn, siz elu myng úttynyz» deydi.   Gazetti qarasa  shynynda   bir myng jýz jiyrma ýsh – elu myng útys dep jazylypty.  Kóshirmeshinin  quanyshtan  esi shyghyp kete jazdaydy!  Týski asta  útysyn  shampanmen  juady,  bәri  qúttyqtap,  lebizderin   aitady.  Kelesi  kýni sol gazette bir myng ýsh jýz jiyrma tórtting ornyna bir myng jýz jiyrma ýsh dep qate jazylyp ketipti  degen týzetu basylady.  Kóshirmeshining   qany  kóterilip,   jyndanyp kete jazdady.               

Olar jinalsa  boldy  adamnyng mezin qashyratyn su tamshysynday úqsas,  bir saryndaghy  әngimeler  aitylatyn:  Rotshilid   Parijge  jalang ayaq,  jalang bas kelip,  kóshede sirinke  satyp, artynan  jýz million jyldyq tabysqa kenelgeni, Vanderbilidtting jer astynan  tauyp alghan sheksiz oljalary  turaly,  adam sengisiz  karta útystary, birjalyq tabystar, kýtpegen  jerden tuys bolyp shyghatyn  amerikandyq  millioner  –   naghashylar  turaly  әngimeler  jarysa aitylatyn.          

Aggey Fomich múndayda  әngimelerdi ózi aitpasa da bar yqylas yntasymen tyndaytyn.  Ónsiz  úsqynyna  qaramastan  aitylghan  hikayalardan  son  keremet  qiyalgha  batyp,   kóz  aldyna  oqighany  elestetip,  auzy  qúryp tyndaytyn.  Oida joqta  aspannan  týse  qalghan  baylyqtar, ózderinin  erke  nazdarynan  bas tartpaytyn   millionerler   turaly  hikayalar   Aggey Fomichti  tolghandyrghany   sonshalyq   sol sәtte  әielin  tughyzyp alu  ýshin  akusherge  tóleuge,  úlyna etik  satyp alugha birneshe  rublige  zar bolyp  otyrghanyn   úmytyp  ketti.  

-    Keybireuler   kóshede   kele  jatyp  ta  aqsha  tauyp alady, –  demesi bar ma Aggey Fomich,  -  auzynan qalay  shyghyp  ketkenin ózi  bayqamay.

Otyrghandar  tanyrqap  qarady,  osy keshtin  basynan beri  auyz ashpaghan  Aggey Fomich    úyattan  basy salbyrap, ýstelden  kózin  almady.     

- Kósheden   ghana  emes,  bireudin  qaltasynan da...  tauyp alatyn  shyghar, – dep   pristav kómekshisi  keketken boldy.

Qonaqtar  pristav  kómekshisinin  ashy mysqylyna  emes Aggey Fomichting   abyrjyghan    úsqynyna  qarap,  otyrghandar  biraz kýlip aldy,  sodan  keyin   qonaqtardyng   әrqaysysy  arty  ashylmaghan  aqsha  úrlyqtary  turaly  jalghastyrdy.  Aggey  Fomichtin  kóz aldyna  búl joly da  on myn,  jýz myn  rublider,  asa kóp oramdaghy  ala – qúla  assignasiyalar,  aqshanyng esebin  bilmeytin   siqyrly   baypatshalar  orala  berdi.  Ol  әngimelerdi  gastronom  dýkeninin  terezesi aldynda  auzynan silekeyi  aghyp  qarap  túrghan  ashqaraq  adamday  tyndady. 

Qabyrghada  ilingen  eski  saghattyng   qyryldaghan  dausy saghat birdi soqty. Diyakon әkey  ornynan túryp,  úzyn jenderin  ong qoltyghyna   jinap qoshtasa  bastady,   Aggey Fomichten   basqa  qonaqtarda   túryp  qayta bastady.  

Rakitin qonaqtardy  mayshamdy  qolyna alyp,   esikke  jaryq týsirip, qonaqtaryn shygharyp  salghansha   Aggey Fomich  otyrghan  jerinde  qozghalmay,  ýstel ýstindegi nan  ýgindisin   shúqylap   otyra berdi.  «Qazir Rakitin kelgen boyda  súraymyn,  batyl bolu kerek.  Aqsha  súraghanym  ýshin,   meni  jep qoymas?» dep  ózin  júbatty.

