Qoldaryna «endi qayda oinaymyz?», «mynaday jaghdayda qalay sabaq oqytamyz?», «preziydent bizdi estiydi dep ýmittenemiz» degen jazuy bar plakat ústap shyqqan túrghyndar «qarsymyz!», «Toqaev, bizdi tynda» dep aiqaylady. Birneshe polisiya qyzmetkeri jinalghan túrghyndardy syrttay baqylap túrdy. Keybir túrghyndar balkondaryna « Toqaev, bizdi tynda», «Qúrylysqa qarsymyz» degen jazuy bar plakat ilip qoydy.

«Nomad» kópqabatty ýiining túrghyny Múhtar Týgelov túrghyndardyng bastamashyl toby atynan sóilep, mamyr aiynan beri 700 adam qol jinap, әkimdik pen preziydentke tapsyrghanymen әli kýnge eshkimning nazar audarmaghanyna qynjyldy.

- Ýsh mәrte әkimdikpen kezdestik. Bizge ózara kelisim bolmay, eshqanday qúrylys bolmaytyny aitylghan. Biraq biz jauap ala almaghan manyzdy bir súraq bar. Ol - osy qúrylystyng zandylyghy. Prokuraturagha da, sybaylas jemqorlyqpen kýres agenttigine de, qalalyq sәulet qúrylys basqarmasyna da jazdyq. Ázirge túshymdy jauap joq, - deydi ol.

Jinalghandardyng barlyghy ony qoldap, birneshe túrghyn ýy jinaqtalghan audandaghy №59 mektep manynan qosymsha qúrylys salghanymen onyng әseri joq ekenin, bala sanynyng bar bolghany 3 payyzgha azayghanyn aitty. Aralarynda qúrylys kompaniyasyn qoldaghandar da boldy.

BI Group kompaniyasy qúrylys salatyn alanqaydy qorshap, syrtyna «memlekettik mektep» degen jarnama ilip qoyghan. Biraq túrghyndar oghan senbeytinderin jәne qúrylys kompaniyasy kópqabatty ýimen qosa josparlaghan 900 oryndyq mektep audan problemasyn sheshpeytinin aitty. Túrghyndardyng aituynsha búl jerge 2000-nan kem emes oryndyq mektep qajet

- Biz túrghyn ýy qúrylysyna qarsymyz. Onyng ornyna búl jerge saya baq pen oqushylar sarayyn salsyn. Bizding talabymyz osy. Eger biz búghan deyin jinalyp, qúrylys júmysyna kedergi keltire alsaq endi ony toqtatugha da kýshimiz jetedi, - deydi Oljas Bilәlov.

«Nomad» keshenining túrghyny Anar Bekbauova uchaskelik polisiyanyng ýiine baryp, balasynan balkonyna ilip qoyghan plakatty alyp tastaudy talap etkenin aityp, qúqyq qorghau organy ókili әreketine narazylyq bildirdi.

- Bizding balalarymyz eshqashan búl elde kóshbasshy bola almaydy. Sebebi, olar oqityn mektepte bilim dengeyi óte tómen. Oqushylar sarayy bolmaghandyqtan bos uaqyttaryn qalay ótkizetinderin bilmeydi. Kóp әielder balalary ýshin júmyssyz ýide otyrugha mәjbýr. Óitkeni, olar balalaryn qalanyng ekinshi shetindegi ýiirmelerge aparady, - deydi ol.

Azattyq tilshisi qala biyligimen de, BI Group kompaniyasy ókilderimen de sóilese almady.

Núr-Súltan qalasynyng sol jaq jaghalauyndaghy bir birimen iyin terese ornalasqan «Nomad», «Sarmat», «Infiniti» kópqabatty ýy túrghyndary biylghy mamyrda da dәl osy talappen jinalghan edi. Ol joly da Núr-Súltan qalasy әkimdigi Azattyqtyng túrghyn ýy qúrylysyn salugha berilgen rúqsat turaly sauabyna jauap bermegen bolatyn. Al VI Group kompaniyasynyng ókili qúrylys kompaniyasynyng túrghyn ýy salu turaly jospary qalany damytudyng bas josparynda qarastyrylghanyn aitqan edi.

Internettegi ashyq aqparat kózderindegi derekke sýiensek, BI Group kompaniyasy halyq qarsy bolghan Qabanbay batyr - Syghanaq kóshesi qiylysyndaghy bos túrghan alandaghy salynuy tiyis túrghyn ýy qúrylysynyng ýlesin satudy bastap ta jibergen.

Abai.kz