Reseylik әskery dәrigerler Núr-Súltan men Almatydaghy әriptesterine koronaviruspen kýreste kómektesedi. Búl turaly Resey Federasiyasy qorghanys ministrligining habarlady.

Atalghan ministrlikting mәlimetinshe, reseylik mamandar Núr-Súltan men Almatydaghy eki әskery gospitaligha kómek kórsetedi.

- 4 tamyzda reseylik әskery dәrigerler jana әskery koronavirustyq infeksiyamen kýreste qazaqstandyq әskery dәrigerlerge praktikalyq jәne әdistemelik kómek kórsetu ýshin Chkalovskiy aerodromynan (Mәskeu oblysy) Qazaqstan Respublikasyna jiberildi.

Medisinalyq bólimderge әskery anesteziolog-reanimatologtar, júqpaly aurular jónindegi mamandar jәne terapevtter kiredi, olar COVID-19 bar nauqastardy diagnostikalau men emdeude kenester beredi jәne praktikalyq kómek kórsetedi, - delingen ministrlikting habarlamasynda.

Sonday-aq, medisinalyq jabdyqtar men qorghanys qúraldary Qazaqstangha Reseyding әskeriy-kóliktik úshaghymen jetkiziletini habarlanghan.

Kýni keshe QR Densaulyq saqtau ministri Alesey Soy eldegi koronavirus jaghdayy túraqtalyp kele jatqanyn aytqan edi. Ministr elde koronavirus infeksiyasynyng tirkelu jaghdayy 18 payyzgha tómendegenin mәlimdegen. Sonymen qatar ol virustyng reproduktivtik kórsetkishi 24 payyzgha tómendegenin, jazylyp shyqqandar sany 69,4 payyzgha jetkenin aityp «maqtanghan».

Soydyng sózine qaramastan, koronaviruspen kýreste bizge әli de shetelden kómek kerek sekildi. Reseylik dәrigerler búghan deyin de bizding elge kelip «kómek kórsetken» bolatyn. Búryn kelgen reseylik mamandardyng qanday paydasy tiygeni qazirshe belgisiz. Biraq osy joly basqa emes, әskery dәrigerler kele jatyr eken.

Ayta keteyik, shilde aiynyng basynda Qazaqstangha Resey Densaulyq saqtau ministrining orynbasary Oleg Gridnev bastaghan 32 jetekshi maman kelgen. Búl mamandar koronavirus infeksiyasyna qarsy kýresu boyynsha konsulitasiyalyq-әdistemelik kómek kórsetedi delingen. Bizding elde bir aigha juyq bolghan reseylik dәrigerler 3 tamyz kýni «missiyasyn sәtti ayaqtap», elderine qaytqan.

Abai.kz