Aqyry  Rakitin de  kirdi,  Aggey Fomichting qonaqtarmen birge nege qaytpaghanyn  týsinbegen ol  onyng qasyna kelip otyrdy. Aggey Fomich birden aqsha súraudyng ornyna  júmysy,  jalaqysy  turaly úzyn  sonar  bos  әngimeden  bastady.   Rakitin bolsa  úiqyly  kózderimen esinep,  әdep saqtap,   tistenip otyrdy. Osylay  jarty saghat ótti,  shydamy tausylghan  Rakitiyn  esinegen   dausyn   qattyraq  shygharyp:   

-Netken opasyzdyq desenizshi! –  Erteng mening kezekshiligim!... dep  atyp túrdy. 

Aggey  Fomichte  ornynan   túryp, keshirim  súrady.  Súrlanghan  boyy    syrtqy esiktin  tútqasyn  ústay berip,  ýreyi   qashyp    Rakitinge búryldy:   

-Mening saghan   kishkentay... ,  yaghni,   búiymtayym bar edi.

-Ol ne? - dep   Rakitinde  alang –júlan  búryldy.

-Týsinesing be,  men seni ... mazalamas edim, ...әielim,  mine,  bosanu kerek edi.... Sen týsinesing   ghoy,   maghan ...  kerek bolyp  túrghany,  men  jiyrma  rublidi ... qaldyrmay   qaytaramyn,    -  on  rubli  degisi  kelip edi, biraq auzynan jiyrma  rubli shyghyp ketkenin angharmady, ózi aitqan  somadan  ózi  shoshyp,  eng bolmasa   bes rubli  berse de,  sonyng ózi de  jaman bolmas edi  degen oida  kelip  ýlgerdi.

-Qúday  aqysy bir tiyn  joq,  –dep,  Rakitiyn  eki qolyn keudesine qoyyp,   nandyryp  baqty, -   Týsinesin  be  ýide bir tiyn joq.

Rakitinning   tym  shyn  aitqanyna  qarap,   Aggey Fomich onyng aqshasy  bolsa da  qaryz  bergisi  kelmeytinin  týsindi.  Keshirim  súraghanday   mingirlep,  Aggey  Fomich syrtqa  shyqty.     

Ay  jaryq,  tynysh,   syqyrlaghan  ayazdy týn bolatyn.  Kóshelerdi  kýrtik   qar  basyp,  alasa  ýi  tóbelerine  aq  jinalyp,  aghashtardy   qyrau basqan  týngi  jym - jyrt edi.  Ayaq  astynda  qar  syqyrlaytyn.  Aggey Fomichke  úzaq  jayau  jýruge tura keldi. Onyn  esinen aqsha  shyqpay qoydy.  Ol tar, suyq  jasyl  tereze  jiyekteri  bitelgen,  ýnemi  joqshylyq pen sәby jayalyghynyn  iyisi  mýnkiytin  baqa ýiine baratynan zәresi qashty. Eger  әieli,   aldynan shyghyp,  qarlyghyp,  aqsha qayda dep súrasa ne deydi?  IYә, araq ishtim, syra ishtim, quyrylghan toray etin  jedim dey me, bala  shaghasynyn  qaryndary  ashyp,  әkeleri  qaytse de  aqsha tauyp  әkeledi  degen  ýmitpen  úiqygha  ketti emes pe?.

-O, Jaratqan,  Qúday! -  dep ishtey  kýiindi Aggey Fomich, -  nege sen  bireulerge  ýiip  tógip  beresin,  baqytty  etesin,  baylyq  beresin?  Sen nege meni  úmyttyn?   Mysaly,   keybireuler ghoy  aqshagha múqtaj  bolmasa da  aqsha tauyp alady.  Men ómirimde   bir joly  bolsa da ...  tym bolmasa on,  joq, jiyrma rubli tauyp  aldym ba?!  Akusherkagha  tóler edim,  Vasutkagha  etik satyp  alar edim,  Lelege  jyly  kishikentay  pәlte....  Qazir  jolda kele jatyp   nege әmiyan  tauyp  almasqa?  Múnday  oqighalar  talay bolady,  jii bolady emes pe?  Búl turaly jazyp,  aityp ta jatady emes pe? 

Aggey  Fomich   ózinen ózi   qúshyrlana  qiyalgha  batyp,   kóshede  kele  jatyp,   ol  jerden  qalyn,  bylghary  әmiyan tauyp  alyp,  әmiyan ishin   ashyp  qarasa  tútas bir  buma  jýzrublidik  aqshalar  salynghanyn,  onyng   ishindegi   útys  biyletterdi  kórip,   onyn  bala  - shaghasy  ken,  jyly,  jaryq  pәterge  kóship,  jana  ýige  jihazdar  kirgizip,  balalaryna  әsem, jyly kóilekter tikkizip   jatqanyn  kóz  aldyna  rahattana elestetti,  kóp aqshagha  ne kerek...  bәrin alugha  bolady emes pe? 

Azdap úrttaghan   araq  rumkasynyng   әseri me , әlde ózine degen  senim be Aggey Fomichting   ishinde   qisynsyz,  adam sengisiz býgin,  dәl qazir,  ol  kósheden  kezdeysoqta   әmiyan  tauyp  alamyn  degen  senim  payda boldy.  Nege býgin,  nege  solay  boluy keregin ózi de týsingen joq, ony  oilaghanda emes.  Ol basyn  kótermesten,  tómen týsirip,  senimdi kýide  ayaq astyna  múqiyat qarap  kele jatty. 

-Qazir..., mine,  qazir....endi...,  – dep sandyraqtap,  – basqalar tauyp   alady,  endi  birneshe  qadam... qazir...qazir....  

Ol  kenet  qardyn  ýstinde  jatqan   shaghyn   tórtbúrysh  nәrseni  kórdi,   búl  onyn  jelikken  qiyalynyn  elesi  emes edi.  Aggey Fomich  quanyshtan   túnshygha  jazdady, ainalasyna  úrlana  qarap, jerde jatqan nәrsege  úmtyldy....

Aggey Fomichtin  qolyna  bylghary  qalyn  әmiyan ilikti.... Áueli  onyng esalang qiyaly  kýtpegen jerden  bola  qalghany  birneshe  sekundtqa   ony esengiretip  jiberdi.   Aggey Fomich  qolynda  kәdimgi  әmiyan  túrghanyna  kózi  jetken song jan úshyra әmiyandy tósine tyghyp, ýiine  qaray  jýgire  jóneldi....

Aggey Fomichke  jarty  shaqyrym  jýgiruge  tura keldi.  Búryn  búlay jyldam jýrmegendikten  keudesinin  asty  shanshyp,  alqymyna qúrghaq,  ashy  qaqyryq  jinalyp,  basy ainala bastady. Biraq ol  toqtamady,  eger  toqtasa,  nemese  sәl  kidirse  bireu quyp jetetindey kórindi,  tapqan  oljasyn  tartyp alatynday boldy. Jýgirip kele jatqanda   bórki basynan  jerge týsip ketti.  Enkeyip  kótergisi kelip  edi, biraq  qolyn dereu  bir siltep, әri qaray  zymyray týsti. Ol quanyshtan: «Áli  myn  bórik satyp alamyn!»  dep  ishinen sybyrlady....           

Esikti  dýrkirete  qaqqan  Aggey Fomichtin  dybysynan  shoshyp oyanghan әieli esikti ashty.  Balalardyn  zәreleri úshyp  úiqydan oyanyp, tósek ýstinen  әkelerine  qarap túrdy.  Qara  terge týsken Aggey Fomich  tentirektep  baryp,  oryndyqqa  jalpiya ketti....

- Anechka!  Balalar! – dep  qarlyghyp,   tauyp  alghan  әmiyady basyna kóterip, silkip túrdy. –  Mynanyn  ishinde.... myna әmiyanda...aqsha... jýz myn..., endi  pәter  jaldaymyz. Anya... shampan әkel...,  tórt jýz myn... týsinesinder me? Urra-a!

..............................................................................................

Aggey Fomichting býgindegi   dәuleti  sonshalyqty,  onyng milliondaryna qaraghanda   Golkonda  men  Kaliforniyanyn  barlyq qazynalary týkte  emes.  Onyng at qorasynda  alpys  myng jylqy, ýsh million  bes jýz myng kýime túr. Ol әlemdegi  barlyq temirjoldyn, tipti jerden  Yupiyterge tartylghan  jana temirjoldyn  da diyrektory. Onyng qoly tym  ashyq,  aqsha  súrap kelgen  kedey -  kepshikke  bir, eki million  aqshany  qolyna ústatyp  jiberedi.  Ol tym  meyirban,  juas, júmsaq adam, ol  bir nәrseni  ghana  kótere almaydy –  ýsh rublider, jýk týbirtegi men gazet habarlandyru qiyndylary tyghylghan bylghary  әmiyan  ishinen  bireu - mireu  birdene alghysy kelse boldy,  Aggey  Fomich әdetten tys jyndanyp  shygha keledi.  Sol kezde qolyna týskendi  qasynda  túrghandargha  laqtyrady. Áyeli men balalary Aggey Fomichti óte jaqsy kóredi,  ony baghyp kýtedi. Ol da  jaqyndaryna solay  qaraydy. 

Eng ayaghynda, biz  biletin, qiyaly naqúrystar deni sau bizden de sheksiz baqytty  shyghar degende oy keledi? 

1895 jyl.         

Audarghan: Salauat Kәrim

Abai.kz